¹ Hishinokwa isa illiye kwako nzokoko ma Bwana,hinata teteillikwa isa a kamiya hamakwamo Haine ka'aeta. ² Tetehama kweya bubee !usla a /'itsihe a uvumilivu.Kwetecheche'e kwaya bathahe. ³ Hiihete nenabiidiko notsamachana ichamiina nkolote kwaya illiya bathahene. ⁴ Bahepe'e manabee ichamebe'e a nkoloko ichameko,isa kwatea ka'amimiya nena humako dzaniko ichameko ka'amiya ina. ⁵ A baheya Bwana ichame,imani ichame,ubatizo ichame, ⁶ a Haina ichame a bawa ona wainaona.Bami baheya puhuna ma ihia wainama,a kwape'e wainaeta a chikina eta wainaeta. ⁷ Kweya kila ichameyona kumiyamo ulube'e kumiina a kipimoko weta ulubema Kristo. ⁸ Isa kwami maandikobii thodzo:''Kwamopululu puhuna pa'ana,tupumiyamo mateka kweya/'iwiya.Kamo hi!neta ulube'e kweya emeda.'' ⁹ Akwia maana ma,''Pululuamo,''isipokuwa kwamba tuwamo kae bala tlhehene yamuane?

¹⁰ Bami hamakwamo tuwa unuwa babami hakwamo kai pululue ichana puhuna ma a'abii wainaicha.Hiiheyamo hishinokwa ili bahaema iso kweya ihia wainama. ¹¹ Kristo hi!netamo ulube isa habe mitume,a'asepobii wainjilisti llollohobii,a waalimubii. ¹² Hiiheya hishinokwa ishietachana wauminibee kwa nzokoko sa melemodako ma huduma,kwako nzokoko ma maetacha manabe ma Kristo. ¹³ Hiiheya hishinokwa a onebee wainaona ibagushikela ichame ma imani a maarifa ma akwete ma Haine,elasukwaya hishinokwa iba gumuseana haka'achana isa nabe'e kwapegushika kimo humate na Kristo. ¹⁴ Hako ni kwamba ibakwe llamo isa olanakwe,ibaakwekakatlheya hamana a nana.Ili kwamba ibaakwechiya a kila aina icha tsuchibima fundisho,kweya hila ma emeda kweya hokakie ma lamusimiyo hakweyalakahe. ¹⁵ Bebe'enaeto,thodzobita humako kwaya slaati a tisicha pa'ana kwape yekebe wainaeta chikina ma ambaye bamiya thoma,Kristo. ¹⁶ Kristo gugiyetemo ichameena,manabee wainaeta waumibitebe'e.Gugiyame wainaeta a kila kiungo ili ise manabee wainaeta setisi a maiyana ichinaneeta kweya sla'ati. ¹⁷ Hishinokwa,thodzota hako,hinata kweya Bwana:Taakwete itlhiikwa llama isa emeda ma mataifa sakwapee tlhekwa kwaya ubatili sa masala koweta. ¹⁸ Chikimayame titsia kwaya goseka eta kisiyame hi!necha kwaya amayega ema Haine kweyo !aue hakweya chikina eta kwako nzokoko ma hak'aeta nkolobeeta. ¹⁹ Akwapeliya minyala.Chikiyame ichinaneta nena ufisadi yeta kweya ithikwaeta titciye,kweya kila gashega ma lhite'e. ²⁰ Lakini,hishinokwa akwe kwatetajifunzae kuhusu Kristo. ²¹ Nadhani Ilaetea kuhusu bami.Nadhani kwamba kwamba himiyatea kweya bami,isa kwakwa humako kwakwa chikinama Yesu. ²² Lazima tete ihiae wainama kumie a itlhekwa ina kene,nube'e kene.Nubeeya kene putuuheto kwako nkokoko sa tasiko nkolo lamatiko. ²³ Nduwatu nube eina kene ili kwamba teteelahiyo dzatcie kwako nkoloko masalati kona. ²⁴ Hiihete hishinokwa itete gumuseana n!oitobochana nube'e dzana,kumie a Haine.Elahiyamo kweya haki a tsiyee humate. ²⁵ Hishinokwa,cheke'e ichana lamusi.''Thodzote humako,kila ichame a kupanema,''Kwako nzokoko tu washiriko kila ichame kweya ubama. ²⁶ Tete chokwaha ofucha,lakini taakwete elaha theke'e.''Ishoko ikoakwekutukutahe kwete'e kweya ofacha ina. ²⁷ Taa kwetyekwisa !o!oko hamacha. ²⁸ Babami dzake lazima isoakwedzake iiama.Badala ma ni lazima isoelasuko wa melemodako.Elasukwaka melemodako boko ishiiyaniko nena ukwabina,ili kwamba isogumuseana isoishiana unu sla'atee ishiiya. ²⁹ /'ak;atako thikiko ikoakwehin!e nlluk'watina ina.Badalama,idigabe'e lazima sehin!e kwape nllukwabii fa'aebe'e kweyo mahitaji,kwehetachana faida nabe'e habekwape'e ell'ekekehe. ³⁰ A ta;akwete /'ukusunasa nkoloko Nubiko ma Haine.Ni kweya bami kwamba chikiyatea muhuriko kwako nzokoko sa tsifiko ma ishiiya. ³¹ Lazima tetecheka ichana /'etene'e wainama,ghadhabu,ofa,lingiya,milaso,gugiya a kila gashenga ma theke'e.Itete tsie etebe'ee. ³² Hete hurumane'e.Hetesameheyane'e ichinanehina,isa Haine kweya Kristo kwama sameyaina etebe.