¹ Tsifibii sita bii hupitana pasaka ,Yesu hakaamo Bethania,kwamo bami bahaehe Lazaro,hamakwamo hupita hi!echa misiyebiitina. ² Basi kamegobechiyema seme nllaghafene nanaa,a Martha koo kakwakitomama,bamuusha Lazaro uchameichamo nll'aanaicha habikwamii hama semenina gugiya a Yesu. ³ Kisha Mariamu koo kakwachiya rathi maa manukato namakweya elaiya neta nardo tsiehe,thamanine pakapaa,kakwa hakanema Yesu upukwabichina,a kakwa kakakaimaa upukwabii neta hatlebeesa;hentsako wainasa kakwa tsoko harufu manukatone. ⁴ Yuda Iskariote,uchumicha wanafunzi beema,bami hamakweso nllakoma Yesu,kamotlozo, ⁵ '' Aku nzookowako hama manukato isotasiya kweya dinari miabii samakabii a kwise kwimiya sesebee?'' ⁶ Abamii lawamo tlozo bee,akweya tsiheta huruma sesebee,bali kwako nzokoko hatsakeeamo:bamimaa chokwata nllupuko weta !okoshowebee a chiyaamo ihia hama kwamochikiya chikina kwako nzokokoma ichinanema. ⁷ Yesu kamotlozo,''Tajii ikocheka ihia hamakwako chokwaha kwako nzokokosa tsifiko t'lumiyaniko kwa. ⁸ Sesebee bahaeheteta a bee tsifibii wainaicha;lakini akwetee a ono tsifibii wainaicha.'' ⁹ Basi kaa pakapaa wayahudibiiche kami atetao kuwa Yesu baheya nanaa,a bii kamiza a akwe nzokokotinama Yesu tu,ila ise tsiya a Lazaro bami hamakwamo Yesu hupita hui!kwapee misiyebee. ¹⁰ A bi !ukuslabiicha makuhani bii kamielata shauriko ili ise nllowa Lazaro; ¹¹ maana kwako nzokokoma asubii nllaaicha Wayahudibii hakaamii a aminiitachana Yesu. ¹² A tysifiko piyeniko kaa pakapaa zaami kwako sikukuuko.Kwami nllae Yesu zaneya Yerusalemu, ¹³ chichaami awatabiisa mitende bii a kamia hi!ee tongotina kumlaki a ghwasetachana ng'wanoko,''Hosana!Barikiwa iyamo bami zanehe neta akanabeema Babie,Mfalme ma Israel.'' ¹⁴ Yesu !uyuwaamo akwetema -nati kamokaha;isa kwamee !eghaiya, ¹⁵ ''Takwe isli,tllakweko sayuni,chee,Mfalme na zaneya,kahamoo kweya natinakwete.'' ¹⁶ Wanafunzibeema akwamee elewaita idiga hama beena akakanena,lakini Yesu kwamo tukuzwaiya,ndipo kwameeslawi beenaeta idiga hama !eghaimiyamo bami a beenaeta kitomame idiga hama baminina. ¹⁷ Basi bami kaama emeda kwameebahaehu gugiya a bami Yesu kwamo bami kaama Lazaro hi!echa hutnll'utina kame mamaakwa kwapee ichebee. ¹⁸ A nzokowako hako n//ama kaama emeda hakaama kumlaki itachana kwako nzokoko n//aeyame elahamo ishara bami. ¹⁹ Mafarisayo bii kaminllokokozoe bibii ichinanaicha,''Chee,hamaisho akwitiigumuseana elahachana a ihia,chee,yamua hakamoo baminina.'' ²⁰ Sasa baadhinaicha Wayunanibii bahaeami n//aanaicha bii habikwamii hakaneehe abuduechana kwako sikukuuko. ²¹ Habii hakamataami Filipo,bami hamakwamo hi!ee Bethsaida ya Galilaya,kami!osha kamitlozo,Babie,obii slaatiota tsiyachana Yesu,'' ²² Filipo kamohaka kamohema Andrea;Andrea a Filipo kamihaka kamihema Yesu. ²³ Yesu kamojibuicha katlozo,''Yamasa gushi kakwa saakoma Akwetema Adamu tukuzwa iyachana. ²⁴ Amini,amini,hinata,chembe kuwiche nganobii kwisi akweisha kweya yamua isomisihe,hamaheya hali babamii ichinanema bali kweso misihe,amooweya semenakwe aso. ²⁵ Bami slaatehe hupachana lakahaya,bali bami bami kokolamae hupachana kweya yamua hama