¹ Baada naheta habe /'iyetana'a malaikabe'e bonebe'e ikepe'e kweya konabii bonibii yamuambii,llakwetami Halangube bonebe yamuanebe nena ulube'e ili kwamba isiakwehabae a tsuchibi vumaibii kweya yamua,puhuna ma bahari a dhidi nasa tsitiko wowote. ² Kana/'ita maikako ichiko dzaniyako hin!echa mashariki,chokwate a muhuriko ma Haine chokwahiyako amayegae.Kotauhu nena ll'uk'wa !usla kwako malaikabe'e bonebe'e ambao kwimiyame ruhusa ma dhuruita yamua a habari. ³ ''Ta'akwetedhurue yamua,bahari,au /'itika mpaka bahea'a chekachana.'' ⁴ Kanall'ae idadi yeta nabee habekwape chikimiya muhuri:144,00,habekwame chikimiya muhuri hin!echa kila kabila ma emedama Israel: ⁵ 12,000 hin!echa kweya kabila ma yuda chikiyame muhuri,12,000 hin!echa kweya kabila Rubeni,12,000 hin!echa kweya kabila Rubeni,12,000 hin!echa kweya kabila ma Gadi. ⁶ 12,000 hin!echa kweya kabila ma Asheri,12,000 hin!echa kweya kabila ma Naftali, 12,000 hin!echa kweya kabila mamanase. ⁷ 12,000 hin!echa kabila ma simoni,12,000 hin!echa kabila ma ⁸ lawi,12,000 hin!echa kabila ma Isakari, 12,000 hin!echa kabila ma Zebuloni,12,000 hi!echa kabila ma Yusufu a 12,000 hin!echa kabila ma Benyamini Chikimiyame muhuriko. ⁹ Baadama yamua bami che'ena'a,a bahaeamo umati pakapa'a ambao ukuwa unu komagumseana gombaleshukwe -hin!echa kila taifa,kabila jamaa,alugha-ikame a'anena ma kitima enzi a a'anena ma akwetema pukupuku,bahaeamo n!uitobowame kanzuko pethaiko a olakwe awatabe ma matende ukwabichinaeta, ¹⁰ a habekwame ka'achana nena ll'uk'wa puhune:''Wokovu ni kweya Haine hamakweya hamo kweya kitima enzi,a kweya akwetema pakupuku!'' ¹¹ Malaikabe wainaeta habekwame ika man!iyama kitima enzi a man!yetacha nabe pa'anakwe ichame'ena a be'e amayega enebe bone, kamellutu tlhehena amuabitina a kamecheketa ngetseabe'eta puhunaheta yamuabe a'anenama kitima enzi a kameabuduita haine, ¹² Kwamethodzo,''Amina! sifa,utukufu,shukurani,heshima ,uwezo a ulube ise kweya Haine ninaona milele a milele!Amina!'' ¹³ Atonena ichamehicha nabii pa'anakwe kamoyasikwa,'Habi akwadzapi n!oitobii kanzuko pethahiko,a hin!eyami tumiika? ¹⁴ Kanahicha,''Bawana pakapa'a tetaete'ete,''a kamohekwa,Habe ni be'epe'e habekwame hin!e kwako dhikiko !uslako.Atabaetame kanzube'eta a se'elaheta sepetha kweya atama ma akwetema pukupuku. ¹⁵ Kwako nzokoko hako bahepe'e a'anenama kitima enzi Hainene,a abuduitepe'e bami tsifi a ishona kwako hekalukoma.Bami hamakweya hama puhuma kitinina ma enzi tsatsahichaya hema bima puhunaheta. ¹⁶ Akwese /'iya hatse llama,wala ake llama,Ishoko akweko hloshoweta,wala joto ma th'osho'ocha. ¹⁷ Kwako nzokokoma akwetema pukupuku hamakweya lla'anama kitina enzi bamieya llollohoweta,a tupuyeta kwako kwilikwiliko wicha atibii ma amayegae,a Haine /'osahichaya kila hatsapikwa bii kwape akwabe'eta.''