¹ Baadama Yesu tlodzochana habe idiga,kamotsuata a wanafunzibeema hakacha bondema Kidron,bee bahaea kwa nustaniko,ambako bami a wanafunzibema kame!oo chikinama. ² Hamisho hina Yuda,bami kwamo slaatii salitiitachana ,a bami tetaomamo bami eneo,kwani Yesu hakaeeamo bami eneo mara kadhaa kwamo a wanafuznibeema. ³ Abami Yuda,baadama !uyuwachana kaaicha maaskaribii a maofisabii hi!echa !ukuslabiicha makuhanibii,kamizaa chokwahipii a taa,kurunzi a silaha. ⁴ Abami Yesu,tetaeamo kila ihia hamakwamo elaiya dhidiwama,hi!eyamo aanena a kamoyasicha ,''Akwizaha kwatitakwakaa?'' ⁵ A bii kamiyahema,''Yesu Mnazareth.''Yesu kamohicha ,''Ono baminee''Abami Yuda hamakweya salitiita,bahaeamo ikeya pana a bii askari. ⁶ Kwahiyo kwamohicha,''Ono menee''tentseami atona a kami kamiisha tchehena. ⁷ Halafu kamoyasicha //'ama,''Akwizaha hama kwatita kwakaa?A bii kamiyahema //'ama ''Yesu mnazareth.'' ⁸ Yesu kamoyahiicha,''Kenenata hinaa ishinokwa Ono onenee; kwa hiyo kwiti hani kwakaokwa ono,taichasi ono,taishasi habii ichinibii isihake.'' ⁹ Habee tsiiyepee ili boko ikogushika,bee kwamo tlodzo;'' Kwame bee habekwatita kwekwa,akwana lakaha a uchame.'' ¹⁰ Ndipo Simoni Petro,hamakwamo upangateehe,kamotsosata an!achana hatnjapichiko nkokwatiko mtumishima kuhani !usla.A akanabema mtumishi bami tsiiiyepee Malko. ¹¹ Yesu kamohema Petro,''Titsii upangakowena kwako shopokosa Akuinaninata akwe faneta kikombeko boko hakokweya kwikwa Babie?'' ¹² Basi bami kaa askaribiche a jemedari,a watumishibiicha Wayahudibii,kamichiya Yesu kami i//'aa. ¹³ A bii kami aanita kaa mpaka kweya Anasi,kwani bami siteyama kayafa,ambaye bamiya hama kwamo kuhamieche ! usla kweya bami ng'waka. ¹⁴ Hamisho kayafa bamimemo kwihicha ushauri Wayahudi ishinokwa paswaiyamo unu uchame iso misihe kwako nzokokoma emeda. ¹⁵ Simoni Petro kamoapaana Yesu,aiishinokwa mwanafunzi iche.A bami mwanafunzi hamakwano tetaomiya kweya kuhani !uslaa, a bami kamo!oo gugiya a Yesu kweya bahewama Kuhani !usla; ¹⁶ Lakini Petro ikeeamo tongotinasa tchakwako.Basi gami mwanafunzi bami hamakwamo tetaomiyeehe kweya kuhani !usla,hi!eyamo tongootina kamohaka tlodzochana a boko akwitiko mtumishiko hako kwahitikwa a lindaitita tchakwako a !uitachana Petro chikina. ¹⁷ Basi bami kijakazi hamakwaheto lindaehe tchakwatina,kamohema Petro,''Je tee akwatita uchameichae wafuasibima hama unu?''Abami kamotlodzo,''Akwata onoehe.'' ¹⁸ A bii watumishi a !ukuslabii ikeeeami mahali bami,elahami tsoko kwako nzokoko,bahaeami tsuchibii,a ishinokwa kamisihi tsoko ili isi chiya petenee.Abami Petro bahaeano a bii,siheya tsoko ikeya. ¹⁹ Kuhani !usla kamoyakasana Yesu puhunaeta wanafunzibema a mafundisho beema. ²⁰ Yesu,''kamojibuta''Hemanaa waziwazi ulimwengu omo fundishaenaa mara kwa mara kwako masinagogiko a hekalutina mahali ambapo Wayahudi kwapie a !ukwahe.A ono akwana tlodzo lolote neta siri. ²¹ Akwianinatita yakasikwa?Yasichas habikwapii e//ekekekwa