¹ Atonena !hushinata,ukwatebe,kweya hurumama.Hayne,hi!etate manabiina sio dhabihuhe.Hama ndoo ibada yina bami maanane. ² Atakwete opaana namnama yamua hama,a hete ku!epehiya hete janitci nia biina hiite hishina hete tciya tetaotca mapenzi bema Hayne habee nubee bee pe ndedzaityebee kamilifu. ³ A to nena tlodzota,kwako ntsokoko punama itcinanema kuliko kweya paswawaiya gosekana A,paswa waiyamo gosekana neta hekima,isa kweya Hayne kwiyina kila utcame kiasi fulani a imanine. ⁴ Kwakuwa pahaitcaebebee viungobii fulunibii kwape manabee utcamebee,a akwapi viungoe waikoitca akwapi melemodatie utcameko. ⁵ Hishina,onebee habekwabita fulune a manabebee utcamebee kweya kristo,a viungo kila utcameko kwako ubakosa. ⁶ Bahaitebebee karama hama!ikitce ikitce kweya kadirisa neemako kwateta kwimiya,kweso karama ehe maehe unu unabiiya,a iso tendekaehe kwa kadiri ma imanima. ⁷ Kweso karamama unu a hudumaha,a iso tumika ehe akweso itce karamaneehe fundishaene a iso fundishaehe. ⁸ Kweso karama ma unu farajaha,aiso fariji ehe .Kweso karama ma unu hi!abowa,aiso hii ye neta ukarimu.Kweso karama unu ongodzaeya,a iso tendekaehe neta uangalifu.Kwesa karama ma unu akweya //eanatca huruma,a iso tendekaene neta batlahe . ⁹ Thaati iso akwe unafiki,tcukiyaitate tlekee,tetetcitci bami nube. ¹⁰ Kuhusu bidiiko,takwebeyina thakamaatikwaete etebee a etebee.Kuhusu heshima,heshimianeniete etebee a etebee. ¹¹ Kuhusu bidiiko,takwete lelengesheehe.kuhusu nkoloko ahete shaukunee,kuhusu Bwana tu mikiyaitate. ¹² Batlate kweya ujasiri hamakwateta ba haiteehe kuhusu tsifibii dzanibii.tsete a subiraneehe kweya kokoyaina hamate kweya!hoshotca. ¹³ Shirikiete kweya mahitajiyeta wauminibee kwa etate yekebee fulunebee alleeshukanebee ukarimu. ¹⁴ Thakamaayetu baraka waikoweta habe kwapee.tesaineehe etebee;tete barikiiyeta takwete gudzumeta. ¹⁵ Batl'ate pana a batlabee,pipite pana pipebee. ¹⁶ Tete nianee utcame etebeee a etebee.Takwete gaseka kuwa jivunae,a!alomate emeda haline tlhene.Takwete hekimaneeehe punama gasekaninaina itcinanina. ¹⁷ Takwete golepana unu yeyote tlekee atlukee Hiyate ia nube akwabitina ma emeda wai nama. ¹⁸ Kweso wedzekanaeehe,isakwamo tcikiya itibiti na,heta a amanineehe a emeda wainama. ¹⁹ Wapenzi akwete jilipidziyaehe kisasiko itcimanina,atonena etlhetlhesate ghadhabu koma Hayne.Kweya maana n!ekayame takwete jilipidzaehe,''Kisasiko uniniyako;Ono golepata;atladzoweya Bwana.'' ²⁰ '' Akweko tlikikona hatseniehe,siamitii.Akweko akeniehe,fitii.Kwetee hiiye hishinok ts'uisaita !okwabii t'sokonibii punasa tlomakosa.'' ²¹ Takwee thakaiya atlekee,a thakae tlekee neta nubee.