¹ Atonena /'itana'a malaikako kwakwatuwa hin!echa aamina,a chokwahitiko ufunguobe sa madako ukusa shik'ihe a mnyororo pakapa'a ukwabichinasa . ² Chokokwamo hina iyato,iyato kene,ambaye ni ibilisi a !o!owako,a kamoilleta miakabi elfu. ³ ll'atamo kwako badako ukusa a shik;ihe,kamull'eta a tiyaititachana mhuriko puhunama.Hako hiheyakwa hishina ili kwamba isoakwe la msihina mataifa ilama mpaka miakabi elfu kwisibahe.Baada ya hamena,tahimiyako huru kwaya muda angai. ⁴ Atonena /'ichana'a vitibii ma enzi.habikwami chokwahicha ni nabe'e ambao walikuwa kwimiya mamlaka ma hukumue.Hihishinokwa /'itanaa nafsi koweta nabe'e ambao walikuwa !imiyame thomako kwako nzokoko ma ushuhudama husuite thomako kwako nzokoko ma ushuhudama husuite Yesu a kwape idigabema Haine walikuwa akwameabuduita kalimo au sanamuko ma,a ilakowame tatsanachana alama puhuna heta ngetscabe eta akwabe'eta au ukwako.Dzame amayegaenina,a kametawala ichame'ena a Kristo kwapi miakabi elfu. ⁵ Tallebe habekwapethane akwamedza amayegainina mpaka miakabi elfu kwami bahe.Hama bamiya hupiyacha akakane. ⁶ Mbarikiwa a nube ni unu yeyote ambaye chite nafasiko kweya hupiya ma akakane!mauti piye ukuwama ulube puhuna ma emeda isa habe.Bahaehepii makuhanibi ma Haine a Kristone a tawalaehipi a bami kwapi miakabi elfu. ⁷ Wakati miakabi elfu kwisigushika sik'ihena,!o!oko ll'aimiyako hin!echa gerezatinama. ⁸ Hakako tongotina lamsiyetachana mataifabe kwapi konabii bonebii yamuanibi-Gogu a magogu-dzanetachana ichame'ena kwako nzokoko sa tsukume bahaehepe asobe isa tsawabe'e ma bahari. ⁹ Hakame puhuna kwako kitakitahika ma yamua abee man!ame ng'ambiko weta wauminibe,mji sla'ahimiye.Lakini tsoko dzamo hin!echa a'anina ma kamoangamizae. ¹⁰ !o!oko,hakokwakwa laksiyeta,ll'ahiya wa chikina ma kamu polahe kiberiti,ambamo kalimo a nabibii,lamatibi walikuwa kenenapi ll'ahiya.Kokoyiyapii ishona a tsifana milele a milele. ¹¹ Kisha kana /'iya kitima enzi pakapa'a pethahe a hina hamakweya hama puhunama.Yamuaa a'a chiyami ichana hin!echa kweya bahaema,lakini akwekobahaehe nafasiko weta be'e hakachana. ¹² /'iyetana'a misiame-hodaribii a akwe muhimunebe kameika kweya kitima enzi,a vitabube hushuwiyame.Atonena kitabuko ichiko hushuwiyakwa kitabuko amayegainiko.Tallebe hukumiwaiya ame kweya hina hamakweya n!ekahiya chikina eta vitabube'e,matokeo ma hina hamakwape'elaha. ¹³ Bahari hamakweya hin!eta tallebe'e ambao bahaeame chikina ma.Tall'ia kuzimu hin!etamo tall'ebee ambao bahaeame chikinama,a tall'ebe hukumiwaiyame gumiina a hamakwapee'elaha. ¹⁴ Misihe a kuzima //'ahiyemi chikinama kowo ma tsoko.Hama mautiya piye -kowoma tsoko. ¹⁵ Isa akanabe yeyote akwame!uyuhe n!ek'ahiyame chikina sa kitabukoma amayegae,lla'ahiyakwa chikinama kawo ma tsoko.*