¹ Kisha malalamiko botanoko k'wasakwa tarumbeta sa./'iyetana'a tzabe hin!echa a'anina hakokwakwa isha kweya yamua tzabe'e kwimiyakwa ufunuko sa badako hakokwako hakie kwako badako ukusa shik'ihe. ² ll'a'atamo badako ukusa a shik'ihe,a tsik'o kamohaha puhuna nena safu hin!echa chikina sa badako isa tsik'o hin!echa kwako tarnuruko pakapako.Ishoko a a'a e!e peami kami titsia kwako nzoko matsiko hamakweyahini!e badatina. ³ Chikinama tsiko nzige sla'atiyami dzachana puhunama yamua,abe'e kwimiyami ulube isa nabe pislite puhuna ma yamuo. ⁴ Himiyami akwethikichachana enabii kweya yamua au mmea waima ll'awictene a tsitiku,isipokuwa tu emeda hamakweya ukue mahuri ma Haine kwape ngetseabe eta akwape eta. ⁵ Akwamekwimiya ruhusu ma llowetacha bami emeda,bali kokoyiyetachana tu kwapi setabi botanabii /'etene'eheta hiiheyamo isa hina kathiyane a pisliko kwako akatha unu. ⁶ Kwapi tsifipi bii emeda kwakaaya ta//i,lakini akwesechiyo.Tamaniehepe tall'i,lakini tall'i chiyetaya. ⁷ Nzigebi gumiiyami a farasibi habikwapi andaliwaiya kwa tzukume.Kwape thomabe icha bahaeamo a gashenga isa taji sa thahabuko a ngetse abeeta hiiyepe isa emeda. ⁸ Chokwahete'eame hathebe'e isa akwitibe'e a ahabe'eta hiiyepe isa seseme. ⁹ Chokwaheteame a k'atzabe'e isa katzabe chumanebe a ll'uk'wa a mbalibe'eta asabe tzumenebe a farasi chinibi hakacha tzakumenina. ¹⁰ Chokwahicheeame a miakabi tsetenibi isa pilhiko;kwapi miakabi yeta habekwame hak'a'ae dhuruechana emeda kwapi setabi botanobi'i. ¹¹ Kwamebahae abami isa mfalme puhunaeta malaikabe badatebe ukusa shikihe.Akanabe bema kweya kiebrania Abadoniya,a kweya kiyunani chokwaheteya akanabe'e Apolioni. ¹² Ole akaka'ane lletlheamo.Che'e'e!Baadanasa hako baheya maafa piye dzane. ¹³ Malaikako sitaniko k'wasakwa tarumbeta sa,a kanall'ae llukwa kwesohi!e kwako lo'oko ma madhabahu hakokwako hahie aanena ma Haine. ¹⁴ llukwa hesamo malaikako sitaniko chokwahiko a tarumbeta,''Tahete'e mamlaka bone'e habekwape'e illiya kweya kela pakapa'a Efrata.'' ¹⁵ Malaika nabe bonebe'e habekwame n!ekahiyo kwako saako boko maalumu,tsifiko boko,seta bami,a mwaka bami,tahimiyame sellowiya theluthi ma emeda. ¹⁶ Idadi hicha maaskaribii habikwami puhuna ma farasi bahaeami 200,000,000.ll'aena'a idadi hicha. ¹⁷ Hishinakwa ata /'iana farasinina kweya asepokwa a nabii kwapikaha puhuna hicha:K'atzabiicha bahaeame tesepe'e isa tsoko,bluu hamakweyapislo thomabiicha farasibii kumiiyame a thomabiicha sesemebii,a awanikabichina hicha hin!eyamo tsoko,tsik'o a salfa. ¹⁸ Theluthi ma emeda llowiyamo a habe mapigo samakabe:tsoko,tsik'o,a salfa hamakweyayahin!e kwape awanikabechinahicha. ¹⁹ Kwako nzokoko ulubehicha farasibi bahaeami kwape awanikabiicha a kwapi miakabiyeta-kwako nzokoko miakabiyeta hiiheyami isa iyato,a chokwaheteame a thomabee'e ambavyo elahetami chikihichana abatobi emeda. ²⁰ Emeda hamakweyathae,nabe ambao akwamellowiya a mapigo,habe,akwametubiyae ithikwaheta habekwame elaheta,wala akwametaya abudue halungube a miungu ma dhahabu,!okushowebe han!abe a tsitibe-gashenga hamakweya a kwegumuseana che'echana,llaechana au itlhikwana. ²¹ Wala akwametubue lloko'owe'echa,hatce'ehicha,bukutuehicha au yekebiicha tsakechanibi.