¹ ugele uwo fowejaweja Yerusalemu, foweja waisegela Bethfage ne Bethania, kuditunda dye mizeituni Yesu hakawalagisa wanhu weli muwao awefuswa wakwe. ² Hakawagamba lutein muchikaya ichuile hamwande yetu, ninga fomkakwingila umo, mkakona imwana we dipunda ihanati yakwiligwe, didoholeni munigalila nie. ³ Na inghoa munhu wowose, yanghamgambani nhani mkugolosa nhafi? Mkwendigwa mumgambe imundewa wekumwenda ninga wekwanga yamuise bahano. ⁴ Hawaluta kame wafika imwana we dipunda kohigwa hanje he mlango, yesikaya suile mwasi kamei wekudohola. ⁵ Kame awanhu wamonga aweonile baho hawawagamba “nhani mkudohola imwana mhunda ayo?”. ⁶ Kame wawatamila kifa iYesu foyawalongile, kamei awanhu waya wawaleka walute. ⁷ Awefuswa aweli hawamuigalila iyesu imwana mhunda kahi hawatandika sisuke sao muchanyha uleke iYesu yadahe kukwila. ⁸ Matewa ga wanhu hawatyandika sisuke sao munjila, awamonga nao hawatandika matawi gowatemile kumigunda. ⁹ Awaya awalogole kumwande yakwe na awaya awamwandamile hawatoaga choe, “Hosana! Kabalikiigwa iyekwija mudisina dye Mundewa.” ¹⁰ No ubalikiigwe undewa ukwija we ibaba yetu daudi! Hosana kwe yoile kuchanyha. ¹¹ Kame iyesu hakengila Yelusalemu, kahi hakaluta kuchihekalu kahi hakalanga chila chinhu, hambia ugele nha ugendelela, hakaluta Bethania hamwedu na waya ikumi na weli. ¹² Idijuwa dyandamile ugele fowoyage kulawa Bethania, hakoaga na njala. ¹³ Kwakutali, hakadyona dibiki dyo mtini woile na manyagala, hakeja langisa fina hegelaga kopata chochose mudubiki dia na ugele foyalutile baho, hapatile chochose ninga manyagala, kosoko hayoile ugele we mtini. ¹⁴ Hakadigamba, “hechaka wowose yekwija yadia mamudyo kulawa ukwako kahi” ne awefuswa wakwe hawahulika. ¹⁵ Haweja Yerusalemu, imwene hakengila kudihekalu kame kakonga kuwalafa kunjej awachuhusaji we awakugula kugati kudihekali, nhakabidula asimesa sa awachulusaji we mapesa ne amagoda gawaya awenda wachulusa sinjiwa. ¹⁶ Haka walemesa wase wose hecaka mwinula chochose kudihekalu ichenda chichulusigwa. ¹⁷ Hakawafusa yekugamba, “togoleni, haitulumigwe inyumba iyangu yokwinangigwa nyumba ya kufugama ku awanhu wose? Ninga mugolosa ipango dya awahukaji”. ¹⁸ Makuhani wakulu ne watulimaji hawahulika foyalongage, kame hawakonghaga njila wamkome, hata nheifo hawamwogoha kosoko matewa hagetusigwa ne amafuso gakwe. ¹⁹ Na chila ugele hegulo fojile, hawaleuka mukaya. ²⁰ Fowalokage hosikusiku hawadyona dibiki dye mtini, dinyala mpaka kumisisi yakwe. ²¹ Petulo hakagelegela yekugamba, “rabi! Langisa dibiki dyo mtini dyo udilaanie dinyala.” ²² Yesu hakawabidula, “yuweni ne dihui mu Mulungu.” ²³ Huileni nikuwatamilani fina chila yakwanga yadigambe ditunda dino “leuka na ukakitage gomwenyecho ku bahali, na inghoa kechaka manhonge muchidoga chakwe, ninga yekuhuila fina choyalongile chokoneka, kahi nheifo iMulungu foyakwana yagolose.” ²⁴ Kahi nikumgambani chila chinhu chomkutasa na kusa, kosoko yakwe, huileni fina muhokela fifo fokuwa fyenu. ²⁵ Ugele numu mkwima no kutasa, mkwendigwa kulekelela chochose cho mwinacho mwa wowose yuya, uleke fina ibaba yenu iyoile kulanga yawalekele anye nanye amatoso genu. ²⁶ Ulangisise umkilili auno, ninga mnghaleka kulekelela, ninga ibaba yenu iyoile kulanga, hakudaha kuwalekela anye nanye uwihi wenu, wamwichaka mufitabu fye katali. ²⁷ Kamei hawoya Yerusalemu kahi, iYesu foyagendage kudihekalu, makuhani awakulu, awatulumi ne wasehe, haweja akwakwe. ²⁸ Wekumgamba “kwa udaha waki ukugolosa isimbuli sino? Kahi no nani iyakwinghile udaha we kugolosa agano?” ²⁹ Yesu kawagamba, ni kwanga nimuseni mbuli imwedu, nitamileni anienani nikwanga nimtamileni fina muudaha waki nikugolosa isimbuli sino. ³⁰ Aho ubatiso we Yohana haulawa kulanga au haulawa kuwanhu? Nibiduleni. ³¹ Hawasimulila awene awecho wakikwega wekugamba, fina chinghagamba kulawa kulanga yakwanga yagambe, aho nhani hamumuhuile?. ³² Ninga chinghagamba; kulawa kuwanhu nhawawogoha awanhu, kosoko wose nhawa kolelela fina Yohana hakowa mulotesi. ³³ Kame hawambidula Yesu wekugamba “hachimanyilie” kamei Yesu kawagamba, aninani sikuwatamilani muudaha waki nikuyagolosa gano.