¹ Basi pilato kamochiya Yesu kamo!zaa. ² Bii maaskari kamiimaicha pisibii a kamielaha n//uwa.Kamicheka puhunasa n//omakoma Yesu a n//uchinitachana n//oako ranginikoma zambarau. ³ Kamizamata a tlodzochana,'' Tee mfalmeicha Wayahudibiia kisha tchaanachana neta ukwabiicha. ⁴ Kisha Pilato hi!eyamo tongotina a hemachana emeda,''Cheete zanihinata hama unu itibichina itibichina ili itititetao ishinokwa ono akwana tsiya hatia Yeyote chikinama.'' ⁵ Kwa hiyo Yesu kamohi!ee tongotina;n//ucheetamo n//uwaicha pisibii a n//ookowicha zambarauniko.Ndipo pilato kamohicha,Cheesi unu hiyamo hamena!'' ⁶ Kwa hiyo wakatima kuhoni !usla a !ukuslabii kwami tsiya Yesu kamigwaseta ngwanoko kamitlodzo,''Sulubishaitee,sulubishaitee.''Pilato kamohicha,''Chiyasi itiibii ichinanaina ititisulubishaita,kwa kuwa ono akwata tsiyema hatia chikinama.'' ⁷ Wayahudibii kamjibuita Pilato''Obi chokwatiopii sheriako a kwako boko sheria pasaeya misichana kwako nzokoko bami tsiiamo isa akwetema Haine.'' ⁸ Pilato kwamo //'ae bee idiga kamoslowiya islichana, ⁹ Kamo!oo Praitorio //'ama a hemachana Yesu,''Tee hi!etaa tumiika?Hata ishinokwa,Yesu akwamo jibuita. ¹⁰ Kisha Pilato kamohema,''Je tee akwete tlodzo a ono ?Je,tee kwateta teteehe ishinokwa ono chokwahene mamalaka //'aenachana a mamlaka sulubishai yenachana?'' ¹¹ Yesu kamojibuehe,''Akwatikwiakwe ulubiteehe dhidi nakwa kwanikwa akwe kwimiya hi!echa puhuna.Kwa hiyo,unu hamakweya hi!ekwa tinina chokwaheya dhambi pakapaa.'' ¹² Hi!echa kwako hako jibu,Pilato kamohi!ee kamotaya huru,lakini Wayahudibiii kami gwaseta ng'wanoko kami tlodzo,''Kwete hani taya huru basi te akwatita ubaemae Kaisari:Hama kweya ajifanyaehe isa mfalme tlodzoheya kinyumema kaisairi.'' ¹³ Pilato kwa //aeta habe idiga,kamozaana Yesu tongatina kisha kamohana kweya kiti hukumutee mahali bami tsahimiye isa sakafu,lakini neta Kiebrania,Gabatha. ¹⁴ Tsifiko maandalizinikoma pasaka kwakwa gushike,kwamo mudaemae saa sita.Pilato kamohicha Wayahudi''Cheesi mfalmeina hiyamo hamena!'' ¹⁵ Kami gwaseta ngwanoko tsunasi,tsunasi,sulubishaitee!''Pilato kamohicha,''Je inasulubishaita !uslaina?A bami kuhani !usla kamojibuehe,''Obii ukuwaya mfalme isipokuwa Kaisari.'' ¹⁶ Ndipo pilato kamohin biichina ili iso sulubiwaiya. ¹⁷ A bii kamichiya Yesu,a bami kamo hi!ee hali te!eyamo msalabama ichinanema mpaka kweya eneo kaamiyehe mitlamibiisa tlomako,neta Kiebrania Galigota. ¹⁸ Ndipo kwami sulubishaita Yesu,pana a tshibii piyibii uchame bala hama a iche balama hama,a Yesu //'aanaicha. ¹⁹ Kisha Pilato kamo !eghaha alama a chekachana puhuna ma msalaba.Beena !eghaiyamo:YESU MNAZARETI,MFALME ICHA WAYAHUDIBII. ²⁰ A aubiicha Wayahudi somaitami bami alama kwani bami mahali kwaya sulubishwaiya Yesu kunamo a mji Alama bami !eghaiyamo neta Kiebrania,neta Kirumi a kiyunani. ²¹ Kisha !ukuslabiicha makuhanibichibii Wayahudibii kamihema Pilato,''Takwe !eghaeta Mfalmeicha Wayahudibii;bali bami tlodzowamo ono mfalmeneicha Wayahudibii.'' ²² Abami pilato kamojibuicha,''Habekwata !eghaeta !eghaetanaa.'' ²³ Baadama askari slubishaitachana Yesu,kamicheta