¹ Atonena thodzota,je,Haine llakomamo emeda ma?ak'uminakwete.Kwa kuwa aono kai mwiisraelinee, ukwatema Abrahama,kabilane ma Benyamini. ² Haine akwamollakoma emeda ma,habekwa amoteta tangu akakaanena.Je akweteta tetae'e andiko thodzowe akwia kuhusu Eliya,jinsi kwathodzoma Haine puhunama Israel? ³ ''Bwana ll'owichame manabii biyena,abii mumuslakwami madhabahu biicha ono ichinanekwa thaena'a abii kwakaipii amayegaekwa.'' ⁴ Lakini jibukoma Haine thodzochaniko akwia tinina?''Notsamana'o kwako nsokokokwa emeda bunibii a samakabii habekwame akwegukuma guligulibee Baali.'' ⁵ Hata hishinokwa,wakati hama hamaishoone kae bahepe'e habekwape'e thae kwako nsokoko ma gobagola neemane. ⁶ Lakini kweko nena neema,akwe llama nena matendo.Ichemakaka neema akweko llama neemae. ⁷ Akwia atonena?Yamua hamakwamo Israeli boko eakwa kwako kopatatami,a ichebee chikimiyami /'apane'e. ⁸ Isa kwakwa !nek'ahiya:''Haine kwihinamo nkololoko ma ubutu,akwabee ili iseakweliya hatchapichiko ili iseakwell'ae a hamaishoo hama.'' ⁹ A bomi Daudi thodzoweya,''Tayii mezako weta a ise wavu,ta/iko,yamua ma tu//uchana,a golepana kisasi dhidi naeta. ¹⁰ Taete akwabe'eta isechikimiya ti/'ia ili iseakwegumuseana /ianachana.Kama mishenee slakabe eta daima.'' ¹¹ Atonena thodzota,''Je,tul'uame hata ishachana?''Siyo hishinokwa llama.Patine,ma kweya nokowa wata,wokovu gushikamo kwape'e mataifabe'e,ili bee ichinane'eta isechikimiya ilo. ¹² Hamaisho kwesa nok'owae biitina ni sabieya ma yamua,a kweko hasarae yetae ni sabieyayeta mataifabee aku kiasia zaidina kweso kamilikaehe biitina? ¹³ A hamaisho thodzota aetebe'e emeda ma Mataifa,kwa kuwa bamiena'a mtume kweya emeda ma Mataifa ichebe'e,lalak'a nata hudumakwa. ¹⁴ Labda cheketata ilo hamikwape manae ichamebe'e a Ono,labda ishietaota ichebe. ¹⁵ Nsokoko kwesu llakomiya chaoweta sawako ma yamua,tastiyaeta tashiyeya ila amayegae hi!necha kwape tatlebe'e? ¹⁶ Isa semenekwahi akakaane ni gulimowa hiiyeya kweya donge ma dalanka.Isa wilibii ni gulimo,awatabiri biyeta kadhalika. ¹⁷ Lakini isa ichebetata awata !iyame,isa teko,awata shaane la mzeitani,tosliyakwa llaa naeta,a kwete gugiya ichameena abee kwepiii wilibi ma utajirie ma mzeituni, ¹⁸ Takwe lalaka puhunaeta awatabe'e bebe'e naeta isa kwete lalak'a akwaita tee hamakwatita ishiichee wilibii,bali wilibii ishinipii te. ¹⁹ Atonena thodzotita,''Awatabii !iyami ina chiya tosliyana kwako itinako.'' ²⁰ Hishinokwa humako.Kwako nsokoko ma akweaminiecha eta !niyame,bebeenaeta te ikata'a hak'aaena kwako nsokoko ma imani yeta.Taakwegoseka ichinanena kwaya hali puhune paana,bali islii. ²¹ Kwa nsokoko kweso Haine akwamotaeta awatabe'e kenebee,akweso hurumiyayena. ²² Che'e'e,atonena,ichikwa tsie a beteteema Haine.Kweya muthu ichame,betete'e dzamo puhuna hicha Wayahudibii habikwami isha.Lakini kweya bala iche tsiyeema Haine dzaheya puhuna ena,isa kweso hak'aa kweya tsiye'ema.Kwesehiye'e kweso hak'aa kweya tsiye'eina kwesehiye'e te atonena //'akomiyatita ichana . ²³ A ll'ama isa kwese akwetupuhe kweya akweaminie biite,tusliyape'e ll'ama.Nsokoko Haine chokwaeteya ulubee' chekehetachanebee ll'ama. ²⁴ Kwako nsokoko kwete etebe !niyatea tongotina kwaya ulio kweya kene'e mzeituni slaa'a kiyume ma kene'e tusliyame kweya mzeituni hakokwako tsi'ie akwe zaidi paana habi Wayahudi, habekwame isa awatabe'e asilinebe'e gumuseana thumiyachana //'ama chikina sa mizeituni ko weta chineeta? ²⁵ Kwako nsokoko ukwatebe'e akwato slaati,teteakwetetao,husana echana a siri hama ili iteteakwa gumiseana a siri hama ili iteteakwa gumiseana a hekima kweya goseka kaina ichinanehina.Siri hama nikwamba hak'aako hi!eyakwa kweya Israel,akweya kamilika ema mataifa kwesodzata. ²⁶ Hishinokwa Israeli wainaeta ishiiyape isa kwamon!ek'aheta:''Hin!echa sayuni zaya ishishimo./'uanaya Thekee hi!echa kwaya Yakobo. ²⁷ A hako bokoeyako aganoko wena gugiya abee,watika kwenee /'ueheta dhambi yeta.'' ²⁸ Kwaya bala ichame kuhusu injiliko,kokoliyepe'e kwako nsokoko ona.Kweya bala iche hin!e a gobaguliya ma Haine,slaahiyame kwako nsokoko wicha akayemibii. ²⁹ Kwakuwa gashenga a kaacha ma Haine akweso kwe!epehe. ³⁰ Kwa kuwa akakanena etebe'e mlikuwo tayatea Haine,lakini yamasa ta/'anatea rehema,kwako nsokoko ma kwe!epecha eta. ³¹ Kwako yekeko boboko,yamasa bii Wayehudi kwe!epeami.Matokeo wicha ni kwamba hi!echaniahicha a hueu,a kwatia jariwaiya itibii gumuseanapii pia ta/'anachana rehema. ³² Nsokoko Haine i//amo emeta wainama kweya uasi,isa gumseana hurumiyai yetachana wainaeta. ³³ Jinsi kwami !uslae gashenga aso a hekima a masalako ma Haine!Akwako telaumiyie hukumu bima,a yekebema akwapetetaomiyee! ³⁴ ''Nsokoko akwadza hamakweya puhunama nia ma Bwana?Oo akwadza kweya mshaurie mae? ³⁵ Oo akwadza kai kwamokwema ihia Haine,ili isokwimi //'ama?'' ³⁶ Kwako nsokoko hin!echa baminina,a kwako yekeko ma a bamikonina,Hia wainama baheya.Baminina iso utukufuehe milele.Amina.