¹ Yesu tlodzowamo mambo hama;kisha kamobitsi yeta akwabeema hakachana mbinguni a kamotlodzo,''Babie,saako gushikakwa;tukuzaitee pakwete ili pakwete isokuzaiyena tee- ² Isa kwatita kwema mamlaka puhunama ihia wainama bami manabite ili isokwihina uzima ,a bami hamakwatita tsuwa,Yesu Kristo. ³ Hamamiya uzima miletene:ishinokwa isetetaowenatee,Haine humate a ichinanaena,a bnami hamakwatita tsuwa,Yesu Kristo. ⁴ Tukuzaiyenana hemena duniani,a bahatachana melemodakokwa hakokwatita kwikwa inanitoma. ⁵ Hamisho,Babie,itatukuzaitikwa ono pana a tee ichinanena kweya utukufu bami hamakwata chokwaha pana atee kablama ulimwenguni umbwaichana. ⁶ Puhutamaa akanabeeena kweya emeda hamakwa tita kwekwa dunianina.Habekwame emeda eyenaehe;lakini kwekwataa ono.a bee chitame idigakowena. ⁷ Hamisho tetaepee ishinokwa kila ihia hamakwe tita kwekwa ono hi!eya tinina, ⁸ Kwape bee idiga habekwatita kwekwa ono keenate kweheta bee idigabee bee.Tatsetame a humako katetetao ishinokwa ono hu!enaa tinina,a kate animiehe ishinokwa temeto tsukwa. ⁹ !oshowetenee bee.Akwata !oshoma ulimwengu bali bee habekwatita kwekwa kwa kuwa bee tenepee. ¹⁰ Ihia wainama ambavyo neneya teneya,a vile hamakwatita chokwaha tee oneneya,aono tukuzwa aiyenee kweya ishinokwa. ¹¹ Ono akwata bahaehe //'ama ulimwenguni,bali bee bahepee ulimwenguni,aono hamisho zanenee tinina. Babie mtakatifu,notsaetee neta akanabeena bere habekwatita kweya obee ili bee ise umoja ane ehe,isa ono a tee kwabita umojaneehe. ¹² Kwanaa a bee,lindaiyetanaa kwapee akanabee bahekwati kwekwa;lindainanae,a ukuwa hate uchameeta hamakweya lakahe isipokuwa akwete upotevune,ili ishipokuwa akwete lakahene,ili ishinokwa mandikobe isegushika. ¹³ Hamisho teenenee tinina;lakini tlodzonee habe ulimwengunina ili ishinokwa batlahekwa isobahiya chikinaeta ichinanaeta. ¹⁴ Kwiyetanaa idigakowena;ulimwenguni kokoletano kwako nzokoko bee akwepe ulimwengunineehe,isa ono kwata akwe ulimwenguneehe ¹⁵ Akwata !oshoweta ishinokwa itahi!eta ulimwengunina bali italindaiyeta a boko mwovuko. ¹⁶ Bee akwapee dunianeebe isa ono kwata akwe ulimwenguneehe. ¹⁷ Hacheketa tinina ichinanaena kwako humako,idigakowena iko humatiehe. ¹⁸ Tsukwataa ulimwenguni,aono tsuwetanaa ulimwenguni. ¹⁹ Kwako nzokoweta ano ichinanekwa hi!iyata tinina ili ishinokwa a bee ise hi!iya tinina kwako humako. ²⁰ Akwape hehabeehe habekwata !oshoweta,bali a bee habekwese aminiehe n//etchehe idigakowena ²¹ ili ishinokwa abee ise umojaneehe,isa kwatita tee Baabie,kwatita chikinakwa a ono chikinaena.!oshowetenee ili ishinokwa bee //'ama ise chikinaona ili ulimwengu iso aminiehe ishinokwa temaa tsukwa. ²² Utukufu bami hamakwatita kwekwa-kwehetanaa bee,ili ishinokwa ise umojaneehe,isa kwabita onibii kwabita umojaneehe- ²³ Ono chikinaena,atee chikinakwa,ili ise gunamusea na bahanachana kweya umoja,ili ulimwengu iso tetao ishinokwa hakika tee bamitee hamakwatita tsukwa,a slaaiyetachana,isa tee kwatita slaatikwa,ano. ²⁴ Babie,bami hamakwatita kweka ono-slaatita ishinokwa bee //ama ise pana a ono mahali kwata bahaehe ili ise tsiya utukufukwa,bami hamakwata ita kwekwa:kwa kuwa tee slaatikwataa ono kablama ubwaiyachana kweya misingima ulimwenguni. ²⁵ Babie chokwahe haki,ulimwengu akwamo tetaowena tee,lakini ono tetaowenenenee tee;a teta epee ishinokwa tsukwataa. ²⁶ Elaetana akanababeena ise tetaomiya kwapee,a elaetata ise tetaomiya ili ishinokwa bami slaati ambalo biitina slaatikwataa ono ise chikinaeta bee,a ono ina chikinaeta bee.''