¹ Hinanaa hama mambo ili itete akwe kokoliya. ² Hi!inape tongotinasa masigogibe;humako saako zaniyako ambayo kila hamakweso tlowina gosekaya ishinokwa kitomeya melemodako mbiko kwako nzokokoma Haine. ³ Elahinapee mambo hama kwako nzokoko akwapetetao meehe Babie wala akwapee tetaokweehe ono. ⁴ Hinanaa mambo hama ili ishinokwa wakati kweso gushika kwape habe hi!echana,gumuseanateta eslawiyetachana a jinsi kwata hina itetegumusetabee. Akwana hina kuhusu mambo hama tangu akakaaanena kwako nzokoko bahaenaa pana a etebee. ⁵ Japokuwa,hamisho hakenee kweya bami hamakweya tsukwa,lakini ukuwa //aanaina hamakweya yasikwa,''Hakaneetee tumiika?'' ⁶ Kwako nzokoko tlodonaa habe idiga itibitina huzuni tsosowamo nkolobitinaina. ⁷ Hata ishinokwa,hinainee humako:nubee ya itibitina kwenetsuaya;kweya maana kwene akwe tsuaya,mfarijiko akwekozaa itibitina;lakini kwene haka tsutata itibitina. ⁸ Kweko zaa boko mfarijiko thibitishaitako ulimwengu kuhusunama dhambi,kuhusunama a haki a kuhusunasa hukumuko. ⁹ Kuhusunama dhambi,kwako nzokoko akwame aminiitikwa ono, ¹⁰ Kuhusunama haki,kwako nzokoko hakanenee kweya babie,a akwetee tsikwa //'ama; ¹¹ a kuhusianama hukumuko kwako nzokoko !uslama ulimwengu hama hukumiwaiyamo. ¹² Chokwaetenee asobee hinachanebee,lakini akwetee lewaiyeta hamiisho. ¹³ Lakini,boko,Nkoloko humatiko,kweko zaa akaka aneinako kwako humako wainasa,kwa kuwa akwetee tlodzo kwako nzokokosa ichinanesa;lakini hahabekweko //'aeta,tlodzowako mambo bami;a dhihirishaiyetako itibitina mambo hamakweso zaa. ¹⁴ Bami tukuzaitikwaya ono,kwako nzokoko chiyaya mambo kwa a tangazaitako itibitima. ¹⁵ Ihia wainama hamakwaya chokwaha Babie onebeya kwa hiyo,tlodzonaa ishinokwa Nkoloko chiyako mambokwa a dhihirishaitako itibitina. ¹⁶ Hupeya muda tsitse,akwetee tsikwa //ama a baadama muda tsitse //'ama tsikwateta.'' ¹⁷ Baadhieta wanafunzibeema kamehekwamayekwee,''Akwixha hamakweya heona,''muda tsitse,a akwetee tsikwa //'ama,'a,kisha,muda tsitse tsikwatete a,kwako nzokoko hakanenee kweya Babie?'' ¹⁸ Kwa hiyo kametlodzo,Aku ihiaha kweya tlodzo,Hupeya muda tsitse?Akwabita tetaahe kweyatlodzo.'' ¹⁹ Yesu tsianamo kuwa slaatiyame yasachama,a bami kamoheta,''Gakaseetetee ixhinanaina kuhusu hako,kwatatlodzo,'Hupeya muda tsitse,akwetetee tsikwa //'ama;a baadama muda tsitse tsikwateta? ²⁰ Amini,amini hinate uhuweteta a ombolezaechana,lakini ulimwengu shanguliyaeheya,chiyateta huzuni lakini huzunina shaklaheya iso batlahesahe. ²¹ Akwitiko chiyako a huzuni wakatima kwako a chiya tsetenee kwako nzokoko wakatima omoocha gushikamo,lakini kwekomoo ola, akweko eslawi //'ama tsetenee kwako nzokokoma batlahesa ishinokwa ola chikiyamo yamuanina. ²² Etebee atonena huzuninenetete hamishoo,lakini tsinata //'ama;a nkolobiina bathahepee a ukuwa hamakweso tsuana batlahina. Tsifiko boko akweteee yasikwa maswalibee. ²³ Amini,amini,hinata,kwete!osho lolote kweya Babie,kwihinaya neta akanabekwa. ²⁴ Mpaka hamishoo akwatea !osho lolote neta akanabekwa;!oshote,a etebee chiyateta ili ishinokwa batlachina isokamilikaehe. ²⁵ Tlodzonaa a etebee neta lughako akwelewekaiko,lakini saako zaniyako ambapo akwenee tlodzo neta lughako akwe elewekaiko lakini badalama ninata waziwazi kuhusunama Babie. ²⁶ Boko tsifi !oshoweteta neta akanabekwa,a akwenee hina ishinokwa !oshota kweya Babie kwako nzokokowina; ²⁷ Kwa kuwa Babie ichinanema slaaineya kwako nzokoko slaatikwatea ono a kwako nzokoko aminitikwatea kuwa hi!enaa kweya Babie. ²⁸ Hi!enaa kweya Babie a zanaa ulimwenguni,//ama tsuyata ulimwenguni a hakaenee kweya Babie.'' ²⁹ Wanafunzibeema kamahema,''Tsianatita,hamisho tlodzotita waziwazi a akwatita tumiyaeche mafumbo. ³⁰ Hamisho,tetaoa ishinokwa tetaetetee mambo wainama,a akwatita hitajiita uunu iche iso yasena maswalibee.Kwako nzokoko hako amini aopee ishinokwa hi!etaa kweya Haine. ³¹ Yesu kamojibuiyeta,''Hamisho aminietea?'' ³² Chee,saako zaniyako,ndio a hakika gushikamo, ambapo tsatsaheteta kila uchame a biite takwateta ichinanekwa.Lakini akwata ichinanekwa kwako nzokoko Babie baheya aono. ³³ Hinata mambo hama ili ishinokwa chikinakwa itete chiyo amani.Duniani chokwahetetee kokoya,lakini nipeni nkoloko,takayanaa ulimwengu.