¹ Che'enenana a kana/'iya akwetema pukupuku ikamo a'anenakwa puhuna ma hun!a Sayuni.Ichame'ena abami biieami 144,000 chokwahetibii akana bema a akanabema bawama n!wk'ajiyame kwape ngetseabe'eta akwabiicha. ² Kana //'ae ll'uk'wa hin!echa a'anina kwakwa ll'aimiya isa ngurumohicha atibii asobi a llu'wa pakapa'a radine.//'ukwa hamakweya //'aemiya ni isa //'uichebe vinubi //'uichebe vinubi bicha. ³ Kwemetha'a hakatoko dzanako a'anenama kiti ma enzi a a'anena ma chokwahe amayegae bone a pa'anakwibi ukuwa a chokwahe gumseanechana letochana hokokwahe gumseane chana letochana hoko hak'ato isipokuwa nena 144,00 ambao habekwape'e ishiiya hin!echa yamuanina. ⁴ Habe'e ni nabe'epe'e ambao habekwape'e akwetchiya ichinaneheta kwape akwitibee,nzokoko notsamiyami ichinaneeta dhidi ma itlhekwaheta huk'utuene.Ni habe'epe habekwapee atabaana akwetema pukupuku bokotwa kwamohaka. Habekwame ishiiya hin!echa kweya emeda Kwame semenakwe'e akaka'ane ma Haine a kweya akwetema pukupuku. ⁵ Ukuwa lamako hakokwakwa!uyu kwape ll'k'wa be'eta,.akwese;laumiwaiya. ⁶ Kana /'ita malaikako ichiko kwakwaka//e' lla'alla'ana ma a'a hakokwakwa chokwahie thodzo ma a'a ma thodzo /'ie kwaya thodzo wetacha be'e hamebe yamuanina kweya kila taifa,kabila,lugha, ameda kila taifa ,kabila,lugha,a emeda. ⁷ Kamoka'aeta nena ll'ukwa !usla,''Ishimate Haine a kwemate utukufu.Kwako nzokoko muda ma hukumu nan!amo abuduitate bami,bami hamakweya elaha a'a,a yamua a bahari,a kwilikwilibe icha atibi.'' ⁸ Malaikako ichiko-malaikako piyeko misiakwa kotathodzo,''Ishata Ishata Babeli !usla hamakwata fita mataifa divai ma buk'utue,divai hamakweya dzana ghadhabu puhunama.'' ⁹ Malaikako ichiko-malaikako samakako-atubaetakwa,kwatathodzo nena ll'uk'wa !usla,''Yeyote hamakweso abuduita hama kalimo a sanamu koma,a sotatsana alama kwape ngetseabe'eta akwabe'e au ukwabichina, ¹⁰ Bami llama faya divai ma ghadhabu ma Haine,divai hamakweya gobechiya a kato /iiya bila gugiyana kwako kikombeko ma ofa ma.Unu hamakwesofa kokoyyayo kweya tsoko atsokoma kiberiti a'anenasa malaikakp bema nubebe a a'anena ma akwetema pukupuku. ¹¹ Atsik'oma /'eketenaeta milele a milele,a ukueyetamo a shoheda ishona a tsifana-bee abuduebe kalimo a sanamko mai,a kila unu hamakweyata/a na alamama akanabitema. ¹² Hama ni ka'acha subirane a /'itsihe kwape aminiebe,nabe kwape ehesa amriko ma Haina a imani.'' kweya Yesu.'' ¹³ ll'aena'a ll'uk'wa hin!echa aanina kwesothdzo,N!ek'ahete habe:Heriye tallebe habekwesetalli kweya Bawa.''Ndipo''kwakothodzo hin!echa kwape melemodabe'eta,nzokoko itlhekwaheta atabaetaya.'' ¹⁴ Che'ena;a a kata /'iana bahaeami a malundebi pethahibi,a hamakweya hamakweya hama kwapi malundebii ni ichameya hamakwamo mfanone'e mae akwetema unu. chokwahaeamoa taji dhahabute kwako thomakamo a mundu betete kwako ukwakuma. ¹⁵ Malaikako ichiko llama dzukwa hin!echa hakacha kweya hina hamakweya hama kwapi malundebi chii mundu kuwena a takutula vunaecha .Kwako mavuno hamakweya yamua pisliwamo.'' ¹⁶ llama hina hamakweya kwaya malunde lletlheamo mundu koma puhuna ma yamua,a yamua kamovunaiya. ¹⁷ A maikako ichiko kotadza hin!echa kwako hekaluko ma a'aniko abami hekaluko ma a'aniko abami chokwate'eamo a mundu beteteko. ¹⁸ Ahupiyako malaikako ichiko kutadza kwaya madhabahu,a malaikako hakokwa kwa mamlakani puhuna ma tsoko.Kotakama nena ll'uk'wa !usla malaikako hakokwakwa chokwaha a mundu betete,''Che'e mundu betete a tuluthuweta awatabe ma mzabibu hin!echa kwako mzabibuko ma yamua,kwako nzokoko zabibu hamaisho pislowame.'' ¹⁹ Malaika hakanakwa mundu sa kweya yamua alulhuwamo mavuno sa Zabibuko ma yamua a ruhusueamo kweya pipa pakapaa ma divai ma ghadhabu ma Haine. ²⁰ Chujiokoma divai hamakweya !upuiya togotina ma mji a atama kamo/'ii hin!echa kwako kimo koma hatamu sa farasi,kwaya sitadia 1,600.