¹ Ko ikio veledera mbarinyi uvichwa wose, ilembwa, wongo, kiroso kimeno. ² Koja vana kibetebete, ifuda maruva vaile va ngonyi, kinesa kee kinesa mdime ileha numbe o ikirwa. ³ Koja musaja kee Mndumi nyimcha. ⁴ Njoo kwake akeri igo jirukee jikenadamia ijo jilelengwa na mafundi na vadu, kake ijo jilesamburwa na mwele na nyi loikwake. ⁵ Inye kavi nyi kee mawe varukie vakenashumbwa uya kee numba ya ngoo, kinesa iva magi mwele kee ulefuma sadaka ze goo zikenaidikijwa ko moo mwele idia Yesu Kristo. ⁶ Mureyo nyuchamba kudi, ''Lambwa, gamedera gholosi sayuni igo ja mbarinyi, jidue na jilesamburu na uunguru. Wowote aidikije koikio apeona aibupo.'' ⁷ Koikio nganyi nyi yanu kwanu nanye mkenamini. Kake, ''Ingo jilesongwa na veshumba, iji jime ingo jidue ja mbalinyi.'' ⁸ Na, ''Ingo jeshumbwa na numba ko mtulia.'' Ivo komtulia, velesamburu koijo, ⁹ Kake inye ni mbari ulesamburwa, umangi koo kiumangi, isanga jiele, vandu o itorio ja mwele, kee kitevi mori itangaza shindo ya sonu uja aledikira ifuma momenyi icha kila garonyi kike kia sonu. ¹⁰ Ingwe kuoka mwekeri vandupo kake lwaha inye nyi vandu va Mwele. Inye mulewadijapo mbora, kake lwaha meadija mbora. ¹¹ Vandodu, gavadikira cha vagenu na itengetatengeta ikwema ifuma ikwima ifuma ifuda mbichwa za sambi, sinekavana shida na ngoo zanu. ¹² Muuriwa muwe na nyi chicha ko masanga, kinesa kee, vapevadedi kee chakundu mumeuta shindo shivichwa, vawade uya wanu mucha na nyitayi Mwele ko mfunu o jeha kwake ¹³ Ganyi kee uduwe o mudu ko kinesa Mndumi, ikava mangi kee mdue, ¹⁴ Ikava vatawata veledumwa ivabula ivakenauta shivichwa na itereshe ko vajavakenauta shicha. ¹⁵ Komekoja nyikunda ja Mwele, kee kee iruda mecha mpeshi vovira shidedo sha ualanyi o vadu vayamede. ¹⁶ Koja vandu vaode uhuru valarude uhuru wanu cha kiongo wichwa, o mango cha vadumwa wa Mwele. ¹⁷ Nganyi ko vayandu vose. Vkunde vanduanu. Vakunde vanduanu. Mwogwenyi Makilunga. Mwadienyi ganyi mangi. ¹⁸ Vadumwa, wadenyi ganyi vomi vanu ko nganyi yose, chikio tu mdumi vakeri vecha na vaoloru kake kavi vadu vavichwa. ¹⁹ Ko mekoja nyi kuita cha wowose alaperimija ivaviwa wakati akenateseka kulaode loi ko kitevi kelaja kwake ko eda ko Mwele. ²⁰ Nyi ucha mki ikeri ko mudu iuta sambi ade mwedelee ulwa? Kake koja mmeutamecha na nyiho mpeteseke ko ipungwa iki nyi ikwita jicha ko Mwele. ²¹ Ko iko mledikira, ko kitevi Kristo kavi nyeleteswa ko kitevi kianu, amemlekeja mfano ko kitevi kianu ivadi ndufua zake. ²² Icho eleuta sambipo, nama uleonika na kilembo lembo kyokiose dumbunyi kwakepo. ²³ Kigeri icho eledengwa, elemuwrigiapo adi nyekufuna amonyi kwake icho amonyi nauta keloi. ²⁴ Icho amonyi yelekudika sambi zedu osese lwake kidinyi kinesa kee dilavi sehemu kavi ko sambi, na kee didamie ko kitevi kia loi. Ko ikangwa jake inyi gamechiha. ²⁵ Vose mwekeri mukeneraghagha cha imondo jiledeka, kake laha mumeuya ko mchungaji na muringi o ngoo zanu.