¹ Hishinokwa itete emeda ataba'anachane Haine ,isa olanakwema sla'atebee. ² Teteitlhekwa kweya bathehe,a isa Kristo kweya slaona onebe'e,hin!eyamo ichinanema kwako nzokoko ona.Bami bamieamo sadaka a dhabihu,kuwa tsaibite tsie'ebe bathahachanebe'e Haine. ³ Buk'utue au tc'umu wawaina a nkoloko tasiko thikiko lazima isiakwekaamiya illa'a naina,isa kwapeslaamiya be'e ominiebe'e, ⁴ A kweofami isoakweka'amiya,thodzo!auene,a mizaho minyalane,bami akwe golangasiye,badala ma sobahae nube'e. ⁵ Chokwahaeteta uhakika kwamba baheya bukutue,tcumu,aakwe tasitite nkolo,bami llukullukuwasa sanamuko,ukuwama urithi wainama kweya yfalme ma Kristo a Haine. ⁶ Unu wainaeta iso akwelamsina kwape idiga k'aabee,kwako nzukokoma yamua hama ofacha ma Haine dzaneya puhuna eta olabe'e habekwape'e akweehe. ⁷ Hishinokwa ta'akweshirikie gugiyana a be'e. ⁸ Kwa kuwa etebee akaka'anena bahaehetea titsiananina,lakini hamaishoo pethehetete kweya Bwana.Hishimokwa ithlhakwaa isa olanakwe pethehe. ⁹ Kwakuwa semenakwe ma betlhea gugitami tsiyee wainama,haki a humako. ¹⁰ Kwaoo'o hina jamakweya balhahe a Haine. ¹¹ So akwebahae ushiriki kwako melemodako tistianiko aakwe semenekwainiko, badala ma chikichii eleana. ¹² Kwa nzokoko yamua elahiye a nabe'e bihana minyala pa'ana a thodzochana. ¹³ Yamua wainama,kwesochiya a betlhea hamaheya eleana, ¹⁴ Kwa kuwa kila gashengo hamakweya!uyu uwiya bahaeheya benlheanina.Hishinokwa thodzoweya hishima,''Hukwa'a,te hamakwatita ase,a hukwa'a puhunaena.'' ¹⁵ Hishinokwa itete che'e jinsi kweteithhekwa akwe isa emeda akwe tetae bali isa tetae. ¹⁶ Ishianate muda kwa kuwa tsifipii thikipii. ¹⁷ Taakwete !auehe,badala ma tetaote, akuwia mapenzi ma Bwana. ¹⁸ Ta'a kwete k'ewe nena mvingo,a'anenaya kweya thekaula,badala ma /'osiyateta a nkoloko nubiko. ¹⁹ Thokodzote a kila ichame ina nena Zaburiko,a sifa,a hakatobe nkolotebe'e Tha'ate a difuete kwako nkoloko kweya Bwana. ²⁰ Daima hiine'e shukurani kweya gashenga wainama kwape'e akana bema Kristo Yesu Bawa ona kweya Haine Bawa. ²¹ Hin!imuigate ichinaneina kila ichame kweya iche kwa heshima ma Kristo. ²² Akwitito,hin!ete kwapi slimibiina, isa kwaya Bwana. ²³ Kwako nzokoko sleme thomako sa akwitiko isa Kristo kweya thomae sae hetsakoma .Haine,l'ishimawayeta manabe'e. ²⁴ Lakini isa hetsakoma Haine kwakwa tlheheno ma Kristo,hihishinokwa akwitibe lazima isehiihe hishinokwa kwapi slimibiyeta kweya kila ihia. ²⁵ Slimicho sliaetasi misikamibi ina isa Kristo kwamosla'atita hetsako ma Haine a kamohini!iya ichinanema kwako nzokoko ma. ²⁶ Hiheyamo hishinokwa ili iko nubie.Hutsatamo nena hutsatacha nena atibii kwako idigako. ²⁷ Hiiheyamo hishina ili kwamba isogumseana wasilishaena ichinanema hetsako Haine nubiko,ukusa a doa wala waa au ihia k'umie a habee,badala ma nubeya ukumaa a theke'ee. ²⁸ Kwako yekeko boboko,slimibii isi sla'aeta okomibii cha isa manabiicha.Hina sla'atite okokomma slaslaiyeyo ichinane ma. ²⁹ Ukuwa a ichame akwesla'aete manabema.Badala ma rutubishaeya a sla'aetacha,isa Kristo kwamo sla'atita hetsakoma Haine. ³⁰ Kwa kuwa onebe'e mshirikibebe'eta manabe ma. ³¹ ''Kwako nzokoko hako sleme tayaya asoma a asukoma isokatabae a okokoma,a be'e piyebe'e be'e'ehepe'e manabe'e ichamebe'e.'' ³² Habe'e be'e'eame bihebe'e.Lakini thodzota kuhusu Kristo a hetsakoma Haine. ³³ Walakini,kila ichame ina lazima sosla'atita okoko ma isa ichinanema,a okoko lazima ikoheshimuita omesa.