¹ Ishara !usla !uyuamo a'anina akwitiko hakokwako slubiya a ishoko,a kwakwa slubiya a ishoko,a kwakwa setane'e tlhehenahicha apukwa setane'e tlhehenahicha apukwabima;a tajikoma iyato ikumi a piyibii bahaeami puhunasa thomakosa. ² Chokwahiekwa hocha a bahieakwa pipiyako kwako nzokoko ma /'etene'e ma amoo-kweya /'etene ma amoo. ³ A isharako ichiko !uyuakwa a'anina:Che'e'e!bahaeamo a iyato tese pakapa'a ambaye chokwaheteeamo thomabe saba a lo'obe ikumi,a baheami tajibii saba kwako thomabeicha. ⁴ Tsahoma kokowetamo thelathiko ichameko iyatoniko a'a a kamoll'ahicha tlhehena yamuanina.Iyato ikamo a'anena sa akwitiko hakokwakwa nan! amo'ona,ili kwamba wakati kweko omo'o,kochiya /'ak'otacha akwetesa. ⁵ Chekakwa akwete,ola slemena kwete,tawalaiyetaya mataifabe wainaeta nena mua ma choma.Akwete sa k'esiyamo puhuna kweya Haine a kweya kitima enzine, ⁶ a akwitiko chiyakwa hacha nyikani,yamua hamakweyo Haine gobechitamo eneo kwako nzokoko ma,ili isogumseana elasukwana kwapi tsifibi 1,260. ⁷ Hamaiso bahe'eamo a tsukume a;anina.Mikaeli a malaikabe ma kame /'ikiite'e a hina iyato pakapa'a a malaika bema kamel ikiitee abe'e. ⁸ Lakini iyato ukueamo a ulube kotoshanebe gumseana.Hishinokwa ukueakwa llama nafasiko a'anina kwako nzokoko ma a malaika bema. ⁹ Iyato pakapa'a-hina iyato keneya kamiye ibilisi a !o!o hakokwako lamsi-yamua wainama kweya yamua a malaikabema kamell'ahiya tlhehena ichame'ena a bami. ¹⁰ Atonena kanall'ahe ll'uk'wa pakapa'a hin!echa a'anina:Hamaisho ishiiya dzamo ulube-a ufalme ma Haine ona,a mamlaka ma Kristo ma.Kwako nzokoko thsiyema ukwate ona llahiyamo tlhehena-hamakwamo thisetamo aanena ma Haine ona ishona a tsifi. ¹¹ Gumusanami nena atama ma akwetema pukupuku a nena idihabema ushuhuda hicha,kwako nzokoko akwamesla'ati pa'ana hamachaeta,a misihe. ¹² Hishinokwa ililite,itibi a'a,a wamahicha habekwatetahama chikina ma lakini ole ma yamua a bahari kwako nzokoko theke tuwamo itibitina. /'osowamo a ofa betete,kwako nzokoko tetaeya kwamba chokwaheya muda angahe tu. ¹³ Wakati iyato kwamotetao kuwa ll'ahiyamo tlhehena kweya yamua,ataba'atamo akwitiko hakukwakwa amo'o ola wa slemenakwete. ¹⁴ Lakini akwitiko kumiyakwa mbulibe piyebe tainebe pakapa'a ilimiko gumuseana ka//'echana hadi kweya eneo hakokwakon!ek'ahiya kwako nzokoko manana balagidatina,eneo ambalo wakati nyakati a nusu wakati-mahali kwekoagumseana gushikamatuchana bami iyato. ¹⁵ Iyato /'iichamo atibi hin!echa awanikatina ma isa tsoko,ili seelaha gharika ma kumgharikisha. ¹⁶ Lakini yamuabee ishiatame akwitiko hushuyakwa ll'uk'wakosa a ku/'ak'ota kelako akokwamopatsiketa iyato hin!echa ll'uk'wati ma. ¹⁷ Atonena iyato kamo'ofata akwitiko aboko /'uayakwa a kamoelaha tsukume a amo'o ma wainama-nabe habekwape'ehe sa amriko ma Haine a chiyachana ushuda husu Yesu. ¹⁸ Atonena iyato ikimo puhuna eta tsawabe lokonama bahari.