¹ Ukwatebekwa niasa nkolokwa a !hoshotcakwa kweya Hayne kwako ntsoko weta,kwako ntsokoko ma wokovu weta. ² A shuhudiyayetata A juhuuditepee kwako ntsokoko ma Hayne,A akwe neta ntsokoko ma tetaotca. ³ Aakwapee,tetaomeehe haki ma Hayne, akwakwaepe elahatca haki yeta iteinaneta.A kwame //a//aee kweya haki ma Hayne. ⁴ A kristo bamiya shikiyesa sheriako kwako ntsokoko ma haki kila unu aminiehe. ⁵ Atenena ,Musa n!ekaetama kuhusu ha haki bami dzane hi!etca a sheriako:Unu bami kweya tendaiteehe haki sa sheriako hamaya kweya haki hama.'' ⁶ Atonena haki hamakweya hi!eehe a AImani Tlodzoweya Hishima,''Takwetlodza nkolotina nana,'Akwadza pululuheya hakatca puna?'(hama,dzanatca ha kristo tlena). ⁷ A takwe tlodzo,'Akwadza.kweso tuwa kweya bada?''(Hishima,dzanatacaha Kristo puna hi!etca kwape hull'utebee). ⁸ Atl'odzowako akwia?''Neno ko bahiyako.Kupana ateko,kwako awanikakonaa kwako nkolokona.'' Boko a nenowako ma amani,hokwaota tangadzaitita. ⁹ Akwako awanikakona kiriitaita Yesu a Bwana,a ita aminiehe nkolotina na kwamba Hayne hupiatamo hi!etca kwako hullako akokaetita. ¹⁰ A neta nkoloko unu aminieheya a tciyatca haki,aneta awanikako kirieya a tciyatca wokovu. ¹¹ Aandikoko tl'edzowako,''Kila aminitye akweso aibika ehe.'' ¹² A ukawa iteee //aanama myahudi a myunan.A Bwana babamiya a Bwana yeta waikoweta,a bami tajiriya kwape wainaeta kaamebe. ¹³ A kila unu kaate akanabema Bwana koll'owiyaya. ¹⁴ A jinsi tume tashinapese gumuseana kaamatcana bami hamakwape akwe aminii ta?A jinsi tume kwesa humuseana ami niitatea kweya bami hamakwape akwe !aema?Atashinapese !aema ukunitana muhubiri? ¹⁵ A atashinapese gumuseana hubiriena,isipokuwa /uwiyame?-isa kwame n!eka yiya,''Jinsi gani a ts'iipii upukwabiye ta bee tangadzaebe idigabee a batlahe nebee a ia nebee nube!'' ¹⁶ A wainaeta akwame e//ekekema injili.Atonena isaya tl'odzoweya,''Bwana,akwadza kweya //aema idigaya?'' ¹⁷ Hishinokwa imani dzaheya kutokana a //aetca, a //aetca neno koma Kristo. ¹⁸ Atl'odzota,''Je akwame//a?''a hakika paana.''//ukwaeta a hi!eyamo tongoko kweya yamua waikoma,a i'digabeyeta hakatca shishik'anini nama yamua.'' ¹⁹ Dzaidinama wainaeta,tlodzota,''Je Israel akwame tetap?''A Musa tl'odzowe ya,''Ijngetata inakweyeta ila kweya emedabami akwe taifa.Neta yekekosa,taifako ukusa tetao,//unukiinata atete ofa.'' ²⁰ A isaya a beteteya paana a tlod zoweya,''!uyuna a bee habekwame akwe kwakwaokwa !uyunaa biitina kwape bee habekwame akwe hlaatikwa.'' ²¹ Akweya Israel tlodzoweya,''Ts'ifibii waikowitca //atlhatanaa ukwakokwa kwape akwe //a//abee a kweya emeda hakaa.''