¹ Amini,Amini hinata,hina hamakwesoakwe!noo kwa ll'tleehechana tlakwako wa zizi ko pukupukubitiko,lakini kahaya nena yekeko ichiko,unu bami hatsakeya a tutushukwa. ² Bami !noe tlakwatina ni mchungajiya yeta pukupukube'e. ³ Baaminina mlizni sa tlakwako ll'aimaheya pukupukube'e kwese/'aema //'uk'wa ma a soka'aeta pukupuku bema nena akanabe'eta a sohi!neta togoko. ⁴ Kweso!neta togoko be'e habekwape'e bamine'e,gumiyaetaya,a pukupukube'e ise ataba'ana,kwako nsokoko tetaomepe'e ll'uk'wama. ⁵ Akwese atabaana huhuyiti lakini badala ma mak'i mapee,kwako nsokoko akwapetetaomee ll'uk'wama huhuyiti.'' ⁶ Yesu thodzowamo mfano bami biitina,lakini akwamedelewae yamua hama ambayo hamakwamo thodzo bi'itina. ⁷ Yesu kamothodzo a be'e ll'ama,''Amini,amini,hinata,ono tlakwane'eta pukupukube'e. ⁸ Wainaeta habekwape'e hatsakepe'e a turushukwape'e.Lakini pukupukube'e akwame'ell'ekekeyeta. ⁹ Ono tlakwane'e.Yeyote kweso!no'o tlakwae uninina,okolewaiyaya;!nooweya chikina a sohi!ne a bami jipatiaeheya malisho. ¹⁰ Hatsake akwesodza isipokuwa tsakecha ll'owacha a angamizaitacha.Dzanaa ili kwamba ise!uyuwa amayegae a se'chokwahaehe tele. ¹¹ Ono ll'oll'ohone tsie.ll'oll'oho tsie hi!naheya amayega ema kwako nsokoko weta puhupukube'e. ¹² Mtumishi hamakwamo ajiriwaiya,a akweya ll'oll'ohoe,ambaye pukupukube'e akweya mali emae,l'ichaeya ll'anobii slaanibii kwisidza a tahetaya a sochiyeta pukupukube'e. ¹³ A ll'a'ana sla'ane chetaya a sotsatsaheta.chiyeya kwa nsokoko ni mtumishi ajiriwaiye a akwesojaliiyeta pukupukube'e. ¹⁴ Ono llo'll'ohine tsie'a tsie'a liyetene'e be'e onenebe,a be'e habekwape onene'e tetaokwepe'e ono. ¹⁵ Bawa tetaokweya,aono tetaomene'e Bawa,aono hi!nata amayegaekwa kwako nsokoko weta pukupukube'e. ¹⁶ Chokwahetene'e pukupukube'e asobe'e ambao akwape'e zizite'e hako.Be'e pia,pasaiyene'e inadzaneta,abe'e /'aemapee ll'ukwa kwa ili kwamba isobahaehe luthohe ichame all'oll'oho ichame. ¹⁷ Hako ndio nsokowako bawa kweyaslaatikwa inahi!na amayegaekwa halafu inachiya ll'ama. ¹⁸ Ukuwa chiye hi!necha uninina,lakini ono hi!nata ichinanekwa.Chokwahene'e mamlaka chiyachana pia.Tatsatana'a agizoko hako hi!necha kweya bawa.'' ¹⁹ Hall'aka'a ll'ama kamo!uyu kati naicha Wayahudibii kwako nsokoko weta idigabe'e haba. ²⁰ Asa be'eta kamethodzo,''Chokwaeteya halungube'e a slalakama.Akwianinateta ell'ekekema?'' ²¹ Asobe kamethodzo,''Habe akwape'e idigaehe mae unu hamakweyatleka a halungubee.Halungube'e gumuseanepe chaetuchana akwabe'e ma ha!apikwa?'' ²² Ndipo kotadza sikukuko cheketachana wakfu Yerusalemu. ²³ Ulikuwa wakati cha tsuchibii,o Yesu alikuwa itlikwamo hekalutina kweya ukumbi ma Selemani. ²⁴ Ndipo Wayahudi kwamima!iya a kamihema,''Mpaka tumuusha chekobatita kweya mashaka?Isa te kwete Kristoehe,heya'a eleana. ²⁵ Yesu kamojibue,''Bahena'a hinachana lakini akwitiaminie.Molemodako kwata elasukwa nena akanabema bawa kwa,be'e shuhudi waiyepe'e puhu nakwa. ²⁶ Hata hishinokwa akweteaminie kwako nsokoko etebe'e akwateta pukupuku ekwae. ²⁷ Pukupukube kwa isell'aema isell'aema ll'uk'wakwa;Tetaowetene,abee ataba'akwapee ono. ²⁸ Kwihinanaa amayegae milele;akwese angamiyae kamwe ,a ukuwa a ichame hamakwesok'esina hi!necha ukwabichi na ma. ²⁹ Bawa kwa,hamakweyakwekwa be'e,ni !usla kuliko ichebe'e wainaeta,a ukuwa a ichameko hamakwaya ukue ulube'e ke'setachanebe'e hi!necha ukwabichi namo bawa. ³⁰ Ono a bawa tu ichame.'' ³¹ Kametlueta ha!nabe'e ili ise!epua ll'ama. ³² Yesu kamoheta,'//atlahinana'a molemodako asoko tsiiko hi!necha kwaya bawa.Kwape molemodabe'e tumebe'e katinaeta be'e slaatiyeteta itete!upuukwa ha!nebee?'' ³³ Wayahudi kamijibuuita,''Akwaota !upuena ha!nabee kwako molemodako wainasa boko tsiiko,lakini kwaya kufurue,kwako nsokoko te,hamakwaita unue,hiihetita isa Haine''. ³⁴ Yesu kamohicha,akwakwa!nekahiya nena sheriako wina ''Etebe halungutete''?'' ³⁵ Ikiwa kaainamo halungutete,kwapee nabee ambao idigabe ma Haine liliwajilia (a maandikobii akwapekotoleane'e polhuwachana), ³⁶ Thodzoweteta puhunama hina ambaye Bawa hi!namo a kamo/'uwa kweya yamua,''Kufuruetuta;kwako nzokoko yhodzona'a,Ono akwetene'ema Haine'? ³⁷ Ikiwa akwata elasukwa molemodako ma bawa kwa,taakweta aminiitikwa, ³⁸ Hata hishinokwa kwene elasukwae'e,a kwetee akweaminiitikwa,aminiititate molemodako ili kwamba itetegumuseaona tetaochana tsaheanachana kwa bawa babeya chikinakwa ono bahenee chikinama bawa.'' ³⁹ Kamileto //'ama chiyachana Yesu,lakini kamohaka zake hi!necha ukwabichinahicha. ⁴⁰ Yesu kamohako zake //'ama Yordani sehemu hamakwamo Yohana kwamo batizae akakanena,a kamohama be'ena. ⁴¹ Emeda aso kamedza kwa Yesu.Kamiendeleyae thodzochana,''Yohana humako akwamo elasu kwa isharako yoyote,lakini yamua wainama hamakwamothodzo Yohana puhunama bami unu humatepee.'' ⁴² Emeda aso kamoaminiita Yesu be'e.