1 Baadana ma yamua hama che'encia,kana/'iana kuwa tlhakwako hokokwakwa il'aiya a'anina.Hina ll'ukwa akakane,chodzomiyamo a ano,isa tarumbete,kwamo sikikae,''Bicho'o hamana,//atlhahenata habekwese !uyuhe baadanama yamua hama.'' 2 Mara ichame hahaena'a kwako Nkoloko,/'iyana bahaeamo kiti enzine chikiyamo a'anina,a unu hamanamo. 3 Ichame hamakwamo hamana onekanaeamo isa han!ako ma yaspi a akiki.bahaeamo a ko'o ma ati man!iyamo kiti ma enzi.Ko'oma ati onekanaeamo isa zumaridi. 4 Mani!iyama kitimo enzi bahaeami vitibiima enzi asobii ishirini a bonibi,a habikwapihama kwapi vitibima enzi biieami ishirini a bonebii,ni!uimiyami thoabe'e pekethabe'e a tajibii dhahabunibi thomabitinahicha. 5 Hin!echa kweya kitima enzi,hin!echa miale hicha radi,Ngunguna a radi.Taabi saba bahaeami polahipi a'anenama kitima enzi,taabi habikwapii kolobitina saba Hainenibii. 6 llama a'anena ma kitima enzi bahaeamo a bahari,hamakweya eleae isa kiooko.Wainaeta man!iyama kitima enzi bahaeame abe'e amayegabee bonebe'e habekwape'e /'otso akwabe a'anena a atona. 7 Kiumbe akakane chokwaha amayengae hiiheyamo isa seseme,kiumbe kolla bami,amayegaene hiiheyamo isa atama,Kiumbe samaka chokwahe amayengae chokwahete'eamo a akwabe isa emeda,a hina chokwahe amayegae bone hiiheyamo isa tai pahae. 8 Viumbe chokwaha amayenga bone kila ichame chokwahete'eamo a mbulibe sita,/'utsuwame akwabe puhuna a tlh'ehenama,tsifana a ishona akwamekitlhohethodzochana,Mtakatifu, mtakatifu,mtakatifu ni Bwana Haine,mtawala puhunaeta wainaeta,habekwapebahae,a habe a hamakwesodza.'' 9 Kila wakati viumbe chokwahebe amayagae kwamehi!utukufu,heshima,a shukuru ena a'anenama hamakweya hama kweya bami kitima enzi,bami akwe milele a daima, 10 Pa'anakwibi ishilini a bone sujudueami ichinaniehicha a'anenama hamakweya hamana kitima enzi.llutuami thehena ma hamehe milele a daima a llayachana tlheno tayibiyeta a'anenama kitima enzi kwamithodzo, 11 ''Stahiliete te,Bawaya a Haineya,tatsanachana utukufu a heshima na ulube.Kwako nzokoko umbaitata'a gashenga wainama,a kweya sla'atiyena,bahaeami a umbaiyami.