¹ I chamekoweta malaikabe saba hakokwakwa chokwahicha vitasabi saba dzakwa kotahekwa,Bichoo,//'atlhehinata hukumukoweta buk'utube !uslako puhuna hicha atibi asobi.'' ² hamakwaya mfalme ma yammua elasukwa yamua bu'utuene abami puhuna ma mvinyo ma bukutue ma hamebe yamuanina gewiyame.'' ³ Malaikako kotachikwa nena nkoloko mpaka nyikani,a /'itana akwitiko hamakwa puhunasa kalimo tisiko hakokwako /'oso akanebe ma milaso.Kalimo chokwahete'eamo thomabe saba a lo'obe ikumi. ⁴ Akwitiko n!uitobowakwa thoabe'e zambalaunebe a tesebe a watiyakwa nena dhahabu,han!abe ma thamani,a lulu.Bahieakwa chukwahiyako ukwabichinasa kikombeko thahabuniko hakokwako /'oso nena gashenga ma ofacha a tchumuma bukutuesa. ⁵ Puhunaeta ngetse a beyeta akwabesa n!ek'ahiyame akanabe bihebe:''BABELI !USLA,ASUKOMA BUKUTUE A GASHENGA OFA CHANE MA YAMUA.'' ⁶ Kana /'iana kuwa akwitiko hako bahiekwa k'iwiyako nena atama wauminibe a atama eta habekwapemisihe kwako nzokokoma Yesu.Wakati w kwana /'ita chokwahena a kukunya!usha. ⁷ Lakini malaikako kotahekwa,''Akwi aninatita kukunya?Chechekanuunata nzokokosa akwitiko a kalimo chitiko (kalimoko hako chokwahiko thomabe saba a nabe lo'o ikumi). ⁸ Kalimo hamakwatita /iyo bahaeamo,ukuwa llama hamaisho,lakini bahiyako kenena kaham=chana hin!echa kwako badako ukusa shikihe.Atonena endeleyaeyako a thikitacha.Nabe hamebe puhuna ma yamua,nabe ambao akanabe'eta akwamen!ekaiya kwako kitabuko ma amayegae tangu kwamochikiya msingima yamua-kukunyape kwese /'iya kalomoko hakokwako bahae kwamba ukuwako hamaisho lakini bahiyako kupana dzachana. ⁹ Kaamiya hama ni kwako nzokokosa masalako chokwahiko hekima.Thomabe sababe ni han!api sababi ambao akwitiko hamakwa puhunahicha. ¹⁰ A bii llama ni mfalmepii sababii.Wafalme biii batanobii ishami ichame baheya iche akwamodza hupeyo,wakati jwesodza,hamaya nena muda /itse tu. ¹¹ Kalimo hakweya bahae,lakini hamaisho ukuwa,bami llama ni mfalme ya bone;Lakini ichameya yicha nabi wafalme saba,a hakaya kweya hithikitacha. ¹² Nabe lo'o ikumi habikwa /'icha ni mfalmepii ikumi ambao akwamitatsana ufalme,lakini habekwesetatsa mamlaka isa wafalmebi hamaisho ichame'ena a kalimo. ¹³ Habe chokwahepe thokodzoe ichame,a kwemape'e ulube'eta a mamlaka hina iyato. ¹⁴ Elahape tzukume bainaeta a akwetema pukupuku.Lakini akwetema pukupuku gumsetaya kwako nzokoko ni Bawa yeta mbulibe a mfalme ma mfalme ma mfalme-a kweya bami ka'amiyo,gombaliya'a'a nubebee.'' ¹⁵ Malaikako kotahekwa,''Nabi ati kwahita /icha,ukupi hanakwako hama nako bukutu ni emeda,luthuhema,mataifa a lugha. ¹⁶ Nabi lo'o ikumi kwatita /'icha-bii a hina kalimo chukiyaititape nako buk'utu.Abe'e elatape'e kuwa mpweke a yamua,sametape manabesa,a teketezaititape nena tsoko. ¹⁷ Nzokoko Haine cheketame kwape nkolobeeta ten!etachana kusudikoma nena kweya makubaliano ma kwesacha kalimoko ulube'eta tuwalaititachana idigabema Haine kwesegushikela. ¹⁸ Nako akwiti hakokwatita /'ita ni mjiya hina pakapa'a godegeane puhuna ma mataifa ma yamua.''