¹ Tat'ata itibitina fibiko mnae kona,aboko melemodatinako kanisatiko boko bahiko kenrea, ² a ishina gumuseana tatsatatcana kweya Bwana,Hiite ishina kweya bami ia tsie a waumini a ikate pana a boko kweya uashenga waikoma bamikweko hla atiehe.maana boko itcinanesa a muhudumu wako ma emedafulune a kwako ntsokoko kwa ono itcinanekwa. ³ Tlasii prikakoa Akila,mremotatebee pana a ono kweya Kristo Yesu, ⁴ bee kweye Hama tcakwa tlekaasoaname hama kweya hamatcaeta bee,itcinaneta,Hilata Nubeeya kwape'e.a akwate itcinanekwa ono bami a kanisabitina wainaeta mataifabitebee. ⁵ Tlasii kanisako boko bahiko Hetsanaeta.Tlasiyee Epanieto sidakwa bami akaka aneyama tcikiyacha kweya Kristo beena Asia. ⁶ Tlasii mariamu boko Eratakwa mremotako neta urubee kwako ntsokoko wina. ⁷ Tlasiiye'e Androniko a Yunia,ubabi kwa,a i//iyibii pana aona.A muhimunipii panatca mitumebii,habikwami a akakaneyami tetaomatcana kristo kabla kwa. ⁸ Tl'asiyate Ampliato,mpendwa kwa kweya Bwana. ⁹ Tl'asitate Urbano,elasukwe melomodako pana aono kweya Kristo,a stakisi mpendwa kwa. ¹⁰ Tl'asiyate Apele,bami kubaliwaiyehe kweya Kristo.Tl'asiyetate wainaeta bahebee kwako hetsakoma Aristobulo. ¹¹ Tl'asikooHerodioni,ubakwa.Tl'asiyetata wainaeta habekwapee kwako hets'ako ma Narkiso bee bahebee kweya Bwana. ¹² Tlasikoo Trifaina a Trifosa,elatebee mele modako neta biidiiko kweya Bwana.Tlasiyate persisi mpendwa,hama kweya elasu kwa melemodako paana kweya Bwana, ¹³ Tlesikoo Rufo,hamakweya tcaguliwaiya kweya Bwana a asukoma a uniniko. ¹⁴ Tla'asiyate Asinkrito,Flegon,Herme ,Patroba,Herma,a ndugubee waikoweta habekwape pana abee. ¹⁵ Tlasikoo Filologo a Yulia,Nelea a Mitsikosa a alimpa,a wauminibee wainaeta habekwape pana abee. ¹⁶ Tlasiyata kila atcame neta busu nube.Kanisabee wainaeta kweya Kristo tl'asinapee. ¹⁷ Hamisheena!ushinate ,ukwatebe,goseka na punaeta habee habekwapee dzana ts'a ts'atcaa //uku//ukutca.hakelpee hatlisha aidigabee habekwateta kenena jifunzaehe shakate hi!ete biitina. ¹⁸ A toonena emeda isa hama akwapee tlukumu kumuma Kristo Bwana hutcabeyeta itcinaneta neta idigabeyata !akakaebee a ililiyeta a lamate lamusiyetayepe nkolobeeta ukuweta ntsokok. ¹⁹ Neta mtanoma n//aetcana gushikamapea kila utcamiina,atonena,batlaheta punaina,lakini hlaainata etebee hete a busalatee kweya halima nubee,a ukuetcana ntsokoko aane nama tlekee. ²⁰ Hayne ma amani akweso bekwa !ukuputatcana !o!hoko tlenaeta mopandaina.Neema koma Bwana Yesu Kristo iko pana aetebee. ²¹ Timotheo,elasakwe melemodako pana aono,tla sinaya,a lukio,Yasoni a Sospeter,ubabikwa. ²² Ono Tertio,hamakwata n!ekata warakako hako,tlasinata kwape akanabema Bwana. ²³ Gago,hamakwamo n/otsakwa a kwako kanisako wa inasa,Tlasinako.Erasto,n/lots'ase hadzinako ma yamua,tl'asinaya,pana a kwarto hamakweya nduguye. ²⁴ (Dzingatiya:Kweya nakala halisi a akakaane,mstari hama ukuwa tcee warumi 16:20 ''Neemakoma Bwana Yesu Kristo ikohama a etebeee wainaina.Amina.'') ²⁵ Hamisheena kweya bami bahaite uwedzo hiinata a hete ika isa injili a tcetcekanuma Yesu Kristo,Isa a ufunuo ma siri hamakweya buhiya kweya muda tase, ²⁶ Atonena hamishena kenenako hushuwiya a hiiyatea iso!uyuhe a maandikobeee ma unabii isa a amrikoma ma Hayne ma milele,neta utii ma imani pana eta mataifabee wainaeta? ²⁷ Kweya Hayna itcinanema bami hekimane //etletca Yesu Kristo,iso a utukufu milele wainama.Amina