¹ Basi unu uchame akanabeema Lazaro bokeeamo.Hi!eamo Bethania,kijijisa Mariamuko a atintsikosa Martha. ² Bobokowako Mariamuko bobokoo hako kwakwa watana Bwana Marhamu a tsosaemachana upukwabeema nena hatchebesa,ambaye ukwatema Lazaro bokeeamo. ³ Ndipo bahee tlakwe kametsuwa ujumbe kweya Yesu a kemetlozoo,''Bwana,cheenee bami hamakwatita slaata bokeeya.'' ⁴ Yesu kwamonllae kamonnlozo,''Hama bulule akweya misiheneecha,lakni,badalama kwako nzokokoma utukufuma Haine ili kwamba Akwetema Haine isochiya tukuzwaiya kweya hama burure.'' ⁵ Yesu slaatitaamo Martha ko a atintsikoma Lazaro. ⁶ Kwamo nllae kuwa Lazaro bokeeya,Yesu hamamo tsifiibii piyiibii paana mahali kwamo hama. ⁷ Bebeenaeta baadanasa hako hetamo wanafunzibeema,''Mahate Uyahudina nllama.'' ⁸ Wanafunzibee kamehema,''Rabii,wayahudibii letowamii !upuenachana ha!abee a tee slaatita tetsechana nllama?'' ⁹ Yesu kamoheta,''Saako ishoniko akwakoo ikomi a piyibii?Unu kweso itchikwa ishona akweso tunlluhe kwako nzokoko cheeya nena benlleama isho. ¹⁰ Atata ishinokwa,kweso itchikwa tsifa,tunlluheya kwako nzokoko benllea hukuwaama chikinama.'' ¹¹ Yesu kamotlozo ihia hama,a baadama hama ihia,kamoheta,''Ubaina Lazaro aseyamo,lakini hakata ili kwamba inahu kwita hi!echa !kwibiichina.'' ¹² Ndipo wanafunzibee kamihema,''Bwana,kweso hani ase hukwaaya. ¹³ Wakati hama Yesu alikuwa tlozoamo habariko misihenikoma Lazaro,lakini bee kameiya tlozeya puhunama asecha !kwibii. ¹⁴ Ndipo Yesu kamotlozo a bee eleana,''Lazaro misiamo. ¹⁵ Batlaenee kwako nzokokowina,kwamba akuenaa nanaa ili kwamba itete aminiehe.Mahate baminina'' ¹⁶ Basi Tomaso hamakweya kaamiya pacha,hetamoo wanafunzibeema,A onibii mahate ibamisihe pana a Yesu.'' ¹⁷ Wakati Yesu kwamoozaa,gosanganamoo kwamba Lazaro kenenamo hunllutina tsifibii bunibii. ¹⁸ A Bethania bahaeamo kupana a Yerusalemu isa kilomita arobaini a botano ishinokwa. ¹⁹ Asobii nllaanaicha wayahudibii kamizaa kwako Martha a Mariamuko farijiicha na kwako nzokokosa ukwatikoweta. ²⁰ Ndipo Marthako kakwa nllae kuwa Yesu zaneya,hakakwa gogosangecha a bami,lakini Mariamu endeleaekwa hamachana hetsana. ²¹ Ndipo Martha kakwahema Yesu,''Bwana,kwatikwi bahaehe hamena mitsikwa akwakwiso misihe. ²² A hamishoo,tetaineko hako kwetee !osho hi!echa Hainenina kwehenaya.'' ²³ Yesu kamohesa,mitsii konlloheya nllama.'' ²⁴ Marthako kakwahema tetaineko kwamba hupaya nllaanasa ufufuoko tsifikosa mwishoniko.'' ²⁵ Yesu kamohesa,''Onoo ufufuonee a uzima,bami aminiiitikwehe,ikaakweso misihe,a bebeena hamaya; ²⁶ A bamii hamehe a aminie tikwachana ono akwesomisihe.Aminietee hako?'' ²⁷ Kamohema,''Ndiyo,Bwana amiiniineko kwamba tee kristotee,Akwatema Haine,bami zanehe kweya ulimwengu.'' ²⁸ Kwamobahe tlozochana habee kamo hakaa a kamokaasa atintsikosa Mariamuko faraghani.Kamotlozo,''Mwalimu baheya hamena a kaaneya. ²⁹ Mariamuko kwakwa nllae habee,kakwa hukwa neta welaebee a hakachana kweya Yesu. ³⁰ Ayesu akwaamozaa hupeya chikinama kijiji,bali hupeeamo mahali kwamegogosangee a Marthako. ³¹ Ndipo wayahudibii bahaeamii a Mariamuko kwako hetsako a bee habekwame farijiitita ,kwame tsita kwakwa hukwa neta welaebee a hi!echana tongotina kameapaata,gufikiriyameee kuwa hakako hun//tina ili iko uhu beena. ³² Ndipo mariamuko kwakwagushika beena Yesu kwakwa