¹ Kwako malaikako sa kanisako Sardiniko n!ekahe'e:Idigabema hina chocho kwahe be'e nkolo saba be'e Hainebe'e a tsabe'e sababe'e.''Tetaene hamakwatita elaha.Chokwaheta sifa ma amayengae,lakini ta-lhetee. ² Hukwaa a hak'aiyete'e habekwape'ethae lakini bahepe kupana tall'ichana,kwako nzokoko akwana /'iya matendo wena gushikelamo akwabitinama Haine nekwa. ³ Hishinokwa eslawii,nabe'e habekwati tatatseta all'aecha.Ehete'e a tubue.Lakini kweteakwa hukwa,dzata isa mwivi,a akwetetetao saako tumiko kwenedza puhuna hena. ⁴ Lakini bahepe akanabe angahibee emedane'e kweya Sardi habekwa me akwtitchiyeta thoabe'e ta.Hthekwapee ichame'ena a ono,n!uitobo wame thoabe'e pethahebe'e,kwako nzokoko stahilie stahiliepe'e. ⁵ Bami shindae n!uimiyaya thoabe'e pekethahebe'e,a kamwe akwenefutaiyeta akanabema hin!echa kwako kitabuko ma amayegae,a kaahetata akanabema a'anenama bawakwa,a a'anenaeta malaikabe. ⁶ Kweta hatchapichite,ellekeke'e nkoloko kwakoheta kanisabe'e.'' ⁷ ''Kwako malaikako kanisabitiko n!ekahete'e:Idigabema hamakweya nubee a humako-chokwahete funguwobe Daudi,ll'a'ateya a ukuwa tutsute,tutsuetuya a ukuwa gumseane ll'a ata chana. ⁸ Tetaene'e hama kwateta elaha.Che'e'e, chikiyenana'a a'anena ena Hhakwako hakokwako ll'aiya ambao ukuwa gumuseane ll'aatachana.Tetaene'e chokwahetete'e ulubee k'umibe'e,lakini,ehesata'a idigabekwa a akwatakanaiyeta akana bekwa. ⁹ Che'e'e!wainaeta habekwape'e sinagogite sa !o!oko,bete thodzebe be'e ni Wayahudi a akwape badalama lamsiyepee.Elahetata isedza a sesujudue aanenahicha apukwabikwa,a tetaowepe'e kuwa slaahenana'a. ¹⁰ Kwako nzokoko notsahichataa amri bikwa nena /'itsihe thabitie ekwekwe'enata pia kwako saakowena litiyachaniko hakokwako dzanie kweya yamua wainama,letechana nabe wainaeta habekwape'e hame'e kweya nchi. ¹¹ Dzanene welana.chochokwahe'e pa'ana hina hamakwatita chokwahe'e ili isoakwebahae unu hamakwesomchita taji kowena. ¹² Elahata bami gumseane kuwa nguzo kwako hekaluko ma Haine kwa,a akwesehini!e togoko kamwe.N!ekaetata baminia akanabema Hainekwa,akanabema mji ma Hainekwa (Yerusalem dzana,tuhe tlhehena hin!echa aanina kwaya Hainekwa),a akanabekwa dzanabe'e. ¹³ Bami chokwahete hatchapichiko a soll'ae hamakwako Nkoloko thodzo kwape kanisabe'e.' ¹⁴ ''Kwako malaikako sa kanisako la Laodikia n!ek'ahii:'Idigabema hamakweya Amina,tegemewaiya a shahidi humate,mtawala puhuna ma uumbaji ma Haine. ¹⁵ Tetaenee hamakwateta elaha,a kwamba te akwahita llakathanie wala tsoko,sla'atita kwamba tikwi ll'akathane'e au petene'e! ¹⁶ Hishinokwa kwako nzokoko te ni vuguvugute,akwahita petene'e wala ll'akathane kwallakeneta itahin!e ll'ukwatinakwa. ¹⁷ Kwako nzokoko thodzotita,Ono gashenganene'e,chokwahene'e didinda aso,a akwataslata chochote.''Lakini akwaita tetaee kwamba te ni duniate pa'ana,huzunikiwaiyaniko,ukuma gashenga,ha!apikwa a yandohe. ¹⁸ Ellekeke'e ushauri unina:Taso'o uninina dhahabu hakokwakohutsiya neno tsoko ili itachiya kuwa tajiri,a thoabe'e pethahebe hu/'uwahu/'ukwabee ili itan!uitobo ichinanena a taakwell'atlahaha minyala ma yandaena,a hitsabe watachanebe kwape akwabe'ena tachiya che'echa. ¹⁹ Kila hamakwatasla'ata,chechekanuumata a ihokokodzowinata namna pasaine hamachana;Hishinokwa,humate'e'e a tubue. ²⁰ Che'e'e ikata kwako tlhakwako a bishacheta,Hakama kwesoll'aema ll'ukwa kwa a solla'ata tlhakwako, dzata a n!oo hetsanama,a naseme seme abami a bami ichame'ena aono . ²¹ Bami gumuseane,kwemata haki hamachame tlhehena ichame'ena puhuna ma kitikwa enzine,isa hishina ona kwatagumuseana a hamacha hishina ono kwatagumuseana a hamacha tlhehena,ichamee'ena a bawakwa puhuna ma kitikwa enzine. ²² Bami hamakweya hatchapichitee,a isoe llekeke hakokwako Nkoloko heta kanisabe'e.''