¹ Atonena kana/'iya a'a dzana a yamua dzana,kwako nzoko a'a akaka'ane a yamua akaka'ane baheyami //etlheami a bahari akwamobahae,llama. ² /'iyana'a mji nube,Yerusalemu dzana,ambayo dzamo tlhehena hin!echa aanina kweya Haine,hamakweyon! ek'ahiyo isa bibi harusi hamakweya kaka siya kwako nzokoko umesa. ³ Kana //'ae lluk'wa pakapa'a hin!echa kweya kitima enzi kwamothodzo ''Che'e'e!llamachama Haine baya ichame'ena a emeda. ⁴ llupichaya kila hatsapikwa hin!echa kwapi hatsapikwabiyeta,a ukueheya a talli llama au ambolezaecha au uhucha a/'etene'e gashenga kene baheyamo lletlheamo. ⁵ Bami ambaye bahaeamo hamamo puhunama kitima enzi thodzowam,''Che'e'e!Elasukwata gashenga wainama iso dzanae.''Thodzowamo,N!ekahii hako kwako nzokoko idigabe habe hakikanepe a humako.'' ⁶ Hemamo gashenga hama hamakwaya habe lletlheamo!Ono ni Alfa a omega,akakane a shik'ihe,Hakamakweso /'iya ake kwimata fachane ukuma gharama hin!echa kwape kwilikwilibe bicha atibii amayegainibii. ⁷ Bami shindae rithieheyo yamua hame,a bahaeheta Hainene ma, abami atakuwa wa'a. ⁸ Lakini isa kwamehihe lamatebe,sehemute bahaeheya kweya kowo ma tsoko ma kibiriti tlhoshowe.Hama bamiya tall'i piye.'' ⁹ Ichameko malaikako sabaniko dzakwa uninina,ichameko ambaye hakokwakwa chokwaheta bakulibe'e sababe dzame unina,ichame ambaye hamakweya a bakulibe sababe habekwape /'oso mapigobi saba shikihenibi a thodzowamo,''Bicho hamana.ll'atlhahiye nata bibi harusiko,okokoma olama pukupuku.'' ¹⁰ A tonena chikwamo ichana kwako Nkoloko kweya tlhehena mji nube,Yerusalemu,kwamotuwa tlhehena hin!echa a'ani kweya Haine. ¹¹ Yerusalemu chokwahaeamo a utukufuma Haine,a tsie ma hiiheyamo isa kito ma thamani,isa han!ako sa kiooko tsiiko la yaspi. ¹² Bahaeamo a kollokollo pakapa'a,tase chokwate tlhakwabe ikumi a piyebe'e,ichame'ena a malaikabe ikumi a piyebe'e tlhakwatina.Puhunasa tlhakwako palikuwa n!ekahiyame akanabe ma makabila ikumi a piyebe olakwenebema Israeli. ¹³ Bala masharikine bahaeame tlhakwabe samakabe,bala kusinine tlhakwabe samakabe,upande ma kaskazini tlhakwabe samakabe,magharibiniko tlhakwabe samakabe'e. ¹⁴ Kollokolloma mji bahaeami misingibii ikumi apiyibi,a puhuna sa bahaeame a akanabe kwani a piyibii mitumebichibi ikumi a piyibii ma akwetema pukupuku. ¹⁵ Ichame hamakweyathodzo a ono chokwateeamo kipimo ma mua hamakweyaelahiya nena dhahabuko kwako nzokoko ma pimae mji,tlhakwakoma a kollokollosa. ¹⁶ Mji chikiyamo chikinasa mraba,Tase'ema bamicamo gumie wa/'e'ema.Pimaeamo mji nena kipimo ma maa,stadia 12,000 nena tase'e (tase'ema,wa/'ea,a kimoko K'umiiyami). ¹⁷ Ahihishina kupimanamo kollokolloma,mite'ema ma emeda ambavyo llama ni vipimowako sa malaikako. ¹⁸ Ukuta hamakweya maiya nena gaspi a mji bami dhahabune tsie,isa kiooko tsiiko. ¹⁹ Msingi ma kollokollo ilikuwa watiyamo a kila aina sa han!ako thamaniniko.Akakaaneko lilikuwa yaspi,piyeniko ilikuwa yakuti samawibi samakabi'i bahaeamo kalkedon,bonene zumaridi, ²⁰ Botanoko sardoniki,a ikuminiko krisopraso,a ikuminiko a ichame hiakintho,aikuminiko a piyebe amethisto. ²¹ Tlhakwabe ikumi a piyebe'e bokoeakwa luluko ikumi a piyibii,kila tlhakwako hakokwakoelahiya hin!echa kwako luluko ichameko .Mitaa ma mji chokwaheamo dhahabu tsie,kwamu!uyuhe isa kiooko tsiiko. ²² Akwana /'ita hekaluko lolote chikina ma mji,kwako nzokoko Bwana Haine,hamakweya tawalae puhuna ma vyote,a Akwetema pukupuku ni hekaluma. ²³ Mji akwamosla'atita ishoko a seta ili kungaza puhunama kwako nzokoko nube'ema Haine bell'eamo puhunama,ataama ni akweteyama pukupuku. ²⁴ Mataifabe itlhakwape nena bell'ea ma mji bami:Wafalmebima yamua dzanapii fahari biyeta chikinama. ²⁵ Tlhakwabesa akwesetutsuwiya wakati ma isho a ukueheya a tsifi be'ena. ²⁶ Dzanape fahari aheshima ma mataifa chikinaeta, ²⁷ a ukuwa titchiye hamakweson!o'o chikina ma'wala yeyote hamakweso elaha gashenga lolote minyalane au lamsi akwen!o!o,bali ni nabe ta ambao akanabe'eta n!ek'ahiyame kwako kitabuko ma amayegae ma akwetema pukupuku.