¹ Olanakwe tiitate akasumi ina kweya Bwana,kwako nzokoko hako ni hakiiya. ² ''Heshimuita paslehena a pa'ako wina''(Nzokoko hako biipii amriko ma akaka'aneko boko ahadiniko), ³ ili iso herie itibina a tetegumuseana hamacha hamacha tase puhuna ma yamua.'' ⁴ Aitibii bawamicho,ta'akwisi ofita olanakwini a sababishaiyeyeta chana ofacha,badala ma,cheenetasi kweya nubee a maagizo ma Bwana. ⁵ Etebe'e /'u/'ukwa,li'ihete itetetsiee kwepi mabwana bi'ina habii yamuanibii nena heshima pakapa'a a /etetete nena isle'e hin!e nkolotinaina.Itete nllanllae'e biichina isa kwatetaa nllaema Kristo. ⁶ Utii ina isoakwe be'ena mabwana biina be'ena kwisichiinina ili tetebatheicha.Badala naicha,itete a nllae isa /'u/'ukwabima Kristo. ⁷ Hihete mapenzi ma Haine hin!echa nkolobitina ina,elasukwahichate nena nkolobe ina wainaeta,kwa kuwa elasukwametetee Bwana a akwe unu, ⁸ Sla'atita tetaochana kwamba kweye kila ithikwa tsie unu elahae,tatsanaya zawadi hin!echa kweya Bwana,kweso /'u/'ukwae au unu tsie. ⁹ Aitibii mabwana hiiyesi hihishinokwa kwapi /'u/'ukwabiina.Taakwisisasapicha kwititetao kwamba bami hamakweya Bwana eyona wainaona bamiya hamakweya a'anina. ¹⁰ Itete,chokwahetate a ulubee kweya Bwana a kwaya uweza weta ulubema. ¹¹ N!uitoboe shilanga wainama Hainene, ili kwamba tete chiya ikacha kiyume a hila sa !o!oko. ¹² Kwa kuwa ndzukume yona akwaya atamanee a manako,bali dhidi yayicha falme a mamlaka sa nkoloko a watawalabi ma yamuama thekaula a titsia,dhidi naeta halungube'e kweya yamua ma a'a. ¹³ Hishinokwa n!uitobote shilanga wainama Hainene,ili itete ika tsiyeena dhidi nama thekee kweya kipindi hama theke.Bama kwetebahana kila gashenga ikateta tsiye'ena. ¹⁴ Atete ika tsiye'ena.Hiihete hishinokwa bama kwete'e illa ta/e kwako humako a haki k'atsabitina. ¹⁵ Hiihete hishinokwa kwete n!uitatea gobechama upukwabitina ina ihodzocha na injiliko bathaheniko. ¹⁶ Kweya kila hali kwetechiya ngao ma imani,ambayo ishienaya /'abichachana hik'obima hina thekaule. ¹⁷ N!uitoboe kofia ma ishiiyo a amayega esa nkoloko,ambaye idigape ma Haine. ¹⁸ Ichame'ena a!oshocha a duako.!oshote kwako Nkoloko kekeme'e.Kweya cheecha hama itete che'enimiya kekeme'ena kweya /itsihe wainama a!oshocha kwako xnokoko weta waaminibe wainaeta. ¹⁹ !oshote kwako nzokoko kwa ,ili nakwamiya thodzo kwella'ata awanika kokwa !oshote kwamba chodzokoo nena ujasirie humate hamakweyabiha ihusuyo injili. ²⁰ Ni kwako nzokoko sa injiliko ano balozine kwatailliya ngengebii,ili kwamba chikina eta nathodzo nena ujasiri isa kwatawiwaiya thodzocha. ²¹ Lakini etebe ilama tetetetao yamua kwa a jinsi kwatlhikwa,Tikiko ukwa tekwa kipenzi a melemodate mwaminifu kweya Bawa,hinaya kila gashenga. ²² /'uwana'a itibitina nena kusudiko hako maalumu,ili itete tetaoma yamua kuhusu obe,sogumuseana farijiiyetachana nkolobi ina. ²³ Bthahe a iso kwape'e ukwatebe,a slaati ichame'ena a imani hi!echa kweya Haine bawa a Bwana Yesu Kristo. ²⁴ Neemako iko ichame'ena a wainaina habekwape'e slaata Bwana Yesu Kristo kweya sla'ati hina kweyaakwe a misihe.