¹ Baada ma gashenga hama /'itana'a malaikako ichiko kwakwatuwa hin!echa a'anina Bami hamakweya chokwahe'e mamlaka !usla a yamua bilhiyamo nena utukufama. ² Uhuwakwa nena lluk'wa !usla,kwakwathodzo,''Ishata'a,ishata'a,hina mji !usla Babeli!bamieta'a sehemu hamachaneeta halungube a sehem hamachani kila nkoloko titchiko a tsela'alobe chukizaebe. ³ Kwako nzokoko mataifabe wainaeta fame mvinyo sa tasiko akwa ma buk'utue esa ambayo ishianako ghadhabu.Wafalmebima yamua zini eami abii.Wafanyabiashara bima yamua biieami gashenganibi nena ulube ma hamacha sa nama bukutue.'' ⁴ Atonena kanall'ae ll'uk'wa hin!echa a'anina kwamothodzo,Hin!ee bukutina emeda kwa ili itete akwe shirikie kweya thekea sa na ili teteakwe tatsana thuiya sa yoyote. ⁵ Thekeesa luthuamo puhuna isa a'a a Haine eslamimamo itlhikwasa theke. ⁶ Galepatate isa kwakwagolopa ichebe'e,a tetegolepata mara piye kweya jinsi kwakoelahina kwako kikombe eko hakokwakogugitita,gugisale mara piye kwako nzokokosa. ⁷ Isa kwakwajitukuzae boko ichinanesa,a hamakwa nena buk'utuesa,kwesate kukoya aso a /ukusuna.Kwako nzokoko thodzawako nkolotina sa,Hamanaomisa malkiako,wala akwe mjaneko,a wala akwene /'iya pipicha.' ⁸ Hishinokwa chikina sa tsifiko ichameko tlhuiya sa lemeyaititaya:Misihe,uhu cha, a hatse teketezaeheyo nina tsoko,kwako nzokoko Bawa,Haine ni bamiya ulubite,a ni mhukumu wasa.'' ⁹ Wafalmebima yamua habikwami zinie a kamigugiya ichamena aboko uhuwepe a se ombolezaitita kwese /'iya tsik'o ma tlhoshotacha boko. ¹⁰ Ikape ichana aboko,nena islee ma /'etene'e sa kwesethodzo,''Ole kweya mji !usla.Babeli,mji chokwate ulube!kwako saako ichameko hukumuko wena dzakwa.'' ¹¹ Elasukwebe biasharako ma yamua uhute a tete ambolezae kwako nzokoko ma,kwako nzokoko ukuwa a ichamme tase bidha'a ma llama- ¹² bidaama dhahabu,!okoshowebe,han!abe ma thamani,l'ulu kitani tsie zambarau,hariri,tesehe,aina wainama tsitibite ll'owe'e tsie,kila gashenga lo'obite ma ndovu,kila gashenga hamakweya elahiya nena tsitibe ma thamani,shaba,choma,han!ako, ¹³ mdalasini,viungo,uvumba manemane,ubani,mvinyo,pusha tsie ngano,achekako,a pukupukuko,farasa a tontanako a /'ikwabe sa nkoloko ma emeda. ¹⁴ Semenako hamakwatita sla'ata nena ulube na tsuyame bin!echa tilina Bukutuena waikoma a pepetlhatlha na tsuayamo,akweso! uyuhe llama. ¹⁵ Elasukwe biasharako ma gashenga hishina kwame chiyo tajiri kweya sla'atima ikape ichana hin!echa baminina kwako nzokokoma isle'e ma /'etene'e ma,kwameuhunena lluk'wa ma omboledzae. ¹⁶ Kwamethodzo,''Ole,ole mji hina !usla hamakweya n!uimiya kitani tsie,zambarau,a tesehe,a pepetlhanitacha nena dhahabu,a vito ma thamani a lulu!'' ¹⁷ Chikinasa saako ichameko utaji wainama hama.tsuayamo,kila nahodha ma meli,kila bahari,a wainaeta atibichebe elasukwebe melemodako bahariniko,ikame ichana. ¹⁸ Uhuwame kwame/'iya tsiko ma ishachasa boko.Thodzowama,''Aku mji fananae a mji !usla pakapa'a?'' ¹⁹ ll'atame thalako puhuna eta thomabe'eta,a uhuwame,kwahin!icho hatsapikwabi a ombolezae,''Ole,ole mji pakapa'a mahali wainama habekwape'e chokwahichie'e a melibiyeta baharinina biieami tajiribii hin!echa melibii yeta.Chikinasa saako ichameko angamizaeakwa. ²⁰ Bahate puhuna ma,a'a etebe uminibe,mitumebii,a manabii,kwako nzokoko Haine dzatamo hukumuko na puhuna ma!'' ²¹ Malaikako chokwahitiko ulube hukwititakwa han!ako isa han!ako !uslako nikichaniko a ll'atakwa baharinina,Kwakwa thodzo,''Kwako yekeko hako,Babeli hina mji !usla,llahiyaya tlhehena kweya ukatilie a akweso !uyu ilama. ²² ll'ukw'a eta kinandabe,wanamzikibe,ts'akatsahibi filimbi,tarumbeta akwesella'e llama itibitina.Wala fundi ma aina ichemakaka akweso!uyuhe itibitina.Wala lluk'wa !usla ma kinu akweso llaimiya itibitina. ²³ Betheamo ta'a akweso angadzae chikinaena,nzokoko eelasukwabisa biasharako biyena bieami !uslabi ma yamua,a mataifabite,lamsimiyame nina hatcheeta. ²⁴ Chikinama atamahicha manabibi a waaminibi !uyuamo,a atamaona wainaona habekwape llowiya puhuna ma yamua.''