¹ Tastanete uunuk'ao bami /ukusune kweya imani,akwe hi!nechana hukumuko kuhusu a gosekama. ² Unu ichame imanine ya semechane gashenga wainama,ichenakwete hamakwe /'ukusune'e semeya nyanyidabii tu. ³ Unu hamakweya aseme kila ihia taakwekakotalahana bami hamakwe yaakwe sema kila goshenga.A bami hamakweya akwesema kila gashenga taakweka hukumuita ichenakwete hamakweya seme kila gashenga.Kwa kuwa Haine baheyamo tastenachana. ⁴ Te akwadzatee,te hamakwatita hukumuita mpokazi hamakweya dodegeana kweya unu ichenakwete?A anenama Bwana ana kwama ikaya oo ishaya.Lakini hukwiyaya,kwako nsokoko Bwana gumuseaneya elahachana isoika. ⁵ Unu ichame notsaseya tsifika ichameko akwe ichenakwete.ichenekwate notsaseya kila tsifiko sawasawa.Hingi kila unu a soslaati kwako masalako ma ichinanema. ⁶ Bami hamakweya chita ntsifiko chityaya nena masalako ma Bwana.A kweya bami hamakweya,seme kwako nsokoko ma Bwana, kwa kuwa kwemaya Haine nubee.Bami hamakweya,sema,llakoheya semechana kwako nsokoko ma Bwana.A bami hi!nayo nube'e kwaya Haine. ⁷ Kwakuwa ukuwa hame kwako nafsi koma,a ukuwa ,misiye kwako nsokoko ma ichinanema. ⁸ Kwako kuwa kwebe hame'ehe,hamabita kwako nsokoko ma Bwana.A kwebe amisiyehe,misibita kwako nsokokoma Bwana.Atonena kwebe'e ahama oo misihe tu gidinda ma Bwana. ⁹ Kwa kuwa ni kusudi hako Kristo misiamo a kamohama //ama,kwa iso Bwana yona wainaona misiyebe au mamebe'e. ¹⁰ Lakini te,akwianinatita hukumue ukwa tena?Ate akwinanitatita hukumuehe ukwate ena?Kwa kuwa onebe'e wainaona ikabita aanena ma igogo ma hukumu koma Haine. ¹¹ Kwa kuwa !nekahiyakwa,//isa kwataahama,''Thodzoweya Bwana,''Ononina ono kila guliguliko gwa asiyako,akila /ata hi!naya sifa kweya Haine.'' ¹² Hishinokwa atonena,kila ichame ona hi!naya gobaliyama ichinanema kweya Haine. ¹³ Hishinokwa ibaakwetuhe //ama hukumiwaiyachana,lakini ubama amua hishinokwa,kwamba ukuwa hamakweso cheka kikwazo oo mtego kweya ukwate ma. ¹⁴ Tetyaene'e a shawishikaena'a kweya Bwana Yesu.Kwamba ukuwa ihia hamakwe theke'e ichinanema.Ni kwa bami tu hamakweyadhanie kuwa chochoteya ni thekeya,kwa kuwa baminina ni thekeya. ¹⁵ Kwako nsokuemae seme ukwa tena /ukusunaya,akwesoithikwa //ama kweya sla'ati.Takwethikita kweya seme hena unu hamakweya kwako nsokoko ma Kristo misiamo. ¹⁶ Hishimokwa takweteehe ichikwaeta tsie isesiana emeda dhihakiwaichana. ¹⁷ Kwa kuwa ufalme ma Haine akwe kwako nsokoko ma seme a !o!olomako bali ni kwako nsokoko ma haki, amani,bathahe,kwako mkoloko pethahiko. ¹⁸ Kwa kuwa bami elasukwame Kristo kwaya jinsi hama eheyamo kweya Haina a ehemiyamo kweya emeda. ¹⁹ Hishinokwa atonena,a thume'e ihia ya amani a ihia hamakweya maema unu a iche. ²⁰ Takwetethikitita molemodako ma Haine kwa nsokoko ma seme.Ihia wainama nena humako ni tsiiyako,lakini ni theke'eya kweya unu hina hamakweya seme a sianachama bami tu//uchana. ²¹ Ni tsiyeeya akwesemechana manako akwe fachana divai,aakwe chochote hakweya kwaya bami ukwate ena hukwazwa. ²² Habi imani maalumu kwatita chukwa ha,sechikiya //aana naina ichinanema Haine.Balikiwaiyamo hina hamakweya akwejihukuue ichinanema kwape nabee habekweya eheta. ²³ Hamakweya makanee hukumiwai yamo kweso semeehe,kwako nsokoko akwayatokanae'e a imani.Na chochota hamakweya akwehie!a imani ni dhambi.