¹ Atonena kana /'iya kalimo hin!eyamo kweya bahari.chokwahetaamo lo'obe ikumi a thomabe saba.Kwape lo'obema bahaemame a tajibe ikumi,a kwako thomako ma chokwahete'eamo idigabe ma kufuru ma Haine. ² Hama kalimo hamakwata /iya isa janjahi Apukwabima hiiheyami isa dubuko,a awanikakoma hamakwamo hiihe iso seseme;Hina iyako kwako kwema ulube,a kweya kitima enzinema,a mamlaka bami ulubite pa'ana tawala echane. ³ Thomakoma kalimo ichamehicha lladzaamo chokwaheya abato pakapa'a sababishaitaheso tall'ima.Lakini abatoma kamokollohe,a yamua wainama kamo kukungane'e a kamo ataba'ana kalimo. ⁴ llama kameabuduita iyato,nzokoko kwemamo mamlaka hina iyato.Kameabudui a kalimo llama,a kamehaka thodzochana ,''Akwadza isa kalimo?a ''Akwadza kwesotsiki'itee abami?'' ⁵ Kalimo kwimiya kamakwimiya awanikako ili isothodzo idigabe ma jisifuanebe a milaso.Ruhusiwayamo isochohe'e mamlaka kwapi setabi arobaini a piyibi'i. ⁶ Hishinokwa kalimo illiyamo awanikako ma thodzochana milaso dhidina ma Haine,kamo milaseta akanabema,eneo hamakwamo hama a nabe habekwape'e hama a'anina. ⁷ Kalimo ruhusiwaiyamo elatacha ishe a aminie a sodhinde .llama kwimiyamo mamlaka puhuna ma kila kabila,emeda,lugha a taifa. ⁸ Wainaeta hamebe yamuanina abuduitape bami,kila,ichame ka'amiye akanabe ma akwamen!ek'ahiya,hin!echa ma amayegae,halokwako akwetiniemae pukupuku hamakwamo ni!iiya. ⁹ Kwesa yeyote chokwate'e hatchapichiko a soll'ae. ¹⁰ Kweso ichamecheta chiya mateka,a kweya mateka hakaya.Kweso ichameheta lowiya nena upanga,kweya upanga llowiyaya.Hama ni ka'achama utukufu a /'itsihe a imani kwape be'e habekwapee nube'e ¹¹ Ila kanal'iga kalimo iche chanega hin!echa kweya yamua .Bamieamo chokwa hete lo'obe'e'e piyebe isa pukupuku a kamomani! isa iyato. ¹² //'eanamo mamlaka wainama kweya kalimo hina akaka'ane kweya bahaema,a elasukwa yamuanina a nabe habekwape hama abuduitep hina kalimo akaka'ane hamakweya abatoma chawi. ¹³ Kamoelasukwa miujidza chokwahete ulube,a kamoelaha tsoko sotuwa kweya yamua hin!echa a'anima a'anena ma emeda, ¹⁴ a kwako isharako ruhusiwaiyamo elasukwana,kamolamsiyeta be'e hamebe'e kweya yamua,kwamoheta elatachana sanamko kweya heshimama kalimo ambaye hamakwamo jeruhiita nena upanga,lakini hupeya hamachana. ¹⁵ Ruhusiwayamo hin!echa hohoa kwako nakosanamu ma kalimo hina sanamate isogumseana thodzocha a sietacha nabe wainaeta habekwapehama abuduitachana kalimo isellowiya. ¹⁶ llama kamo lazimishae kila ichame,ukuma a thamani a chokwahete ulube,gashengane aukuma ashenga,huru a /'u/'ukwa,tatsana ya alama kwako ukwakoma semeniko au kwape ngetseabe ta akwabe. ¹⁷ Ilukuwa akweyawezekanae'e kwaya kila unu tasochana tasochana isipokuwa chokwate alamako ma kalimo,a hama ni namba bami wakilishae akanabema. ¹⁸ Hako slaimiyiyako busarako.Kweso yeyote chokwahiyo tetao,tayee isogumseana elakwana gobalishukwa ma namba ma kalimo.Nzokoko ni.Namba ma 666.