1 Atonena kataliya kwako ukwakomo nokwatiko ma hina hamakwamo hama kwaya kitima enzi,gomboko hakokwako n!ek'ahiya atona a a'anena a atona,a lilikuwa chikiyakwa mihuribe saba. 2 /'itana malaikako chokwahitiko ulube'e kwakwahubirie nena ll'uk'wa pakapa'a,''Akwadza stahilie illetachana gomboko a pothowi chachana mihuri bima?'' 3 Ukuwa unu a'anina a yamuanina a tlhehenama yamuanina a tlhehena yamua hamakweyagumseana lla'atachana gomboka au somaititachana. 4 Uhuna'a nena /etene'e kwako nzoko akwamo !uyuhe yeyote stahilie //'a'atachana gombo au somaititachana. Lakini ichame hicha pa'anakwibi kamahekwa 5 ,''Takwepipi.Che'e'e! Seseme ma kabila ma Yuda,itinakoma Daudi,shidaeamo,a gumuseaneya tutsutachana gombo a mihuribi saba.'' 6 Kati nama kitima enzi a chokwahebe'e amayegae bone a lla'anaehicha pa'anakwibii, /'iyana'a akwetema pukupuku ikamo,kwamohiihe isa hamakwamo llowiya.Chokwahete'amo lo'obe saba a akwabe saba -habe nkolope'e sababe'e Hainenebe habekwape'e /'uwiya yamuanina wainama . 7 Kamohaka kamochita gomboko hin!echa kwapi ukwako ma sleme hina hamakweya hama kweya kitima enzi. 8 Kwamochiya gombo bami amayeyga ene bone a [a'anakwibi ishirini a bonibi kamillutuhe hadi yamua aanenama akwetema pukupuku.Kila ichame chokwahiche'eamo kinubibii a bakuliko dhahabuniko hamakweya /'uso uvumba ambayo ni !oshochageta waamibe'e. 9 Thaami hak'atoko dzanako satahilimiyete chitachana gomba ll'aichacha muhuribima,kwako nzokoko !i'iyataa,a kweya atamaena kamotasa Haine ona,kila kabila,lughako,ubakwa a taifa. 10 Kena elahicha waflume a makuhanibi kwako nzokoko ma elasukwamacha Haine ona tawalaihipi puhunama yamua.'' 11 Atonena che'ena'a a kama//'ae //'uk'wa sa malaikabe be'e asobe'e han!iyacha kitima enzi-idadiyeta bamieamo 200,000,000 a chokwa hebe amayegae a pa'anakwibi. 12 Kamelhodzo nena //uk'wa !usla,stahilieya akwetema pukupuku hamakweya !iiya tatsanachana uwezo,utajiri hekima,ulube,heshima,utukufu,a sifa.'' 13 Kana llae kila hamakwayea ubwaiya hamakweya a'ani a yamuanina a tlhehena ma nchi ma bahari kila gashenga chikinamo kwesothodzo,enzi a kweya akwetemo pukupuku,iso sifae heshima,utukufu a ulube tawaloechanebe milele a milele.'' 14 Chokwahebe amayegae bone kamethodzo,''Amini!'' a pa'anakwibi kamillutuhe tlhehena a abudue