¹ Kila nkoloko aiko utiiniehe kweya mamlaka pune,kwa kuwa Hayne.A mamlaka bii bahibii tcikiyami a Hayne. ² Atonena hamakweso llakomameya mamlaka hama llakoseya amrikoma Hayne;abee //akosebee tciyapee hukumu puna eta itcinaneta. ³ Atonena watawalabee akweya tishiyoehe kwape tendaebe ubee,bali kwapeee tendaebee th'ekee a thaatitita akwetlhimatcana mamlaka?Fanyaee nubebee.Aita sifikaehe a bee. ⁴ A hishina mtumishiyama Hayne tinina kwako ntsokoko ma nubee.A kwetee tendaehe bee tlekebee,ilhii,kwa kuwa akwa ita te!eta upangako bila ntsokoko.Kwa kuwa mtumishiyana Hayne,isa mlipa kisasi kwako gadhabu,punama hina fanyaehe tlekee. ⁵ Atone na pasaiyetee tiietcana,Aakwe ntsokokotina ma gadhabu,bili a kwako ntsokokoma dhamiri. ⁶ Kwako ntsokoko hako pia lipaete ekodi,kwa kuwa bee mamlakanebe a watumishipee ma Hayne,ambao fanyaepe elahatcanaia hama. ⁷ Golepanate kila utcame hamakweya dahiina kodi kweya stahiliehe kodiko:ushuru kweya stahilie ushuru;ithimikweya stahilie ithimiyana;heshima kweya stahilie heshima. ⁸ Takwete daiwaiya neta unu ia tcotcote,ahishinokwa pendanaena etebeea etebee.Kwa kuwa bami pendaite jirani ma timidzaitama sheriako. ⁹ A akwetee,''dziniehe,akwetee //oana akwete ts'ake,akwete tamaniehe,''akweko bahaiehe amriko itciko pia jumlisha waiyakwa kwako nsentensiko hako:thatita jiranikona isa teko itcinanena.'' ¹⁰ Upendo akweso dhuruitita jirani ma unu.Atonena,upendo ukamilifuwasa sheriako. ¹¹ Kwako ntsokokoma hama,tetaetete wakati,wakati,kwamba baheyamo wakati hi!etcane kwapi !ikwibii.Atonena wokovu gona na!'iamo paana kuliko wakati hina hamakwabaa aminiehe ak'ak'aanena. ¹² Ts'ifu hak'ama,amtcana na!iamo,a ibatceka embelona matendoma titsia,a iba n!uita silaha ma nuru. ¹³ A iba haka sawa isakweya belle a,si kwa sherehema tlekee a kewetca .A ibaakwe haka kweya dzinaa au tamaa hamakwe akwe dhibitiwaiya,aakwe kweya fitina au ilo. ¹⁴ A tonena iba n!uita Bwana Yesu Kristo,a iba akwetceketa nkolobee kwako ntsokokoweta manabee kweya tamaa heta.