¹ Wekelapisaana tsifiko akakaanekoma juma hupeya tikitsia,Mariamu Magdalena zakwa hun//utina;kakwa tsita biko ha!a tsuiyakwa hun//utina. ² Kwa hiyo kakwa chiineta welaebee hakacha kweya Simoni Petro a bamini mwanafunzi iche ambao Yesu hamakwamo slaata,kisha kakwa hicha,''Chiyaa Bwana hun//utina,a onebe akwabita tetaeeche nana beena kwapii asita.'' ³ Kisha Petro a bami mwanafuzni iche kamihi!ee,hakachana hun//itina. ⁴ Wainaeta gwasame chiicha pana;a bami mwanafunzi iche chiyamo netawelaebee zaidinama Petro akagushikachana akakaanena hun//atina. ⁵ Kamoika a kisha cheechana hun//utina;kamotsita boko kitani asiyako,lakini akwamo!oo chikina. ⁶ Kisha Simoni Petro a bami kamogushika kamo!oo chikinasa hun//uko.kamotsita sandako kitaniniko aseyakwa. ⁷ A bami leso bami hamakwamo tlomatinama akwamo ase pana a bee sanda kitaninebee bali aseyamo lokokona ichinanema. ⁸ Ndipo bami mwanafunzi iche a bami kwamo !oochikinasa hunllako;kamotsiana kwamominiehe. ⁹ Kwakuwa hadi bami wakati hupeeame tetawetachabaa maandikobee ishinokwa lazimuitamo Yesu iso hupa kwape misiyebee. ¹⁰ wanafunzibee kamehaka hentsanaeta //'ama biitina. ¹¹ Hata ishinokwa Mariamuko ikakwa hum//utina uhiyako,kwakwa endeleaehe uhuchana kakwaika kisha kakwachee hun//utina. ¹² Kakwa tsiyeta malaikabee piyebee ngentseabitebee petlaabee hamepeee uchameko tlomatina a ichiko upukwabichina mahali ambapo Yesu aseeamo. ¹³ Abee kamehesa,''Akwitiko,akwianatita uhu?''A boko kakwaheta,''Kwako nzokoko chiyame Bwana k,oaaawnoko akwata tetaiehe kwapee cheka.'' ¹⁴ Kwakwa bahe tlodzochana bee,shakaakwa a kakwatsiya Yesu ikeya.Lakini akwakwa tetao ishinokwa bami Yesu waa. ¹⁵ A bami Yesu kamohesa,''Aya akwianinatita uhuu?Akwizamatita kwakaa?''A boko hamena kweko tetao shinokwa nonotsasa bustaniko kakwahema,''Bwana kwete hani tee kwatita chiya,heko hamenakwa tita cheka,aonoko chiyata.'' ¹⁶ Yesu kamoheta,''Mariamu.''A boko kakwa shabahe ichimanesa a hemachana neta kiaramu,''Rohoni hama tlodzo chaha,''Mwalimu.'' ¹⁷ Yesu kamohesa,''Takwetseakwa kwani hupenee pululuchana hakacha kweya babie;bali itahaka kwapee ukwatebekwa itaheta ishinokwa pululuheta hakacha na kweya Babiekwa ambaye //'ama Bawaina,Hainekwa a Haineina.'' ¹⁸ Mariamu Magdalena kakwazaa hetachana wanafunzibe,ma,''Tsiyanaa Bwana,''a ishinokwa hesamo hama idiga. ¹⁹ A kwakwa //'aghafe,boko tsifi,tsifiko akakaaneko jumaniko,a tchakwabee kwese tutsuwiyeehee mahali wanafunzibe kwame bahaehe neta isliichachana wayahudibii,Yesu zamo a ikachana //'aanaicha a hichachana,''Amani iso itibichina.'' ²⁰ kwamo bahe tlodzochana bahee kamo //atchahicha ukwabiima a mun//'uuma.A bii wanafunzibii kwami tsiya Bwana kamibatlahe. ²¹ Kisha Yesu kamohicha //'ama,''Amani iso itibichina/.Isa kweya Babie tsukwa ono,iishinokwa aono tsuwinate itibii.'' ²² Yesu kwamo habe tlodzochana habe,kamovuriaicha kamohicha,Tatsatasi Nkoloko mtakatifuko. ²³ Yeyote sameheitehe dhambi,samehe waiyami,a bii habikwatii i//'ihicha i//imiyapii.'' ²⁴ Thomaso,uchameicha bii ikomibii a piyibii,kaamiye Didimas,akwamo a wanafunzibii ubabiima Yesu kwamoza. ²⁵ Bii wanafunzi ichibii kamihema baadaena,Tsiyaa Bwana.''A bami kamohicha,''Kwene akwe tsiicha alamabiicha misumaribii kwapii ukwabiima,a chikichachana ukwaikwa kwapii bii alama,a //'ama chikichachana ukwakokwa kwapi mutlubima akweneeaminiehe.'' ²⁶ Badaicha tsifibii nanebii wanafuzni bahaeami chumbatina //'ama,abami Thomaso habaeamo pana a bii. Wakati tchakwabee kwame i//'iya Yesu ikamo //'aanaicha.a kamotlodzo,''Amani a iso bahaehe a itibii.'' ²⁷ Kisha kamohema Thomaso,zanee ukwanakweteena a ita tsiicha ukwabikwa;zanichii hamena ukwabiyeena a itachikicha kwapii mutlubikwa,wala takwe tsiihe akwe aminie bali aminie.'' ²⁸ Abami Thomaso kamojibue a hemachana,''Bwanakwa a Hainekwa.'' ²⁹ Yesu kamwambia,kwa kuwa tsikwataa,aminietaa.Barikiwaiyame bee aminiebee,pasipo tsianachana.'' ³⁰ Kisha Yesu kamoelaha ishara aso aanenaeta wanafunzi bee,ambao akwame wahiehe !eghaiyachana kwako kitabuko hako; ³¹ bali habi !eghaiyami ili ishinokwa itete aminiehe ishinokwa Yesu bamiya Kristo,akwetema Haine,a ishinokwa kwetee aminieche itete uzimaneehe kwapee akanabema.