tsifa a,kakwaisha tchehena icha upukwabiima a kwakwahema,''Bwana kwatikwibahaehe hamena,ukwatikokwa akotiimisihe.'' ³³ Yesu kwamotsita uhuyako a Wayahudibii kamizaa paana a boko a bii iihieamii pia,ombolezaeamo kwako nkoloko a fadhaikaechana; ³⁴ Kamotlozo,''Asititatea tumika?kamihema,Bwana,Bichoo itachee.'' ³⁵ Yesu kamouhu. ³⁶ Ndipo wayahudibii kamitlozo,''Cheee kwakwa sl'aata Lazaro!'' ³⁷ Lakini ichibii nllaanaicha kamitlozo,''Akwaya bamiehe unu hamakwamo nllaeta akwabeema hamakwamo ha!a pikwache,akwamo gumuseana tsiiyachana bami unu iso akwe misihee?'' ³⁸ Ndipo Yesu,kwamotsukusuna nkolotonama nllama,hakaamo hunllutina.Sasa isawaeamo,a hanllako chikiyakwa puhunama. ³⁹ Yesu kamotlozo,Tsuatatee hanllako.''Martha,atititsikoma Lazaro,boko hakokwakwa misihe,Kamohema Yesu,''Bwana,kweya hama muda,manabee putuuame,kwako tsokoko tsiiame isa misiyebee kwapii tsigibii bunibii. '' ⁴⁰ Yesu kamohema,''Ono akwanahena ishinokwa isa kwetee aminiehe,tsiyatita utukufuma Haine?'' ⁴¹ Kwahiyo kamitsuata ha!ako.Yesu kamohukwa iyeta akwabeema puhuna kamotlozo,''Babiye,nubeeya kwatita enllekekekwa. ⁴² Tetaona nllaekwaootita kekemee,Lakini nzokokwakosa nllaama hakokwako ika ma!ikwachana kwamba tlozanaa habee,ili kwamba ise aminiehe kuwa tetee tsukwataa.'' ⁴³ Baadama tlozochana habee,uhuwamo nena nllugwa pakapaa,''Lazaro hi!ee tongotina!'' ⁴⁴ Misiye hi!eyamo inlliyeya ukwabee upukwabii neta sandako nllumishukwanebee,a akwabeema slubiyepee a kitambaa.''Yesu kamoheta''Nllaghanate itetetaya isohaka.'' ⁴⁵ Ndipo wayahudibii asobii kamizaa kwako Mariamuko a tsiyachana Yesu kwamokitoma ,kamiaminiita; ⁴⁶ Lakini angaibii icha kamihaka kweya Mafarisayo a kamiiahicha mambo hama kwa mo kitoma Yesu. ⁴⁷ Ndipo !ukuslabii makuhanbii a mafarisayobii kami!ukwahee wainaicha kwako barazako a tlozochana,''Akuwa kwebee kitoma?Unu hama kitomaya isgara aso. ⁴⁸ Kwehee taya ichinanema ishinokwa,wainaeta aminiitapee,Warumibii zapii chetapii wainaeta mahaliyona a taifakoona.'' ⁴⁹ A bebeenaeta,unu uchame nllaanaona,kayafa,hamakwamoo kuhaniehe Pakapaa bami ng'aka kamoohicha,''Akwatitatetaeehe ihia kabisa. ⁵⁰ Akwatetatetao kwamba faeya kwako nzokokowina kwamba unu uchame paswayeya misichana kwako nzokokoma emeda kuliko taifako wainasa nllatechana.'' ⁵¹ Habee tlozochana kwako nzokokoma bami ichinanema,badalama,kwako nzokoka kuhani eamo pakapaa bamuusha,asepowamo ishinokwa Yesu musiheya kwako kwako nzokokosa taifako; ⁵² Akwe taifako ichinanesa,bali Yesu iso chiya babami !ukwaetachana akwebeema Haine bee habekwapee tsatsahe sehemu ichane yamua. ⁵³ Kwahiyo kutula boko tsifi a endeleyaechana kami pangaehe namna nllowachaniko Yesu. ⁵⁴ Yesu akwamoo itchikwa waziwazii nllaanaicha Wayahudibii,bali tsuyamo beena a hakachana yamua kupane a wooko nllaanama yamua kaamiye Efraimu.Beena hamamoo a wanafunzibee. ⁵⁵ Basi Pasaka wayahudiiche kupaneeamo,a uasobee kamekaha hakachana Yerusalemu tongotinama mji kablamaa Pasaka ili ise hutsiya ichiinanaeta. ⁵⁶ Kwakaaeame Yesu,a tlozocha a unu iki chame kwame ikikeche hekalutina,''Akwiaha kwateta goseka?Kwamba akwesozaa kwako sikukuuko?'' ⁵⁷ Wakati hama nllukuslaabiima makuhanibii Mafarisayobii hi!etaamii amriko kwamba kila unu tetaoweya Yesu kweya,paswaiye ya hi!etachana taarifako ili kwamba ise chiya.