¹ ''Takwe ruhusuitita nkolokowena iko hama kweya kokoya.Aminiitetee Haine aminiitiko a ono. ² Kwako hetsakoma Babiekwa baheya hamacha aso hamachane;kwa kwiso akwe ishinokwaehe,kenenanikwi hena,hamisho hakanenee gobichita chana mahali kwako nzokokowena. ³ Kwene hani haka a gobichihinachana mahali,zata //'ama karibishainachana oninina,ili mahali kwata bahaehe a etebee itetebahaehe. ⁴ Tetaosetetee yekeko mahali hamakwata haka.'' ⁵ Tomaso hemamo Yesu,''Bwana,akwaotatetaeeehe mahali hamakwetee haka;Je!Tashinokwaota iya gumuseana tetaosachana yekeko? ⁶ Yesu kamohena,''Ono baminee yekeko,humako,a uzima ukuwa gumuseane zachana kweya Babie isipokuwa n//etehehe oninina. ⁷ Kwatitikwi tetaokwa ono,tsiitikwi tetaomachana Babiekwa //'ama;kutula hamisho a endelea echana tetaomakwitikwi a kenenateta tsiya bami.'' ⁸ Philipo hichamo Yesu,''Bwana //atchaya Babie,ishinokwa tsiiheya hotsamo.'' ⁹ Yesu kamohicha,''Akwana bahaehe pana a itibii kweya muda tase,a hupetetee tetaokwachana ono,Philipo?Hahamakweya tsikwa ono tsiyamo Babie;Aku jisiya kwatita tlodzo,//atchaeyaa Babie'? ¹⁰ Akwatita aminiehe ishinokwa ono chikinamata Babie.a Babie chikinakwaya?Idigabee habekwate tlodzo itibichina akwata tlodzo neta kusudikokwa ichinane kwa;badalama,babieya hamehe chikinakwa kitomehe meleodakoma. ¹¹ Amiiniitiko ono,ishinokwa bahenee chikinama Babie,A Babie baheya chikinokwa;kadhalika aminiitiko ono kwako nzokoksa melemodakokwa hasa. ¹² Amini,amini hinata,bami hamakweso aminiitikwa,ono melemodako hako kwata elata,kitomaya melemodabee habe //'ama;a kitomaya a bee melemodabee pakapaabee kwako nzokoko hakanee kweya Babie. ¹³ Lihia hama kwetee !osho kwapee akanabekwa,elasukwata ili ishinokwa Babie isogumuseana tukuzwaiyachana kweya Akwete. ¹⁴ Kwete !osho ihia chochote kwape akanabekwa boko elatata. ¹⁵ Kwete slaatikwa,chetateta amribekwa. ¹⁶ A !shota Babie,A bami kwihinaya ishiine iche ili ishinokwa iso gumuseana bahaechana a etebee pana milele, ¹⁷ Nkoloko humatiko.Ulimwengu akweso gumuseana tatsanachana bami kwako nzokoko akwateta tsiya,oo tetaomachana bami,gata ishinokwa etebee,tetaometetee bami,kwani hameya pana a etebee a chikinainaya. ¹⁸ Akwenetaina ichinaina;Tetseheta itibitina. ¹⁹ Kweya muda kitambo,ulimwengu akweso tsikwa //ama,lakini etebe tsikwateta.Kwako nzokoko hameenee,aetebee hamateta //'ama. ²⁰ Kwako boko tsifi tetaoweteta ishinokwa ono bahenee chikinama Babie,a ishinokwa etebee bahetetee chikinakwa,a ishinokwa ono bahene chikinaina. ²¹ Hahamakweso cheta amribekwa a elasukwachana,bamiya uchame bami slaatikwehe ono;a bami slaatikwehe ono slaamiyaya a Babiekwa,a slaatata a //'azaiyata ono ichinanekwa baminina.'' ²² Yuda (akweya Iskariote ehe)kamohema Yesu,''Bwana,Je Akwiaha kweso hi!ee ishinokwa //atchaiyatita ichinanaena obitina a akwe kweya ulimwengu? ²³ Yesu kamojibuehe kamohema,''Hahamakweso slaati kwehe,chetaya idigakokwa.Babiekwa slaataya,a zaota baaminina a elasukwaota makao ya pana a bami. ²⁴ Hamakweso akwe slaatikwa ono,akweso cheta idigabekwa.Idiga hamakwateta //'aema akwapee oneneehe bali Babienepee hamakweya tsukwa. ²⁵ Tlodzonaa idige hama itibitina,wakati hupeee hamenee//'aanaina. ²⁶ Hata ishinokwa,MfarijimNkokoko mtakatifuko,boko Babie tsutaya neta akanabekwa,fundishainako mambo wainama a elainako itete eslawi wainama hamakwata tlodzo itibitina. ²⁷ Amani kwihinate amanikwa etebee.Akwene kwihi na hama isa ulimwengu kweya ahin//ahe.Takwetee elaeta nkolobiina chokwahachana kokoya,a islicha. ²⁸ //'aetea kwata hina,'Hakata,a tetseheta itibitina kwatikwi slaatikwa ono,chokwahatikwi batlahe kwako nzokoko hakanenee kweya Babie,kwa kuwa Babie !uslaha kuliko ono. ²⁹ Hamisho kenenata hina kablana akwamo hi!ee ili ishinokwa,wakati kweso hi!ee,itete aminiehe. ³⁰ Akwene tlodzo a etebee idiga aso,kwa kuwa !usla ma yamua hama zaneya.Bami ukuwama ulu puhunakwa, ³¹ Lakini ili ishinokwa ulimwengu iso chiya tetaocha ishinokwa slaataenee Babie,elahata bami Babie tsukwehe ono,isa kweya a kwekwehe amriko.Hukwate,a iba hi!ee mahali hama.