1 Wakati akwetema pukupuku kwamolla'ata muhuriko sabaniko,bahaeamo a hi/ihe a'anina takribani nusu saako. 2 Atonena kana/'iyeta malaikabe saba,ikebe'e a'anenama Haine,a kame kwimiya tarumbetabii sababi'i. 3 Maikako ichiko kotadzo,chochokwatakwa bakuliko dhahabuniko chokwahika uvumba,ikakwa dhabahunitina chokwahiko uvumba,ikakwa dhabahunitina.Kotakwimiya uvumba aso ili iko hin!a gugiya aso ili iko hin!a gugiya a!oshocha eta waaminibe'e wainaeta kwako madhabahuko ma dhabahu a'anenama kitima enzi. 4 Tsik'o ma hina uvumba,gugiya a!oshocha eta waaminibe,kamokaha puhuna aanena ma Haine hin!echa akwabichina sa malaikako. 5 Malaikako kotachita bakuliko ma uvumba a kota/'osa tsoko hin!echa kwako madhabahuko.Atonena kotallata tlhehena puhunama yamua,a kamo!uyuhe ll'uk'wa hicha radibii,miale hicha radibii a /'etetema yamua. 6 Nabe'e malaika ambao chokwahiche eame tarumbetabi saba kameshongohe tlhu'chachana. 7 Malaika akaka'aneko kotlhuana tarumbeta sa,a kamo!uyuhe ati han!abite a tsoko gugiye a atama.Kamill'ahiya tlhena kweya yamua ili iso theluthima isotlhoshowe,theluthi ma tsitibe kametlhosho we a enabi wainahicha ll'akathanibi kamithoshowe. 8 Maikako piyeko kotatlhuana tarubeta sa,a gashenga isa han!a pakapaa hamakweya tlhoshohe nena tsoko kamallahiye baharini na .Theluthi ma bahari kamo atamae, 9 theluthi ma viumbe amayega kweya bahari kamitall'i,a theluthi ma meli kamitheka. 10 Malaikako samakako kutotlhuana tarumbeta sa,a tzabne'e akasumebe'e kameisha hin!echa a'anina,kwesebell'ehe isa kurunzi,puhuna ma theluthi cha kelabii a kwilikwibiicha atibii. 11 Akanabesa tsako pakangako.Theluthihicha atibii kamo pakangae a emeda aso kamomisihe kwako nzokokowicha atibi habikwami tichiye'e. 12 Malaikako boneko kwasakwa tarumbeta sa,a theluthikosa ishoko kotatlhuiya ichame'e a thetlhiko ma seta a theluthikoweta tzabe'e.Hishinokwa theluthi koma vyote kotashakahe kamo titsiaehe;thelutheko ishoniko a theluthiko ma tsifi ukueama bethashie. 13 Che'enaa,a kanall'ae tai hakokwakwa kanll'a lla'ana ma anga,kwamoka'a nena ll'uk'wa !usla,''Ole,ole,ole,kwape nabe'e hamebe kweya yamua kwako znokoko mamlipuko ma tarubeta hamakwethae ambayo na !amo k'wasiyana a malaikabe'e samakabe'e.''