salimishaitaya a uzima milelene. ²⁶ Unu ghao hamweso kitomakwa ono,a iso apaakwa,a ono hamena kwenee bahaehe ndipo a mtumishikwa kwesobabaehe Uunu hamakweso kitomakwa,Babiye heshimu itaya. ²⁷ Hamiishoo nkolokwa tsukusunakwa a ono inatashinokwa tlozo?Babie ita hupitikwa yamasa?Lakini neta kusudiko hako gushikanaa hako saa. ²⁸ Babie itakukuza iyeta akanabeena.''Kisha nllughwa kamohie hi!echa mbinguni kamotlozo,''Tukuzaiyetanaa aono tukuzaiyetata nll'ama. ²⁹ Basi mkutano kamoika kupanama kamenllae kametlozo ishinokwa tsiiamo isa ngurumoko.Ichebee tlozowamee,malaikako tlozowakwa a bami.'' ³⁰ Yesu kamojibuehe a kamotlozo,'Nllughwa hama akwamozaa neta ajirikokwa,bali neta kwa ajili kuwina. ³¹ Yamasa hukumukoma yamua hama bahiyako sasa !uslama yamua hama nllaiyaya tongotina, ³² A ono kwenee hukwiya puhunama uamua,chiinata wainaina aninina.'' ³³ Tlozoamo habee kweso nllatlacha aku misiheya kweso misihe. ³⁴ Mkutano kamojibuita,''Obii bllaeaa kwako sheriako ishinokwa Kristo dumueheya hata milelena.A tee tashinokwatikwi tlozo,Akwetema Adamu lazima iso hukwiya puhuna?Hama akwetema unu akwizaha?'' ³⁵ Basi Yesu kamoheta,''Betlea baheya a etebee kweya muda ghumii Hakate madamu chokwaetetee betlea,ili iso akwe tintsia iso akwegumusina.Ba,i hamakweso heka tintsinina akwaya tetaeehe kweso bami haka. ³⁶ Mngali chokwahetetee betlea,aminiitate betlea bami ili itete akweemache betl'ea.'' Yesu tlozowamo habee a kisha kamohaka kamobicha ise akwetsiya. ³⁷ Ika akwamo Yesu fanyaita ishara aso namna bami mbele naeta,hupeya akwame amiinita ³⁸ ili ise timiyaehe idigama nabii isaya,hamakwamo tlozo:''Babie,akwizamaa sadikiita habari yaa?A ukwakoma Babie akwizameto funuliwaiya?'' ³⁹ Bobowako nzokoko bee akwame aminiehe,maana isaya tlozowamo nllama, ⁴⁰ ''Hanllapiiyatamo ukwabee,a haghaiyetamo nkoloweta;iseakwe chee neta akwabeeta a kwisetetao neta nkolokoweta,a kwise ongokaehe a ono kanikwikonlloweta.'' ⁴¹ Isaya tlozowamo habee idiga habee idiga kwa kuwa tsiyamo utukufuma Yesu a kamonenaehe baharikoma. ⁴² Walakini ,a !ukuslabii asobii aminiitamii Yes,lakini kwako nzokokowicha Mafarisayobii,akwami gogomba ili isiakwe !tsimbuiya a sinagogi ko. ⁴³ Walipenda sifa za wanadamu kuliko sifa zitokazo kwa Mungu. ⁴⁴ Yesu kamo uha //iingwa a tlodzochana,''Bami hamakweso humaikwa ono akweso humaikwa oono bali a bami hamakwe ya tsuwa ono, ⁴⁵ Abami kweso tsiwa ono tsiyeya bami hamakweya nzukwa. ⁴⁶ Ono zanaa isa ben//ea yamua hahama kweso humaikwa ono iso akwe hama titsianina. ⁴⁷ Unu hahamakweso //aeta idigabekwa iso akweheta ono akwenee tlekeya ihe;kwako nzokoko akwanazaa ina hukumuita yamua,bali inahupita yamua. ⁴⁸ Bami hamakweso //akokwa ono a bami akwe gogombaete idiga bekwaa: bami hukumuitee,idiga hamakwata tlodzo bamimeto idiga iso hukumuita tsifiko shishighaniko. ⁴⁹ Nzokoko ono a kwana tlodzo neta asachikokwa.Bali Babiemeto hamakweya hakakwa,babami ichinanema tsukwamo habekwenee tlodzo a habekweenee hina. ⁵⁰ A ono tetaence ishinokwa tsutsukwama kon//oheneya milelence:Otanena bee habekwe nee hina ono-isa babie kweya hekwa,iishinokwata tlodzo biitina.''