¹ Hamisheena onebee habekwabita ulubitee paswaiyebebee tciyatcana udhaifu bee kwa pe udhaifuneehe,akawabita paswaiyeehe hlaa iyana itcinanena. ² A utcamena iso pendedzaitita jiraniko ma a ia tsie kweya lengo ma elahatca. ³ Akristo akwamo hlaaiya itcinanema.Badalama,hiiame isa kwame n!e k'aiya,''Milasoweta bee habekwamemikilasena kopatakwa mo aono.'' ⁴ Kweya iia hamakweya akakae n!ekaiya,an!eke aiyamo kweya elekedzaiyonatca,kweya kusudi a //etletca lamitca a //etletca tiwaiyatca nkoloko a maandikobee bahiitebikwi ujasiri. ⁵ Atonena Hayne ma uvumilivu a tiyaitite nkoloko isokwiyina hete ania kona kweya kila utcamina kona a Yesu Kristo. ⁶ Iso gumuseana elahatcana hishinokwa neta nia utcame hete umuseana /'utcamatcana neta awanikako utcameko Hayne ma Babuye ma Bwana yeona Yesu Kristo. ⁷ Atoonena pokeyaitate kila utcamina,a isa Kristo kwamo pokeyaina,kwako utuufuko ma Hayne. ⁸ A tl'odzota kwamba Kristo hiiyamo mtumishi sa toharako kweya niabama humakoma Hayne.Hiiamo hishinokwa ili iso gumuseana.Thibitishaitatcana ahadi ma habi kwami hi!iya kwapi Babiyemibii, ⁹ akweya mataifa /'utamatcana Hayne kwako neemako ma.Isa kwame n!ekaiya,''A hishina hi!ata sifa tinina pana a mataifa a tl'aatcana sifa kwape akanabeena.'' ¹⁰ A tl'odzoweya batl'ate,etebee emeda ma mataifa,pana a emedama.'' ¹¹ A //ama,''/'utamate Bwana ,wetebee mataifa wainaina,tayee emedama mataifa wainaeta ise /'utama bami.'' ¹² //ama Isaya tl'odzoweya,''Bahaeyako a shida ko ma Yese,a utcame hamakweso hukwa tawala ena punaeta mataifabee bahaitape tumaini kweya bami.'' ¹³ Atonena Hayne ma tumaini iso /'osina a batl'abatl'ahe waikoma a amani kweya aminie,a hete guseana hlotcana kweya tumaini,kwape ulubesa nkoloko mtakatifuko. ¹⁴ Ono itcinanekwa atonena shawishikaenaa aetebee,ukwatebekwa.shawishikaena'a kwamba etebee itcinanina /'osiyatea a ts'iyee /'osiyatea maarifa wainama shawishika enee kwamba,etebee pia gumuseaneletee himidzanae na kila utcamina a ubama. ¹⁵ Lakini n!ekatenee neta ujasiri pa'ana itibi tina puna ma ia angeno ili kumbushainatcano //ama,ntsoko ma kipawa hamakwanaa kwimiya a Hayne. ¹⁶ Kipawa hama hiinikwi kwamba inagumuseana kuwa mtumishi ma Yesu Kristo hamakwamo /'uwiya kwape mataifabe jitowaeamo isa kuhani ma injili ma Hayne.Gumuseananikwi hiitcana ili jitowaena kwa kwape mataifabe,itibiti na !ala hiyama !bandolohiyamo a Hayne kwako yekeko sa nkoloko mtakatifuko. ¹⁷ A batl'atcakwa baheya kweya Kristo Yesu a kweya iama Hayne. ¹⁸ A akwenee yumuseana thubutu ena tlodzatca na lolote akweya kwamba Kristo kamilishaeamo //etletcana uninina //hae tcaninaeta mataifabe habee ia timidzaiyame neta nenako a matendo. ¹⁹ Neta ulube ma ishara a maajabu,a kwape ulube sa nkolo mtakatifuko.Hama hiiamo kwamba hi!etca Yerusalemu,a ma!itca mbali isa bahaehe,inagumuseana tciyatcana tongoko kweya ukamilifu injili ma Kristo. ²⁰ Kwako yekeko hako,nia kwa imekuwa tanga dzatatcana injili,lakini si mahali Kristo tetaamiyeya neta akanabee,ili ina akwe elaha puna ma msingi ma unu itce. ²¹ Isa kwame n!ekaiya:''Bee kweya bami ukuwayeta habari bema dzamo /iyapee,a bee habekwame akwe//aema tetaomape.'' ²² Atonena nikuwa pia //akwiyanaa mara fulune dzatcana itibitina. ²³ Lakini hamishena,ukuwakwa sehemu yoyote kwapi mikoabi habii,a hlaatinaa kwapi mwakabii fuluunibii dzatcana itibitina. ²⁴ Hishinokwa mara fulune kweneehaka Hispania,tumainienee /inatcana kwene //etleheehe,a gumuseanatca hakatatca yekekokwa a etebee,badala ma a batl'ahemaa ushirikaa etebee,kweya muda. ²⁵ A hamisheena hakenee Yerusalemu hudumiya natcana wauminibee. ²⁶ Maana pendedzaitame emeda ma Makedonia a Akaya fanyaitatcana tcangidzo maalumu kwape masikinibee panaeta wauminibee beena Yerusalemu. ²⁷ Ndiyo hiimo neta Upendo weta,a hakika,amadeniamo yeta.Maana kweso mataifabe shirikieame kweya ia yeta a kirohone, daiwaiyepee a bee pia hudumiya iyetatcana kweya mahitaji ma gashenga. ²⁸ Atonena,wakati kwata kamilishaehe hama a bahitetcana a utoshelevu matunda hako biitina,ona hakata yeketina pana a etebee beena Hispania. ²⁹ Tetaenee kwamba,wakati kwene edza iti bitina,dzata kweya utimilifu ma baraka ma Kristo. ³⁰ Atonena !hoshinate ukwatebekwa,kweya Bwana yena Yesu Kristo,a kweya upendo sa nkoloko,kweya ushirika pana a ono kweya !hoshotcana kweya Hayne kwako ntsokoko kwa. ³¹ !hoshote kwamba ina ko//'owiya hi!etca kwapee ukuweta a //aetca kweya Yudea,a kwamba hudumakwa beena Yerusalemu iso gumuseana tciyanatcana a wauminibee. ³² !hoshote ina gumuseana dzatcana itibitina neta batlahe //etletea hlatima Hayne,a ina gumuseana bahaetcana pana aetebee,ina tciya showetca. ³³ A Hayne ma amani iso pana aetebee wa ikowina.Amina