¹ Baada ma mambo hama //'aenma'a lluk'wa isa mlio pakapa'a kudine pakapa'a emedama a'a kamothodzo,''Haleluya ishiiya,utukufu a ulube Hainenepeyana. ² Hukumu koma humatiyako a hakima,kwako nzokoko hukumuititamo bukutuko !uslako kokokwako thikita yamua kweya bukutuesa Elahakwa kisasi nena atamaeta /'u/'ukwabesa,hakokwako /'ia boko ichinanesa.'' ³ Kweya mara koll'ane thodzowane,''Haleluya!Tsiko hin!eyamo bami milele a milele.'' ⁴ Nabii pa'anakwe ishirini a bonibii a viumbe amayega bone kamisujudue a abuduitechana Haine hame kweyo kitima enzi.Walikuwa Thodzowame,''Amina.Haleluya!'' ⁵ Ndipo ll'uk'wa kamohin!e kweya kitima enzi,kwathodzo,''Sifuitate Haineona itibi./'u/'ukwa bima wainahicha etebe habekwateta mchaita bami wainaeta akwe umuhinebe a bee ulubitebe.'' ⁶ Ndipo kana//'aema isa llukwa makundi pakapa'a emedane,isa iluk'wa ma ngungunguna maradi,kwamothodza,''Haleluya!Bwana Haimeya yona,mtawala puhuna ona wainaona,tawalaeya. ⁷ A bashangiliyae a bathahacha a kwemacha utukufu kwako nzokoko harusiko a sherehekoma akwetema pukupuku dzakwa,a bibi harusiko bahiyako tayari.'' ⁸ Ruhusiwaiyakwa n!uimiyana kitani tsie a bami k'alahe (kitani tsie ni ithikwa ma haki yeta wauminibe). ⁹ Malaikako kotalhodzo a ono N!ekakate habe:Barikiwaiyame habekwapeka'a miya kwako shereheko ma harusikoma akwetema pukupuku.''Ahishinokwa kamohekwa ,''Habe'e ni idigapema humatebe ma Haine.'' ¹⁰ Kana sujudue a'anenahicha upukwabima kanaabuduita,lakini kamohekwa,Taakwe hiihe!Ono ni /'u/'ukwanena a wa ukwatena bami chiyae ushuhuda ma Yesu.Abudunte Haine,kwako nzokoko ushudama Yesu ni nkolo wako a unabii.'' ¹¹ Atonena kana/icha a'abi kwamill'ae,a che'e bahaeamo a farasi pethahe!Ahina hamakwamo kaha kamiyeya mwaminifu a humate.Hukumue nena haki a taelaha /'ukume. ¹² Akwabema ni isa mwalima tsoko,a puhuna sa thomako ma chokwahicheya tajibi asobi.Chokwaheteya akanabe habekwapeni!ekahiya puhuna ma akwetetaose unu yeyote isipokuwa bami ichinanema. ¹³ N!oiyeteya thoabe habekwape'e tlhuwiya kweya atama,a akanabe ma ka'amiyamo Idiga ma Haine. ¹⁴ Majeshiko ma Haine bahiekwa ataba'aniyako puhuna farasi pethabii !uimiyane kitani tsie pethahe a tsie. ¹⁵ ll'ukwati ma hin!eyo upanga petete ambao angamizaeheya mataifa,abami tawalainaya nena mua ma choma.Aetebe'e thifiyateta afe ma mvinyo nena ofa betete ma Haine,tawalaeheya puhunaona wakohona. ¹⁶ Abami n!ekahiyamo puhunaheta ihoobe ma kweya papasama akanabe MFALME MA WAFALME A BWANA MA MABWANA. ¹⁷ Tsinana malaikako kwakwaika kwako ishoko.Kaaetamu nena ll'ukwa!usla tsela'aloko wainaso kall'iko puhuna,;;Bichote,lulhute ichame'ena kweya seme !usla Hainene. ¹⁸ Dzate teteseme,manako ma mfalme,manako wicha jemedalibii,manako ma emeda akasume,manako ma farasi a manakoma emeda wainama,habekwape'e hurue a /'u/'ukwabi,ukuwicha a umuhimu a chokwaheti bii ulube.'' ¹⁹ Tsitanaa kalimoko a mfalme ma yamua ichame a majeshi koweta.Bahaeamo kolloame kwako nzokoma elatachona bitako a ichame hamakweya kaha farasi a jeshi koma. ²⁰ Kalimo chiyamo a nabii ma lamate hamakwamo elama ishara kweya bahaema.Kweya ishara habi lamsihi chamo nabii habikwamichimiya chapakoma kalimo a habekwamesujudia tita sanamuko ma.Wainaeto piye'etana ll'ahiyame kwame amayegaehe kweya kamu ma tsoko polahe nena biriti. ²¹ Nabee habekwapethae llowiyami nena upanga hamakweyahin!e ll'ukwatima ma ichame hamakweya kaha puhuma ma farasi.Tselaalobe wainaeta beeame putauwebe manabitebe'eta.