¹ Kana ll'ae ll'uk'wa pakapa'a kwamoka'a hin!echa kweya sehemu ma nubee a kamothodzo kwape nobee malaika sababe'e,''Haka'a itatsieta puhunama yamua bakulibe sabobe ma ghadhabu koma Haine.'' ² Malaikako akaka'aneko hakakwa a kotatsiita bakulikosa kweya yamua,Abatobi thikibi a chokwahibi /etene'e betete dzamo kweya emeda chokwahe alama ma kalimo,kwape nabe habekwa pe'e abuduitita sanamu koma. ³ Malaikako piyeko /'iiitakwa bakuliko kweya bahari,kutahiihe isa atama ma una hamakweyamisihe,a kila kiumbe amayega kweya bahari misiakwa. ⁴ Kana //aesa malaikako atibichiko kwakwathodzo,''Te nubete ichame kwaitabaha e a hamakwatita bahae,Mube kwako nzokoko zatata'a hukumuko habi. ⁵ Nikasikia malaika wa maji akisema, "Wewe ni mwaminifu - mmoja uliyepo na uliyekuwako, Mtakatifu - kwa sababu umezileta hukumu hizi. ⁶ Kwako nzokoko tsiame atamaeta wa'aminibe,a manabibi kwehetata be'e facha atama;bamiya hamakwape stahilie.'' ⁷ Kana//'ae madhabahuko kwakwayohe''Ndiyo Bawa Haine chokwahe tawalae puhuna ma wakoma,hukumuweta ni humateya a hakineya.'' ⁸ Malaikako boneko kotatsia hin!echa kwako bakulikosa puhunasa ishoko a kotakwimiya ruhusa Hhoshowachana emeda nena tsoko. ⁹ Tlhoshowiyame nena petene'e bami islichane,a kamekufurue idigabe ma Haine,chokwahete ulube puhuna ma tlhuiya wainama,akwame,tubue wala kwema chana bami utukufu. ¹⁰ Malaikako batanoniko kotatsia hin!echa kwako bakulikosa kwaya kitima enzi ma kalimo a ti tsia kamoslubana ufalme ma.Nikiyame ahabe kweya /'etene'e betete. ¹¹ Kamemilasa Haine a'anina kwako nzokoko ma/'etene'eheta a abatubieta a hepepe endeleyaepe akwetubuechana kweya hina hamakwape'e elaha. ¹² Malaikako sitaniko tsaakwa hin!echa kwako bakuliko sa kweya kela pakapa'a,kolangane,a atibima kamill'ape ili gumseanachana gobechitita chana yekekokweya ufalme habe kwesedza hin!echa mashariki. ¹³ Kana/iyeta nkolobe samakabe titchiyebe habekwame!uyu isa chora hi!bi tagoko sa awanikako ma hina iyato,jina kalimo,a hina nabii lamate. ¹⁴ Ni nkolowako halungubitiko elasukwiko ishara a miujiza.Habekwame hake'e kweya mfalme ma yamua wainama ili gumuseana gubilingichana ichame'ena kweya ishe kwako tsifiko !uslako ma Haine,bami tawalae puhuna a wainaeta. ¹⁵ (''Chee! Dzanene'e isa hatsake!Heri hina dumue kweya akwellupicha,/'i'iyeta thoabema ili isoakweguseana hakachana togoko yandana a so/'iya minyala ma.'') ¹⁶ Dzanetami ichame'ena kweya sehem hamakweya ka'amiya kweya kibrania Amegedoni. ¹⁷ Malaikako sabaniko tsaakwa hin!echa kwako bakuliko sa kweya a'a Atonena ll'u'k'wa !usla kama ll'amiya hin!echa nube'enina kweya kitima enzi,kwamothodzo ''Baheyame!'' ¹⁸ Bahaeamo a mialebima bell'ea ma radi ngungunguna mokindo a /'etete kutoshe /'etete pakapa'a heta yamuabe ambalo akwamowahie !uyuchana yamuanina tangi emeda kwamebahae yamuanina,hishinoko ni /'eteteya pakapa'a pa'ana. ¹⁹ Mji !usla hallakaamo kwe sehemu samaka,a mijibima mataifa kamiisha.Atonena Haine kamoeslawita Babeli !usla,a kamokwakwa /'oso nena diva hin!echa kweya ghadhabu ma boko beteteko. ²⁰ Kila kisiwa kamolakahe a han!abi kamilaka ilama. ²¹ Ati pakapa'a han!abite chokwahe /'apane'e sa talantako,kotatuwa hin!echa puhuna ma emeda,a kamelakiita Haine nena mapigo ma han!obite kwako nzokoko bako pigo lilikuwa thikiyako pa'ana.