¹ Sasa kablanasa sikukuukosa pasakaniko,kwako nzokoko Yesu tetaowamo kuwa kuwa saako ma gushikakwa ambayo bi!eya kweya yamua hama hakacha kweya bawa,kweso tlatee he emedama ambao bahaeame yamuanina,tla'atiyetamo upeo. ² A !o!oko chikiyakwa kenena n//aanasa nkolokoma Yuda Isikariote,akwetema Simoni,salitii tachana Yesu. ³ Yesu tetaowamo bawa chekamo ihia waina ma n//aanaicha ukwabima a kwambana hi!eyamo kwaya hawa a hakaneya n//ama kwaya Haine. ⁴ Hukwamo semenina a kamosinako tl'ehena nlloakoma tongatiko .Kisha kamochiya taulo kamoin//a ichinanema. ⁵ Kisha kamotiyaicha atibii kwako bakuliko a kamakutula huntsichachana upukwabii wanafunzibiima a kamonllukupicha nena taulo ambayo hamakwamo inlla ichinanema. ⁶ Kamoza kweya Simoni Petro,a Petro kamohema,''Bawa,tlaatita itahuntsekwa upukwabekwa?'' ⁷ Yesu kamojibuita a kamohema,''Kwenekitoma akwetetetao yamasa,lakini tetaotita baadaena. ⁸ Petro kamohema,''Akwetehuntsekwa upukwa bikwa kamwe.''Yesu kamojibuta,''Kwene akwehuntsehena,akwete sehemunehe.'' ⁹ Simoni Petro kamohema,''Bawa,takwehuntsekwa upukwabikwa,bali pia a ukwabekwa n//omakokwa.'' ¹⁰ Yesu kwamohema,''Hahamakweso kenena n//oo akweso n//oo aakwe upukwanema,a ntsisiamo manabeema wainaeta;itibii ntsisihitia,lakini akwe wainaina.'' ¹¹ Kwaku Yesu tetaowamo bani hamakweso tapanagwama,hako ndiyo nzokowako kwamon//ozo,akwateta wainaina ntsisiye ehe.'' ¹² Bamuusha Yesu kwamoahukuntsiicha upukwa biicha a kamochitaa n//oakoma a kamo ahama n//ama,hichaamo,''Hae tetaititii ihia hamakwata elahina? ¹³ Kaakwatita ono ''Mwalimu''a Bawa haki n//ozowitita humako,maana hiiyenee. ¹⁴ Kwene ono bawaehe a mwalimu,huntsihinaa upukwabeeina,huntsihinaana upukwabeeina,a itibii paswaiyititii huntsihichachana ubabiina upukwabii. ¹⁵ Kwa kuwa kwihinanaa mfano ili kwamba a itibii ititi ntsiiye isa ono kwata ntsiye itibichina. ¹⁶ Amini,Amini,hinata,pagazi akwaya n//utla'ehe kulikonama bawama,a bami hamakweya ntsuwiya n//utl'a kulikonama hina hamakweya pagaziehe. ¹⁷ Kwete tetaehe idiga hama,barikiwaiyataa kwete kitomaeta. ¹⁸ Akwata n//ozo itibichina wainaina,kwa kuwa tetaowininee bii habikwata n//icha -bali n//ozota habee ili kwamba idigabee ise gushikiya:Bami hamakweso seme mkatekwa hukwitikwamo tutusakoma.'' ¹⁹ Nilozowinata hako Yamasa kablana akwakwa n//uyu ili kwamba kweko n//uyu,itete aminiehe kuwa oneneehe ONO. ²⁰ ''Amini,amini,hinata,hamakweso tantsa kwa ono tantsanata hamakwata n//uwa,a hina hamakweso tantsakwa ono tantsanaya hina kweya ntsukwa ono.'' ²¹ Wakati Yesu kwamon//ozo habee,musamo nkoloko,shuhudiaeamo a n//ozochana,''Amini,amini,hinata kwamba uchamiina tapa nangwakwaya.'' ²² Wanafunzi bima kamicheenemanakweeehe,kamikukunya kwako nzokokoma akwaza kwayan//ozo. ²³ Bahaeamo n//aanasa mezako,uchameicha wanafunzibima paghaeya hon//jobitinama Yesu bami hamakwamo Yesu sl'aata. ²⁴ Simoni Petro yasiyamoo mwanafunzi hama a kamon//ozo,Heeobaa tumebamiya hamakweya n//ozo.'' ²⁵ Mwanafunzi jhamakwamo kemen//jehe ghantsaninama Yesu a kamoohema,''Bawa,akwazaha?'' ²⁶ Kisha Yesu kamojibuehe,''Baminina hama kwenee n//chuha kipandema mkate a kwemachana.''Hivyo kwamo n//chuha mkate,kamokwema Yuda akwetema simoni Iskariote. ²⁷ A baadama mkate,shetaniko kakwa!oomata.Kisha Yesu kamohema,''Hina hamakwatita sl'aata kitomachana ita elaha welana.'' ²⁸ Sasa ukuwa unu kwako mezako tetae nzokokoma Yesu n//ozochaniko idiga hama bami nina. ²⁹ Baadhiicha tetaowamii kwamba,kwako nzokoko Yuda chokwatamoo n//jupukoeta !okoshowebee,Yesu kamohema,''Tasee ihia hamakwaota sl'aata kwaajirikosa sikukuko,''Oo kwamba paswaiyetee hi!achana ihia kwapee sesebee. ³⁰ Baaadama Yuda pokeyaiyechana mkate hi!eyamo tongotina nena welaebee;a ntsifieheamo. ³¹ Wakatima Yuda kwamontsuay,Yesu kamon//ozo,''Atonena akwetema Adama tukuzwaiyamo a Haine tukuzwaiyamo n//aama bami. ³² Haine tukuzaitaya n//aama bami ichinanema a tukuzaitaya welana. ³³ Olanakwe quminakwe bahenee wainaina a kwata hina wayahudibii,kwenehaka,akwetee zaa!atonena etebee,pia. ³⁴ Kwihinata amriko zanako,kwamba sl'atikwamaeyeete;isakwata ono sl'aatina etebee,ishiino aetebee pia paswaiyetetetee slakayeete etebee ichinanaina. ³⁵ Kwako nzokoko hako emeda tetaoweya itibii wanafunzi tutukwa,ikila kwitii upendoneehe kwaya kila unu a iche.'' ³⁶ Simoni Petro hemamoo,Bawa hakatita tumiika?''Yesu kamojibuita,''Yamua hamakwenehaka yamasa akwetewezaehe apaakwachana,lakini apaakwatita baadaena.'' ³⁷ Petro kamohema,''Bawa,akunzokowako kweneakwe apaena yamasa?Ono hi!ata maishaishakwa kwa konzokokowena . ³⁸ Yesu kamojibuehe,''Je hi!atita maishaena kwaku nzokokokwa?Amini amini henata,igondoda akwesouhuu kabla akwa tan//akokwa mara samaka.''