1 Soko umgombele imgosi musehe ninga mgume ludole kifana babako uwagume ludole wanike wechigosi kifana chigambe no wanduguso. 2 Uwagume moyo awafele wadala, kifana wang`ina sakwo na awafele wanndele kifana wadada sako kuuswamu wose. 3 Uswamu wawajane awaya woile wajane mchawelu kaabisa. 4 Ninga halika mjane kena wana au wajukulu waleke kwanza wakifundishe kionesa uswamu kuawanhu wesinyumba sao awenye wawaleke wawalihe welesi wao maswamu kosoko aino ina uswamu hamwande he Mulungu. 5 Ninga imjane chawelu chaweli no yuya iyalekigwe awaimwene iw=mwene yekwika muhui wakwe kwe Mulungu majuwa gose sikwikala mgati mkusali no kutasa chilone sikwikala mgati no kutasa chilone misi. 6 Hata nheifo imfele ayuya yekwikala kukiendi kofa mkumona meso. 7 Na ugalonge ago simbuli no kugamba soko kuwe no kilaumu. 8 Ninga halika munhu hakuwemila awanduguse kifana awaya woile mnyumba yakwe kaile mmuhui na imwene keha afasali yryuya kechaka umuhui. 9 Hambia imfele yawadigwe mgati muolosa kifana mjane foyekuwa nemika sitini na ni mfele we mgosi yumwedu. 10 Yowe kamanyika msimbuli siswamu inghowa kagamba inghowa hakeleka wanagwe, kamei hakowa yekuwakalibisha awageni kamei hakawatasa awaya wendage wekutesigwa kamei akilafa mmilimo yoyose imiswamu. 11 Ninga kwa waya wajane awanike lema kuwandisha muolosa ye awafiligwe kosoko wangheigila kukonela matamanio gemimwili mgati mwe Kilisito wakuhanga kutoligwa. 12 Kunjila aino wekwingila muwihi kosoko wakubena no kilafa umwao kunghonga. 13 Kamei wekwingila umo mkusoela go uwivu uwao, wekusunguluta kaya kwa kaya sio kugamba du wadoba ninga wekuwa wenalulimi, na nokwingilila simbuli sa wamonga, awene wakulonga mbuli sio isao sokulonga. 14 Ninga anie nikuhananga awafele wandele watoligwe weleke awana, wemile sikaya sao, noho soko wamwinghe imwihi luneka yokuchishitaki kwokugolosa wihi. 15 Kosoko awamonga yawe wambidukila Luhoma. 16 Halika mfele yoyose iyehuile kena wafiligwe chawelu chawelu. 17 Chigambe awasehe awaya wekwimila fiswamu wataligwe kugamba waswamu ukoneligwa ugelewose ninga awaya wekugolosa na kufusa imbuli ye Mulungu. 18 Kosoko mawandiko gekugamba soko umfupe ing`ombe umulomo foikwinula chadia na ye kugolosa Milimo yakwendigwa yenikigwe maliho gakwe. 19 Soko uhokele mbuli kulawa kuwasehe chigambe kwina washindi weli au wadatu. 20 Uwaonye awabanile hamwande hawanhu wose, noho awamonga wasigale nohowogohe. 21 Nikukusigilila kwa ludole hamwande he Mulungu na hamwande he Kilisito Yesu na Malaika wateuligwe kugamba sikigwe digoya sisigilisi iso soko mtamanule wowose na kugamba soko ugolose mbuli yoyose kwa kipendelea. 22 Soko umwikile munhu yoyose imikono chimwande, soko ukihase no uwihi we munhu yungi ikwendigwa kibwa=ihisa gomwenye uwe mswamu. 23 Haukwendigwa unywe meji muhala ichinyume chakwe unywe ne mvinyo fikefu kosoko ye kunda ne isintamu sako se ugele ku ugele. 24 Uwihi wewamonga awanhu umanyika kuchawelu na sikuwalongolela kukutemeliwa ninga isimonga so wihi sikuwandamila uko. 25 Nheifo nheifo awamonga ye imilimo miswamu, imanyika kuchawelu ninga isimonga hasikwenda sikifise.