1 Awaya wose woile hasi yam ting`ongo kifana watumagiswa wawalondele awandewa wao kifana wekuwafugala, kose wakwendigwa wagolose nheifo noho disina dye Mulungu ne amafusa soko galigigwe. 2 Watumagiswa awene wandewa wakuhuila soko wawabese kosoko awene no wandugu ichinyume chakwe wawafugamile fiswamu kosoko wandewa wekuwatasa milimo iyai na wene muhui na wakwendigwa kufusigwa no kugalonga, isimbuli asino. 3 Inghowa mungu yumwe yekufusa kuwihi na hakugahokela gochikumtamila agene uswamu agene no isimbuli se Mundewa ye amafuso gechilongosa mgati muuswamu. 4 Imunhu ayo hakiyona na hamanyile chochose ichinyume chakwe kena uwihi no kibishila ubishi mchanyha ye simbuli isimbuli asi sikwelekka wifu kitowa maligo kidegela fibi. 5 Na inyono ye kila ijuwa mgati ye wanhu aweni amatwi gabanike wakuileka ichawelu, wekudoga kugamba uuswamu, noinjila yokuwa wagoli. 6 Hambia uswamu no konela nofiswamu ichikulu. 7 Kosoko hachijile na chochose mchilunga naho hachikudaha kulonda chochose kulawa kuchilunga. 8 Ichinyuma chakwe chifumile ne chakudia ne isisuke. 9 Hambia awene wewangu wowe wagoli wekulagala mgati mmageso mgati mmitego wekulagala mgati muudongwe uwingi no kukonela agehile no mgati chila chochose ichikuwagolosa awanhu wadidimile mgati mkwaga no kubanika. 10 Kosoko kukwenda amapesa noing`ongo ya finhu vyose fyo uwihi awanhu awene wekusimila nhafyo sagilisigwa kutali na muhui na wakisoma awenye kuchiholosi. 11 Ninga gweye munhu we Mulungu gatije mabuli ago yandamila chawelu uuswamu uaminifu uwendo kufinyilisa no uholosi. 12 Kitowe ing`ondo iswamu ye muhui kolelesa uumi wo majuwa gose uwikigwe hayuwa kosoko aino kugamba hakulonga ushahidi hamwande ye awonile awengi kwachia ichiswamu. 13 Nikukwing`ha isimulisi asi hamwande he Mulungu, iyekugolosa ifinhu fyose kwikala na hamwande ye Yesu Kilisito iyalongile yuwile chawelu kwa Pontio Pilato. 14 Uike digoya iamuli kuuswamu hechaka kogoha mpaka foyekwija mundewa wetu Yesu Kilisito. 15 Mulungu yekwanga yelafanise ukwija kwake kuugele umswamu Mulungu yehongeswe ludole ulwene mndewa yowile mwimilisi. 16 Imwene yekwikala ugele wose no yekwikala mgati muujelu usikudogeleleligwa hechaka munhu yekudaha kumona hechaka yekudaha kumona noho kwichaka yekumulanga ukwakwe yuwe fiswamu no udahi wo ugele wose chawelu. 17 Watamileni awagoli mgati mchilunga achi soko wakiyone nosoko wahuile mgati muugolo uwene sio weichawelu ichinyume chakwe wakwendigwa kumuhuila Mulungu, imwene yekuchingha uugoli wose we ichawelu noho chonele. 18 Walongeni wagambeni wagolose fiswamu wowe wagoli mgati mmilimo imiswamu wowe wakuwakalibisha no kilafa no kulafa. 19 Mgati ye injila ayo ekiikila udahi mswamu kusimbuli sikwija noho kugamba wadahe kukola uumi umswanu. 20 Timoteo wimile achia chowinghigwe kileguse msimbuli sokulongalonga ye ichidongwe no kibishila gene koubishi agene no geudasi gakwinangigwa ge hakili. 21 Mgati muwanhu wekuyalonga simbuli aasi nhafo waiswela umuhui imboto na yuwe hamwedu na gweye.