¹ Kwiyana'a mwanzi tumiyaechaniko isa mua kupimishukwane.Himiyana,''Tsuaya'a a itapimae hekaluko ma Haine a madhabahu a nabe habekwape'e abudue chikinasa. ² Lakini ta'akwe pimae eneo sa uako tongotiko sa hekaluko,kwako nzokoko kwimiyamo emeda ma mataifa ,thifiyape'e mji nube kweya muda setabiche arobaini a piyibii. ³ Kwihichata mashahidibikwa piyibii mamlaka ma tabirie nena muda hicha tsifibi 1,260,kwese n!otobo ngonelabe'e.'' ⁴ Habe mashahidi ni tsitibe piyebe'e mizeitunitebe a vinarabe piyebe'e habekwape ika a'anena ma! Bwana ma yamua. ⁵ Isa una yeyote kwesoamuwae thikiyeta chana,tsoko hin!eheya lluk'wabitinaeta a solhikiyeta mak'aniiye beta.Yeyote sla'ate thikitacha lazima sollowiya kwako yekeko hako. ⁶ Isa unu yeyote kwesoamuwae thikiyeta chana,tsoko hin!eheya lluk'wa bitinaeta a solhikiyeta makaniiye beta.Yeyote sla'ate thikitacha lazima soloowiya kwako yekeko hako. ⁷ Wakati kwese bahena ushuhuda eta,hina kalimo hin!e kwako badako boko ukusa shik'ihe elahaya tsukume dhidi naeta.Shindaiyetaya a llowetachana. ⁸ Manabe'eta asepe kweya mtaa ma mji !usla (hamakweya kimfanoe Sodoma na Misri) ambao Bwana heta sulubiwaiyamo. ⁹ Kwapi tsifibi samakabi a nusu ba'adhi hin!epe kwape jamaa ma emeda,kabila,lugha a kila taifa cheke'eya manabe'eta a kwese hin!eta kibaliko chikiyaniko kwako hull'uko. ¹⁰ Nabe'e hamebe'e kweya yamua bathahepe kwako nzokoko weta a shaniliyaecha,a akwe/'u/'e'echana zawadi kwako nzokoko bii manabii piyibii kokoyichami kweya yamua. ¹¹ Lakini baada nahicha tsifibi samakabii a nusuko hohoa ma amayegae hin!echa kweya Haine n!o!omaetaya abe'e ikape'e nena upukwabe'eta.Ishe'e !usla ishamahetaya nabe'e habekwa/'iyeta. ¹² Atonena //'aemape'e ll'ukw'a !usla hin!echa Abe'e hakape'e puhuna a'anina kwapi malundebii,wakati thetchumu beyeta kweseche'e. ¹³ Kwako saako boko bahaeheya a /'etete !usha yamuabite a ichame ya ikumine ma mji ishaya.Emeda elfu saba llowiyape'e kweya /'etete a habekwesethae amayegaena isliyape'e sekwema utukufu Haine ma a'a. ¹⁴ Ole ma piye lletlheamo.Che'e'e!ole samaka dzaneya wilana. ¹⁵ Atonena mailakako sabaniko llunakwa tarumbeta sa ,a ll'uk'wasa pakapa'a nenaeami a'anina a thodzocha,''Ufalme ma baheta mfalme'e maeta'a Bwana ona a kristo ma.Tawala eheya milele a milele.'' ¹⁶ Atonena pa'anakwibi ishirini a bonibii habekwame hama kwapi vitibi ma enzi a'anena ma Haine sihame ichinaneheta tlhehena kweya ardhi, akwabe'eta llutuame tlhena,abe'e abuduitame Haime. ¹⁷ Thodzowame ,''Hin!aota shukuraniya tinina,Bwana Haine ,mtawala puhunaeta wainaeta,bahae a hamakweya bahae,kwako nzokoko n!yetata'a ulubee na !uslabe a kutulachana tawalae. ¹⁸ Mataifabe beteteyame,lakini gadhabu kowena dzakwa.Wakati gushikamo kwape misiyebe hukumiwaiyachana ate zawadiiyetachana /'u/'ukwabe'ena manabii,iseaminie a nabe'e chohebee isle'e ta akanabema wainahicha piyiichana akwegolangasiyibi gashenga a bii ulubitibi.A wakati yena gushikamo karibishaichananiko nabii ambae walikuwa wakikaribishae yamuanina.'' ¹⁹ Atonena hekaluko ma Haine a'anini hushumiyata a sanduko aganotikoma !uyuamo chikinasa hekalukoma,bahaeami a mialebima pethashie,iyogoko,ngurumo ma radhi a han!apema ati.