¹ Hako ufunuo wakomo Yesu Kristo hako kwamo Haine kwima ili iso//'atlhahicha /'u/'ukwabima yamua hamakweya lazimane'e !uyuchana kupamena.Elasukwamo setetaomiya nena /'utachana malaika koma kweye /'u/'ukwama Yohana. ² Yohana hin!amo ushuhuda ma kila ngashenga hamakweya/'iya husiyanae a idigama Haine kweya Ushuhudama hamakweya hin!iya kuhusu Yesu Kristo. ³ Barikiwaiyamo bami somae nena ll'uk'wa a nabe wainaeta habekwapee ll'aaete'e idigabiicha nabie hama a ehechana hamakweyan!ekahiya be'ena,kwako nzokoko muda na!iamo. ⁴ Yohana kwape kanisabe saba bahebe Asia:neemako iko itibitina a bathahe hi!echa bamina kweyabahee,kwamobahae,a bahe,a hin!echa kwako nkolobe saba bahebe a'anenama kiti ma cha enzi, ⁵ a hin!echa kweya Yesu Kristo hamakwamo shahidie nube,chikiye akaka'aneta habekwametalli,a mtawala hicha wafalmebii ma yamua hama.Baminina slaaaone a chekanamo huru hin!echa kweya yona nena atama'ma, ⁶ elaonamo isa ufalme,makuhanibima Haine a aso ma-baminina isa utukufu a ulube milele daima.Amani. ⁷ Che'e'e dzaneya a malundebi,kila akwako /'iyako,ichameena a habie kwamitekeya.A kabila wainama yamuane pikipipiyeya baminina.Ehe,Amina. ⁸ ''Ono alfane a omega,''thodzoweya Bwana Haine,''Bami bahe,a hakamakwamobae,a bami dzane,ulubite.'' ⁹ Ono,Yohana-ukwatema a ichame hamakweyagugiya ichame'ena abemi kweya kokoya a ufalme a /'itsihe thabiti hama kweya Yesu;bahaena'a kweya kisiwa kaamiye patimo kwako nzokoko weta idigabema Haine a ushuda husuite Haine. ¹⁰ Bahaena kwako Nkoloko tsifikoma bwana.Il'aena'a atinakwa lluk'wa puhune isa tarumbeta, ¹¹ ''Kweya thodzomiya,n!eka kwako kitabuko habekwatita /'iyeta,a itatumiya kwape makanisabe saba,hakacha Efeso,hakacha Smirna,hakacha pergamo,hakacha Thiatira,hakacha Sardi,hakacha philodelphia, hakacha laodikia.'' ¹² Kanashakahe /'iyachana //'ukwa ma akwadza hamakweya thodzo aono,a kwanashaka /'iyachana ll'ukwa ma akwadza hamakweya thodzo aona,a kwanashaka /'itana kinaroko dhahabuniko taabichiko saba. ¹³ llaanasa kinarako taaniko bahaeamo ichame isa akwetema Adamu,n!uitubowamo kazuko tasiko hakokwakwa gushika tlhehena cha apukwabii ma,a tatse dhahabune man!iye kadza inama. ¹⁴ Thomakoma a hathebema be'e'eame pethahebe isa sufu pethahepe isa theluji,a akwabema hiiyepe isa mwalima tsoko. ¹⁵ Mopanda ma hiiyeya isa shamba hakokokwakochokowiya pa'ana,isa shaba hamakweya bahe ll'itlheya kweya tsoko, a ilukwa ma bamieamo isa lluk'wahicho atibi asobi matibi nena ulube. Bahaeamo chochokwaheya iyatobi saba kwapi ukwabi koma slemeniko , ¹⁶ a hin!echa lluk'watina ma bahaeamo a upanga betete chokwahe betete'e kuwili,Akwabema be'e'eame kalahebe isa benll'a betete ishote. ¹⁷ Kwana /'iya kana isha kwapi upukwabima isa unu hamakweya misi.Kamocheketa ukwakoma nokwako puhunakwa a kamothodzo,''Takweisli!Ono aakaka'anee a shikihe, ¹⁸ a hamakwata hame'e Bamiena'a misiye,lakini che'e'e,hamene'e milele!Achokwahetene funguo bema tall'i a kuzimuko. ¹⁹ Hishinokwa,n!ekahiyakete habekwatita /'iyeta hamaisho,a nabe'e habekwese!uyuhe baada naheta habe. ²⁰ Kwako nzokoko habekwapebiha kuhusu ts'abe'e saba habekwatita /'iyeta kwapi ukwakukwa slemeniko a boko kinara ko dhahabuniko taabichiko saba:ts'abe saba ni malaka kowicha taabi saba ni be'epe makanisabe saba.''