¹ Bamuusha isa Yesu kwamo a nlletchehe ntsiyaaamo unu ha!apiikwa tangu chikiyama. ² Wanafunzibeema kameyasana,''Rabii akwazamoto kitoma dhambi,unu hama oo asumebeema,a iso chikiya ha!apikwaha?'' ³ Yesu kamojibuicha,''Akwaya bamiehe hama unu a akwe asumebeema kwapee kitoma dhambi,bali melemodako Haine ise puhuhiya hi!echa baminina. ⁴ Tupaswaiyebebee kitomachana melemodakoma bami hemakweya tsuwa bamuusha hupeya ishona.Tsifi zaneya bamuusha ukuwa hamakweso gumuuseana kitomachana melemodako. ⁵ Bamuusha bahenee ulimwenguni,ano benlleanema ulimwenguni.'' ⁶ Bamuusha Yesu tlozochana habee idiga,patsiyamo kwapee yamuabee,elaetamo to!oghokoko neta mut'slabii,a kamowatana bami unu ukwabitina a boko to! oghoko. ⁷ Kamohema hakaa itanllo kweya gelambazi ma Siloam(Bami hamakweya tafsiriiya isa hamakweya tsuwiya).''Bebeena bami unu kamohaka,kamonllutii,a kamotentsehe ,cheeya. ⁸ Majirani beema bami unu a bee habekwapee tsiya aanena isa !o!osho tlozowamee,Je!hama kae bamiya unu hamakwaeto a hamahe a !oshocha na?''ichebee tlozowame,''Bamiya,.'' ⁹ Aichebe tlozowame,''Hae,ngumiiya a bami lakini tlozohete,''Onene.'' ¹⁰ Kamehama,''Ika akwabeena tashinokwapee nllaiya?'' ¹¹ Kamojibuehe,unu kaamiye Yesu elaetamo to!oghobea katowatakwa akwabee kwa a katohekwa,Hakaa Siloam itanlluti.'Kwa hiyo katahaka,a katanlluti,a kata!uyuwa cheechana nllama.'' ¹² Kamehema,''Tumiikaya?''Kamojibu ehe,''Akwatatetao.'' ¹³ Kamehakana bami unu kwamo a ha!apikwaehe kwapii Mafarisayo bii. ¹⁴ A boko tsifi sabatotiyako bamuusha Yesu kwamoelata to!oghoko a nll'aemachana akwabeema. ¹⁵ Beena nll'ama Mafarisayo bii kamiyasana tashinokweya chee.Kamohicha,''Cheketamo to!oghoko kwapee akwabeekwa,katanll'uti a hamaisho gumuseananaa cheechana.'' ¹⁶ Angaibiicha Mafarisayo bii kamitlozo,''Unu hama akwamohi!e kweya Haine kwako nzokoko akwaya chiteche Sabato koo,'' Ichibii kami tlozo,''Tashinokweya unu chokwahe dhambi elatachana ntsukwateko isa hako?''Beenaeta kamobahaehe hanll'akaacha nll'aanaicha. ¹⁷ Beena kamiyasana bami ha!apiikwa nll'ama,''Akwia kwatita tlozo puhunama kwako nzokoko nll'aetamo akwabeena?''Ha!apikwa kamotlozo,''Nabiiya.'' ¹⁸ A bamuusha Wayahudi bii akwamiiaminiita kwamba ha!apikwaha a bami tsiyamo cheecha akwani kaaeta asumebeema bami hama kweya chiya cheecha. ¹⁹ Kamiyaseta asumebee,Je hama pakwetiyayina hama kwateta hema chikiyamo ha!apikwaha?tashinokweya gumuseana cheechana?'' ²⁰ Beena asumebema kamejibuehe,''Tetaeopee hama waaya a chikiyamo ha!apikwa. ²¹ Tashinokweya yamasa chee,akwaotetao,a hama kweya puhema akwabeema,akwaotatetaoma.Yasanasi bami.Unu zuaha.Tetaeya tlozochana ichinaneema.'' ²² Asumebeema kametlozom hama idiga,kwako nzokoko islichame Wayahudibii.Kenena mi wayahudibii gogombee ishinokwa,kweso unu nllukunlluku ishinokwa Yesu Kristo waa, !intsimbuiyaya asinagogi a sinagogi koo. ²³ Kwako nzokoko hako,asumebeema tlozowame,''Unu zuaha,yasanasi bami.'' ²⁴ Kwa hiyo kweya mara ya pili,kamikaama bami unu hama kwamo ha!apikwaehe a kamihema,''kwema Haine utukufu.Tetaeopii ishinokwa unu bami chokwaheya dhambi.'' ²⁵ Beena bami unu kamojibuche,''Iso dhambi neehe,ano akwata tetao.Ihia uchame hamakwata tetaoma:ha!apikwaenaa,a hamaisho cheenee.'' ²⁶ Beena kamihema,''Akwiaha kweya elahea?Tashinokweya n//'aeta akwabeena?'' ²⁷ Kamojibu ehe,''Kenenata hina,a itibii akwa tita enllekekekwa!akwia kwatita n//a'ema n//'ama?A itibii akwatita sl'aati ititi wanafunzi ema oma? ²⁸ Kamimilasa a kamitlozo,tee mwanafuzni teema,lakini obii wanafunzi biima Musa. ²⁹ Tetaeopii ishinokwa Haine tlozowamo a Musa,lakini kweya hama unu,akwaota tetaeehe kweya bami hi!ee.'' ³⁰ Bami unu kamojibuehe a kamohicha,''Aku nzokowako hako idiga kwako kukunyina,ishinokwa akwatita tetaeehe kwa bami hi!e,a hupeya n//aekwamo akwabekwa. ³¹ Tetaeopii Haine akweya n//'aeteehe bee dhambi nebee,lakini uunu hamakweso n//'ukunllukuma Haine a kitomaya mapenzima,Haine nll'aemaheya. ³² Kekenena kwamokutula ulimwengu akwamo wahiehe nllaechana ishinokwa unu nllaemamo akwabee unu hamakweya chikiya ha!apikwaha. ³³ Kweso unu hama akwe hi!ee kweya Haine,akwakwiso kitoma ihia ichi.'' ³⁴ Jibueami a kamihema,''Chikiyataa kweya dhambi humako,atee chechekanoiyobatita obiiNdipo kamikesana hi!echana kwako sinagogiko. ³⁵ Yesu n//'aeyamo kwamba ntsuanami kwako sinagogiko.Chiyamo a kamoahema,''Aminitetee akwetema unu?'' ³⁶ Kamojibuehe kamonll'ozo,''Akwazaha,Babiye,ulu a ono ina aminiita?'' ³⁷ Yesu kamoohema,''Tsiyataa ama,bami hama kwatita tlodzo a bami bamiya.'' ³⁸ Bami unu kamotlozo,''Babiye,Aminienee.''Ndipo kanllukunll'ukuma. ³⁹ Yesu kamotlozo,''Kwako hukumuko zanaa kweya ulimwenguni hama ili ishinokwa bee habee kwape akwe chee ise chiya cheecha a bee habe kwape akwe chee ise chiya cheecha a bee habekwapee chee ise chiya cheecha a bee habekwapee chee ise ha!apikwa?'' ⁴⁰ Baadhi ya Mafarisayo waliokuwa pamoja naye wakasikia maneno hayo na kumwuliza, "Na sisi pia ni vipofu?"