¹ Inghonga yeimbuli swamu ye Yesu kilisto imwana we Mulungu. ² Foitulumwe ne mugonesi Isaya langa nikumtuma imutumigwa wangu kumwande yako. ³ Dijini dye imunhu yekujoja munyika igoloseni injila ye mundewa, sigoloseni sinjila sakwe. ⁴ Yohana mubatisaji yasololoka munyika yakuhambili ubatiso wo kulamba uwikigala kuleusigwa uwihi. ⁵ Iisi yose ya uyahudi wejawaluyila na wanhu wose wa yelusalemu na kuwabatisa mulwanda lwa yolondani wakulamba uwihi wawo. ⁶ Yohana hakafala singa se ngamia na mukanda wenghingo mchuno chakwe chakundiya chakwe sige na uki wa filambo. ⁷ Yawahumbiliya awanhu, yakugamba, hanyuma yangu yakwija yene udaha kusuma niye aniye sagiligwa kufanama na kudohola sisigi ise filatu fyakwe. ⁸ Aniye nikumubatisani kwa meji ninga imwene yakwenda yamubatiseni kwa muhe usunhile. ⁹ Amajua gago Yesu yeja kulawa nasaleti ya galilaya hoyabatisigwa na yohana muulwanda lina yolodani. ¹⁰ Kamei yakalawe kunje ya meji chimwande yeja yona ulanga ugubuka na muhe yakudulika muchanhaya yakwe kifananchiwa; ¹¹ Dijini dyalawa kulanga, “Agweye no mwanangu mwendigwa nyende sigwe nagineye. ¹² Chimwande muhe musunhile kamulongolela kunyika. ¹³ Naye yowa uko kunyika kwa majua makumi mane yakugesigwa na luhoma, yowaga na makewe ga kumbago na malaika (masugula) wende womotogomela. ¹⁴ Hambiya Yohana yakohigwa, Yesu yeja galilaya ya kuhubiliimubuli swanu ya Mulungu. ¹⁵ Yakugamba, “Ugele wija undewa we Mulungu usegele, mulambe na kuihuwila imbuli swanu”. ¹⁶ Ugele foyagendage munghingi ye bahali ya Galilaya yamona Simoni ne munduguse andelea wakuguma ulinafu linao mubahali, kosoko hawowa waloaji wa somba. ¹⁷ Yesu yawagamba. Nyandamileni, niwagolose muwe walowa wanhu. ¹⁸ Kamei chimwande weja waleka sinyafu sawo na kumwandamila. ¹⁹ Hawaluta hamwande habehi behi, hawamona Yakobo wa Sebedayo na Yohana imunduguse nawo nheifiya hawoina muchiya wakugolosa sinyafu sawo. ²⁰ Kamei chimwande yeja yawenanga hawamulokela ibada yawo sebedayo mchiya hamwedu na wanhu we maliho na kumwandamila. ²¹ Wejawaluta karanaumu, chimwande dijuwa dye sabato (mabwihilo) yeja yengila mwisinagogi na kufusa. ²² Weja wajuma lugano kosoko ya mafuso gakwe kosoko yendeyofusa fina munhu yene udaha kahi si fina watulumi. ²³ Kamei chimwande, hamuwa na munhu yene digini dihile umo mwisinagogi dyawo. ²⁴ Hakalonga, chaina choni cho kugolosa na ngweye, Yesu wanasaleti? Togola kwija uchimalagise? Nikumanya gwegwe no imusunhile we mulungu. ²⁵ Ninga Yesu yadigombela digini yakugamba, “nyamala na umulawe. ²⁶ Kamei dyamuguma chisilisi, na kujoja kwa ijwi ikulu na kumulawa. ²⁷ Wanhu wose weja weja wajuma, wakiyusa wakugamba , “choni chino? Ifuso isha? Kwa udaha yakulagisa hata magini gehile nago gakumuhulika? ²⁸ Simbuli sakwe hosikwinela chimwande kusi iisi sose sikusunguluta Galilaya. ²⁹ Kamei chimwande wakawe mwisinagogi, weja wengila ukaya kina cha simony na andelea, hamwedu na Yakobo na Yohana. ³⁰ Habia imukwewe wa Simoni, ingina ine imke, hakoa mwisasi kena mhungo kamei chimwande weja wamutamila simbuli sakwe. ³¹ Kamei hakeja amkole mkono na kumwinula imhugo haimulekela na kuwa togomela. ³² Hegulo iya dijua dikoswe, wejawamwigilila wose awowile na sinhamu na wowile na magini. ³³ Awanhu wose we ikaya iya howokwija howomema halango. ³⁴ Hakawa honya matewa na matamu ga hayo hayo, nakulafa magini itewa nghagalekele magini galonge kosoko gamumanya. ³⁵ Nhosikusiku kwikali malisalisa yeja yenuka na kuluta kunhu kwichaka wanhu, uko yowa na mateso. ³⁶ Simony na wose woile hamwendu naye weja wamukonhaga. ³⁷ Hawamona wamgaba wanhu wose wakuku hananga. ³⁸ Yawagamba, “chigendeni kwingi kufikaya fihamwedu uleke nihubili uko kosoko iyo nochileka nijile. ³⁹ Yaluta kuhubili iisi ya galilaya mumasinagogi gawo na kulafa magini. ⁴⁰ Yakwila munhu yena ukoma, yakumukongelesa kwa kumufugamila yakugamba, “unghenda ukudaha ukunihonya”. ⁴¹ Naye yamonela ubasi, na kugolola umukono wakwe na kumu kwafa yakugamba, nikwenda uhone. ⁴² Kamei chimwande ukoma wamuleuka hakahonyigwa. ⁴³ Kamei Yesu yamugamba yalute chimwande. ⁴⁴ Na kamugamba, langa unghamutamile munhu mbuli yoyose, ila ulute ukakiyoneseku watambiki go mwenyecho ukalafe sadaka foyalagise imusa kosoko ya kuhona kwa ko chuwe chitangilo ukwao. ⁴⁵ Ninga hakalawa na kukonga kuibwambwasa na kuyenesa imbuli iyo mpaka isidahike kahi kwa yesu kwingila mukaya yakoneke na wanhu. Ninga hakasingala kunje ahanhu hasowile na wanhu hawamulutila kula wa chila uliwandi.