n//oabema a ha//akaetachana kwapee laghabee bonebee,kila askari funguko uchameko,iishinokwa a kazuko,A tonena boko kanzu akwakwa n//apiya bali fumwaiyakwa wainasa hi!echa puhuna. ²⁴ Kisha kamethookodzomee ichininenta,''Ibaakwe tahata,bali iba gwasa kwa ili iba tsiana tamenieyako.Hako hi!eyakwa ili boko iko gushika,boko hakokwako tlodzomiya ha//akaetami n//oabekwa,a n//oakokwa kami gwasisa kura.'' ²⁵ Askaribii kitomi mambo hama.Asukoma Yesu,atitsikosa asuko,Mariamuko okokoma kleopa a Mariamuko kosa asuko,Mariamuko akokoma kleopa a Mariamuko Magdalema-akwitibee habee ikeeme kupame kupana a msalaama Yesu. ²⁶ Yesu kwamo tsita asuko pana a mwanafuzni hamakwamo slaata ikipii kupana,kamohesa asukoma,''A kwitiko, chee,chee pakwete hiyamo hamena!'' ²⁷ Kisha kamohema bami mwanafunzi,''Chee, hiyaako hamena paako.Hi!echa boko saa bami mwanafunzi kamochi ya hakacha hetsanama. ²⁸ Baadama bami,Hali Yesu tetaeya ishinokwa wainaeta baheyame bahechana ili bahetachana maandikobee,kamotlozo,''Tsiyata ake.'' ²⁹ Chombo bami hamakweya tsoso siki chikiyaamo nana,kwa hiyo kamecheka sifongo hamakwamo tsoseehe puhunama //akama hisopo,kamechikima awanikatinama. ³⁰ Abami Yesu kwamotiyana bami,kamotlodzo,''Baheyame.''kisha kamotlututa tlomakoma,kamo kabidhiitita nkolokoma . ³¹ Kwa bile bamieamo wakatima maandikobee,a kwako nzokoko manabee akwame slaaimiya tlo'pochana puhunama msalaba wakatinasa sabatoko (kwa kuwa sabato tsifieakwa muhimuniko),wayahudibii kami!osha Pilato ishinokwa upukwabiicha bii habikwapii sulubishwaiya isipokowihicha a ishinokwa manabiicha isetuwiya. ³² Ndipo askari kwamiza kamipoteowima upukwabii unu akakane a piye hamakwamo sulubiwaiya pana a Yesu. ³³ Kwami gushika kweya Yesu,kamigosangana kenenaya misihe,kwa hiyo akwamipotclowima upukwabiima. ³⁴ Hata ishinokwa,uchameisha askaribii tekeyamo Yesu matlabichina neta utumeko ,a mara kami hi!ee atibii a atama. ³⁵ Abami hamakwamo tsita hako hin!amo ushuhuda,a ushuhudama humateya kuwa hama kweya tlodzo humateya ili atebee itete aminiehe. ³⁶ Idiga hama tsiiamo ili boko idiga hokokwako nenaiya iko gushika,''Ukuwa a mitlama uchame hamakweso potlowiya.'' ³⁷ //'ama andikoko ichiko tlodzoyako,''cheenenapii bii habi kwapii tekeya'' ³⁸ Baadama hama idiga Yusufu Arimathaya,kwa vile mwanafunziemamo Yesu lakini neta siri islichachana Wayahudibii,!oshamo pilato ishinokwa iso cheta manabema Yesu,Abami Pilato kamokwema ruhusa.Kwa hiyo Yusufu kamozaa kamotsueta manabeema Yesu. ³⁹ A bami Nikodemu bami akakaanena apaanamo Yesu tsifa a bami kamozaa.Bami zanamo gugiyaeta manemane a udi,gushikee tsapaneema ratili mia uchame. ⁴⁰ Kwahiyo kemecheta manabeema Yesu kamei//eta kwako sandako kitaniniko a pana a bami manukato,isa kwaya desturiehe iyichaehe Wayahidibii wakatima n//amiya. ⁴¹ Mahali hamakwamo Yesu sulubiwaiya bahaeakwa bustaniko;chikinasa boko bustani bahaeakwa hun//'uko zanako boko ukuwa unu hama kwamowahiehe n//umiye chana beena. ⁴² Basi,kwa kuwa tsifiyako maandaliyoniko kwapii Wayahudibii,a ishinokwa boko hun//uu tupanaakwa basi kameasita Yesu chikinasa.