¹ Kwape malaikabe'e kanisatebe Efeso n!iekahii:Habe'e idigabema hina hamakweya chochokwaeta nabe t'sa saba kwako ukwako ma sliminiko.Bami itlhekwemo llanaeta vinarabe dhahabutebe taabichebe saba thodzoweya hishina,'' ² '''Tetaene'e hamakwatita elasukwata a bidii kowena melemodatiko a /'itsihena thabiti,a kwamba akwetegumseana husiane'e abe'e thekaulebe,a testehete wainaeta habekwapekamiya mitumebii a kumbe akwa a !uyuame kuwa lamayayope. ³ Tetaene chokwahete subira a /'itsihe,a lletlheta kwape asobe kwako nzokoko weta akanabekwa,a akwatatehao hupete. ⁴ Lakini hako ndio hakukwata chokwata dhidi naena,tayata'a slaati yena akaka'ane. ⁵ Hishinokwa eslawi kwatitaisha,itatubue a elahe'e matendo hamakwatitaelaha tangu akakanena.Kwete akwetubue,dzata tinina a nastuata kinara kowena hin!echa mali bami. ⁶ Lakini te chokwatete hako,tchendemete bami hamakwape wanikulaibe elasukwa,ambavyo a ono chendemene. ⁷ Kwete all'ae ellekeke'e be'e habekwako Nkoloko heta kanisabe'e.Akweya bami gumseane kwimata kibali koma semecha hin!echa kwako tsitiko ma amayegae hakokwako kweya paradiso ma Haine.' ⁸ '' Kwako malaikakosa kanisako la Smirna n!ek'ahii:Habe'e ni idigapema hina hamakweya akaka'ane'e a shikihe hamakwamo isihe a kamo amayegae llama: ⁹ ''Ttetaomene kokoyahena aukue ihia ena (Lakini te goshenganete),a lamako koweta nabe'e habekwape'ekaamiya ni wayahudipii (lakini akwapi-biie sinagogiyakota !o!oko). ¹⁰ Ta'akweisli kokoya hamakwesodza.Che'e! !o!oko sla'atiyako ll'aetachana ichebetata gezatina ili tetechiya litiya,a kokoyoteta kwapi tsifibi ikumi.Itete waaminifue hadi talli,a kwihinata tajie ma mayegae. ¹¹ Kweta ll'ae ellekeke'e Nkoloko kwako heta kanisabe'e Bami gumuseane akwesochiya madhara ma tall'i koll'a. ¹² Kwako malaikako sa kanisako ma pergamo n!ek'ahii:Habe be'epe'e thodze bami amayegae betete,chokwahe petetee kuwili. ¹³ '''Tetaene'e yamua hamakwatihama -yuamua hamakweya kiti ma enzi !o!oko.Ahishinokwa.te chefami pa'ana akanabe ena,a akwatakanaita imani yena hamakweya uninina,Atsifibi nabii Antipasinibi shahidikwa,nube kwa,hamakweya llowiya llaanaina,be'ena ndipo !o!oko kwakwa hama. ¹⁴ Lakini chokwahene'e mambo angahi dhidi naena:chokwahete nana emeda chiyahe chokohete nana emeda cheyahe chokokodzamiyama Balaamu,bami hamakwamochokoko dzoma Balaki chekachana vikwazo aanenaeta akwebema Israeli ili sesemee semenakwa habekwa pe'ehi ni!iya sadaka kwaya miungu a kuzimu. ¹⁵ Kweya hali babami,a te chokwahetete baadhi be'eta habekwape'echiya thokodzomiya ma Wanikoloi. ¹⁶ Atonena tubuete!A kwete akwe'elasukwa hishina,dzata welana,a elahata tsukume dhid naeta kweya amayegae hin!e kwako lluk'wakokwa. ¹⁷ Kwete ll'ae ellekeke'e Nkoloko hakokwaoheta kanisabe'e.Bami gumuseane,kwemata baadhi naeta nabe'e mana habekwapebuhiya,pia kwimata han!ako pethahiko hakokwakon!ekahiya akanabe dzanabe puhuna sa han!ako ajanabe ambalo ukuwa tetaowete akwe bami tatsube.' ¹⁸ ''Kwako kanisako la Thiatira n!ekahii:Habe'e be'epe'e idigabema Akwete ma Haine,bami chokwahete a akwabe ma isa mwaliko ma tsoko,a mopanda isa shaba hakokwako chokowiya pa'ana: ¹⁹ ''Tetaene'e hamakwatita elaha-slaati yena aimani a huduma a /itsihena thabiti,a kwamba hina hamakwatitaela ha hishina kupamena zaidina ma hina hamakwatitaelaha akaka'anena. ²⁰ Lakini chokwatene hako dhidi nahena:vumiliyasete akwitiko Yezebeli hokokwako kwamiya ichinanesa nabii akwiti.Kwaya e'elasukwabikwa zidiiko a semechana seme hamakweya hin!iya sadaka kwako sanamiko. ²¹ Kwesana muda tubueachane,lakini ukuwako tayari hutubiyaechana theke'esa. ²² Che'e'ee!ll'aatata kwako kitandako basato a be'e elahebe;e bukutue aboko kweya kokoyo betete,vinginevyo setubue kwaya hamakwako elaha. ²³ Thuetata akwete semisi a kanisabe'e waina eta tetaowepe ishina ono bamiya che'e goseka a tasiko akwa.Kwimata kila ichame hina kadiri ma itlhikama. ²⁴ Lakini kwape baadhi hina habekwateta thae kweya Thiatira,kwape'e nabe'e wainaeta habekwateta akwechita thokoko dzomiya hama a habekwateta akwe tetaoma hama a habekwatetakwe tetaoma hina hamakwateta baadhi kaamiyaheya mafumbo sa !o!oko,thodzota itibitina,akwenecheka puhunaina milingo yeyote.' ²⁵ Kwako jamboko lolote,lazima itete hak'a'a maka kwenedza. ²⁶ Babami gumseane a elasukwa hina hamakwataelaha hadi shiki'he kweya bami kwemata mamlaka puhunama mataifa. ²⁷ 'Tawalainaya nena mua ma choma,isa bakulibee yamuabetebe'e,pothowetaya vipande vipandebe'e.' ²⁸ Isa kwanaotabatsana hi!echa kweya bawa kwa,kwemata pia tsabe'e wekeldapisa'anebe'e. ²⁹ Kwate hatchapichitee,ellekeke'e hina hama kwako Nkoloko hetiyako kanisabe'e.'