¹ Atonena malaikako kotall'atlhekwa kelahicha atibi ma amayegae,atibii biieami k'alawinibi isa bilauritibi.bahaeami matipi hin!echa kiti ma enzi ma Haine a akwetenebe ma pukupuku. ² llethema lla'ana ma mtaa ma mji.Kwako kila lo'oko ma kela bahaeakwa a tsitiko ma amayegae,hakokwako'omo'o ainabi ikumi a piyibi ma semenakwe a amo'oyako semenakwe kila seta.Enabisa tsitiko ni kwako nzokoko ma kollowiya na mataifa. ³ Wala ukueheya a gudzumi yeyote llama.Kitima enzi ma Haine a akwetenebema pukupuku bahaehepe chikina ma mji,a /'u/'ukwabi ma tumikiyaitapi. ⁴ /'iyape akwabema,a akanabema bahaehepe'e puhunaeta ngetseabe'eta akwane'eta. ⁵ Ukueheya a tsifi llama,wala ukueheya a hitaji ma bethea ma taa au puhuna kwako nzokoko Bawa Haine belleheya puhunaeta.Abe'e tawalaeheya milele a milele. ⁶ Malaikako kotahekwa,''Idigabe habe aminiechanepe a humako.Bwana Hainesa nkoloko wicha manabibii /'utamo malaikakoma ll'atlhahichachana /'u/'ukwabi na hamakweso n!uyuhe hishina kupana.'' ⁷ ''Che'e'e!Dzanene welana!Barikiwaiyamo bami hamakweya eheta idigabe ma unabii sa kitabuko hako.'' ⁸ Ono,Yohana,ndiye hamakwatalla'e a /'iyachana yama hama.kwatall'ae a /'iyetachana ishana tlhehena ichinanekwa a'anenahicha upukwabi chinasa malaikaka abudu ititachano,malaikako hakokwako /'iya yamua hama. ⁹ Kotahekwa,''Ta'akwe hiihe hishinokwa ono ni /'u/'ukwane ubahena, ichame'ena a ukwate be'ena manabibii,ichame'ena a nabe habekwapee eheeta idigabe sa kitabuko hako Abuduite Haine!'' ¹⁰ Kamohekwa,Ta'akwecheketa muhuri idigabe icha nabibii sa kitabuko hako nzokoko wakati nan!amo. ¹¹ Isokwe bamie hakine.asoendeleyae akwe bamieche hakie.Hamakweya titchiye'e,a soendeleyae kuwa chokwa he'e haki.Hamakweya nube'e,a endeleyae'e kuwa nubeechana.'' ¹² Che'e'e dzanene welana.Ujinakwa baheya imeena aono golepana kila ichame gumiina a hamakweya e;aha. ¹³ Ono ni alfa a omega,akakaane a shikihe.Akakaane a shik'ihe. ¹⁴ Barikiwaiyame nabe habekwape'e hutseta thoabe'eta ili ise chiya haki ma semecha hin!echa kwako tsitiko ma amayege'e a n!o'ochana mji lletlehecha tlhakwabitina. ¹⁵ Tongotina bahepe pakapa'a,hatchebe'e,buk'utube,llowabe unu,abuduititebe sanamko a kila kahe a sotuwiya ushahidisa lamako. ¹⁶ Ono,Yesu,/'utana'a malaikakokwa shuhudia inachana kuhusu yamua hama kwape kanisabe.Ono ni wilipi ma omo'o ma Daudi,ts'ako ma wekelapisa'a pepetlhatlhiko.'' ¹⁷ Nkoloko sa bibi harusiko thodzowako,Bichote!''A bami kwesoll'ae thodzoweya,''Bichote yeyote chokwae ake,a sodza,a yeyote hamakweya tasiitita akwako,a sochicha atibi ma amayegae burena. ¹⁸ Shuhudi yaitata kila unu ll'ae idigabema unabii sa kitabuko hako,Isa yeyote kwape habe,Haine slowemaya mapigo habekwape'e n!e kahiya kwako kitabuko hako. ¹⁹ Isa unu yeyote kwekuso/'ueta idigabesa kitabuko hako unabii niko ,Haine /'uanayo balama ma kwako tsitiko ma amayegae a kweya mji nube,ambayo bahari bima n!ek'ahiyami chikina sa kitabuko hako. ²⁰ Bami shuhudiyae yamua hama thodzoweya,''Ndiyo!dzanene welana.''Amina!Bicho Bawa Yesu! ²¹ Neema ma Bwana Yesu iso a kila unu.Amina.