¹ Atonena kana /iyeta malaikako ichiko !uslako kwakwatuwa tlhehena hin!echa a'anina.Alikuwa illiyakwa kwapi malundebi,a bahaeamu a ko'o ma ati puhuna sa thomakosa.Akwabesa hiiheyame isa ishoko a upukwabesa hii heyame isa //aka matsoko. ² Chokwahakwa gombo kumi kwapi ukwabisa habikwami hushuwiya,abako cheketakwa upukwakosa nokwatiko puhuna ma bahari a upukwako sa pasatiko puhunama yamua ll'ape. ³ Atonena kota//uha lluk'wa puhune isa seseme hubehe,a wakati kwakwa lluhalluk'wa radibii saba lluuwami. ⁴ Kwami radibi'i saba ll'uu,bahaena'a non!inaa n!ek'acha,lakini ll'aena'a uk'wa hin!echa a'anina kwamothodzo,''Notsama iso sirie hina hamakweya radibi samba thodzo.'' ⁵ Atonena malaikako hakokwata /'ita ikakwa puhunama bahari a yamua ll'ape,hukwititakwa ukwakosa puhunama a'a ⁶ a kotaapae kweya hina name milele-- hama kweya elaha a'a wainaeta bahebe'e yamuanina a wainaeta bahebe'e,abahari a wainaeta bahebe'e,''Akwesobahae witii ilama. ⁷ Lakini kwapi tsifibi nabi,wakati malaikako sabaniko kwekona!tlhuanacha tarubeta sa,ndipo siri ma Haine itakuwa gushikamo!isa kwamotangozae kwapi /'u/'ukwabima manabibi.'' ⁸ lluk'wa hamakwamo ll'amiya hin!echa a'anina hekwamo llama:''Haka'a che'e gombo k'umi hamakweya hushuwiya ambako thomasako kwapi ukwabisa maikako hako kwakuika puhunama bahari a puhuna ma yamua il'a pe.'' ⁹ Atonena hakana'a kwako malaikako a kanahesa kokwekwa gombo k'umi.kotahekwa,''che'e gombo a hina elatata hocha kuwena kuchokwa /'etene'e,lakini kwako awani kakowena unieyako isa ba'alako.'' ¹⁰ Chitana'a gombo kumi hin!echa ukwabichinasa maikako a kamosameta.lilikuwo uniyako isa baalako kwako awanikakomo,lakini baada ma semecha hochako kwa chokwahieakwa /'etene'e. ¹¹ Atonena baadhi nahicha lluk'wabii nekwami,pasaiyetee itahubirie llama kuhuse emeda aso,Mataifa,lughako,a !ukushabi'i.''