puhunama bami hamakwata tlodzo.Hama emeda tetaeya mambo bami hamakwata tlodzo. ²² Abami Yesu kamojibuita,''Kwene hani tlodzo igiga lolote lolote tleke basi iso ushahidiehe kwako nzokokoma uovu,a kwene hani jibuita nubeenenokwa akuianinatita n//izikwa?'' ²³ Ndipo anasi komohakana Yesu kwaya kayafa kuhani !usla hamena i//yeya. ²⁴ Hamisho Simoni Petro ikeeamo tsatsiyeya tsoko ichinanema.Halafu bami emeda kamihema.''Je tee //'ama akwatita uchameiyichaehe wanafunzibima?''Kamo//'ako kamotlodzo ''Akwata onoehe.'' ²⁵ Hamisho Simoni Petro ikeeamo tsatsiyeya tsoko ichinanema.Halafu bami emeda kamihema.''Je tee //'ama akwatita uchameiyichache wanafunzibima?''Kamo//'ako kamotlodzo ''Akwata moehe.'' ²⁶ Uchameicha watumishibiima kuhani !usla,ambaye kwamo ukwateemae bami sleme ambaye Petro hamakwamo !ima hantjapichiko,kamotlodzo,''Je akwatita tee kwate tsiyena a bami nana bustanini?'' ²⁷ Petro kamo //ako //'ama,a mara !gongoda kamouhu. ²⁸ Kisha kamichiya Yesu hu!echa kweya kayafa mpaka kweya Praitorio.Ilikuwa wekelapisaeamo a mapema.Bii ichinanicha akwami !oo baminina Praitorio ili iseakwe najisikaehe a samachana Pasaka. ²⁹ Kwahiyo hiyo Pilato kamohakamachi kamothoodzo.''Aku shitakako hako kwako husuita hama unu?'' ³⁰ Kami jibuta a kamihema,''Hama unu kwakwiso akwe eehe maovu,akwakovi zana tinina.'' ³¹ Pilato kamohicha,''chiyasi itibii ichinanaina,ititihukumuita ghumii a sheriakowina.''A bii Wayahudi kamihema,''Sheriako akwako ruhusuiyobeehe n//owachana unu yeyote.'' ³² Tlodzowami habee ili Yesu ikogushika,idigako boko hakokwamo tlodzo puhunama ainama misihema. ³³ Basi pilato kamo !oo //'ama praitrio akamokaama Yesu kamohema,''Je tete oma mfaloneicha Wayahudibii?'' ³⁴ Yesu kamojibuehe,''Je, tee kwatita yasikwa hako swali kwako nzokoko slaatita tetaochana oo kwako nzokoko ichibii tsuwenami ili itayasikwa ono? '' ³⁵ A bami pilato kamojibuehe,''Ono akwata muyahudiehe,oo ishinokwa?''Taifakowina a kuhani !usla biicho zanena oninine;akweiaha kwatita elaha? ³⁶ Yesu kamojibuehe,''Ufalnekwa akweya ulimwenguni hama, kwakwiso ufalmekwa bahaehe kweye sehemu kweye ulimwengu hama watumwabiikwa ikishiakwaisi ili kanikwiakwe hi!iya kwapi wayahudidii.Hamako ufalmekwa akweya hi!ehe hamena''Basi ³⁷ Pilato kamohema,''Je tee atonena mfalmetee ?''Yesu kamojibu ehe,''tetee ishinokwa kwatita tlodzo ishinokwa ono mfalme nee,'kwako nzokoko hako ono chikiyanaa a kwako nzokoko hako ono zanaa ulimwenguni ili inashahidiehe kwako boko humatiko.Bami chokwahe bokote humako //aemaheya //ughwakwa. ³⁸ Pilato kamohema,''Humako akwiaha?''A bami kwamo bahe tlodzochana bahee kamohaka kwapi Wayahudibii a hichaehana''Akwana tsiya lolote kweya hama unu. ³⁹ Hibii chokwahititi utamadunina hamakweso tsiikwa ina //aima mfungwa uchame wakatima Pasaka.Je slaatitita ina //aima mfalmeicha Wayahudibii.'' ⁴⁰ Kisha kami gwaseta ng'wanoko kamitlodzo,akwe bami,//a'ma Baraba.''A bami Baraka bamieamo tutushukwa.