¹ Hambiya muhe yekulonga chawelu chawelu kosoko mgati muugele ukwija awemonga awanhu wakuleka muhui no kuwa meso kutegelesa muhe ukudanhilisa no kufusigwa na mgini. ² Gekufusigwa mgati muudasi no kubesa mfidoga fyao sikubiduligwa. ³ Wakuwalemesa kutola no kuhokela vyakudia hatuwa Mulungu hakafyumba fitumiigwe na waimanile chawelu. ⁴ Kosoko ye kila chinhu ichene MUlungu choyechumbile nichiswamu kwichaka ichene chochikuhokela chougele kulemigwa. ⁵ Kosoko nikusunhigwa kulokela imbuli ye Mulungu na kwija ye kutasa. ⁶ Halika uhasika simbuli asi kumwande ye awandugu ukuwa mtumishi mswaumu kwa Yesu Kilisito kosoko kwikigwa digoya kusimbuli so muhui no kufusigwa fiswamu agene gougandamile. ⁷ Ninga dileme dipatano dye iisi isene sikwendigwa na awafele awadala chinyume chake kifundisheni muwenye mgati muuswamu. ⁸ Kosoko miseingo ye mimwili miswanu kidogo ninga uswamu ukwendigwa lugano, kusimbuli sose kwika digoya dipatano, ugele wa hambia no uya ukwija. ⁹ Inonga aion chawelu nokwima nyima kukwidikiligwa chawelu. ¹⁰ Kosoko nhafi chikudumangila no kugolosa milimo kuludole lukulu kosoko bila kogoha mgati mwe Mulungu yene uumi imwene no yekwihula awanhu wose ninga muwaya awene muhui. ¹¹ Ugalonge nokugafusa simbuli asi. ¹² Munhu yoyose soko ya uholose uwanike wako ichinyume chakwe wonese mufano kuwanhu wose wahuile mgati mwokulonga mulugendo no uwendo mwichaka wihi no uswamu. ¹³ Baho nomanjile wikale mgati muwifusa mgati mkufunda no mgati mkuwafusa. ¹⁴ Soko usobose udahi wuile mgati yako iyene yoweng`igwe kulawila muulotesi kukwikiligwa mikono na awakulu. ¹⁵ Huile simbuli wikale mgati mwago noho kukula kwako kuwe kuswamu muwanhu wose kolelesa chawelu singhenda sako no kufusigwa. ¹⁶ Wakale mgati msimbuli asi kosoko kwakugolosa nhafo mkiakowa muwenye na awaya wakukutegelesa.