¹ Petro, modumwa Yesu kristo, ko vaghenyi wateule, wasamburwa, katika Ponto sose, Galatia, kapadokia, Asia, na Bithinia, ² Imanya ufuma o Makilunga, Papa, koiteso na ngoo isanyikye ghanyi ya Yesu kristo, na inyuziwa ndakame yake. Neema ivikwanu, amani yanu iongezeke. ³ Makilunga Papa Mndumi odu Yesu kristo na utaramwe. katika ucha wake, nyalijinenga ishawa upya ko ujasiri ukabisiwa idia ufufu o Yesu Kristo ifuma ko wafu, ⁴ Ko urisi uchaudeka upeva po na kilapeva ko inenea. Kirikwa ruven ko njia yedu. ⁵ Ko njia ya Makilunga mpelipwa kuidiya imani ko wokovu kwavo ukeri iunuliwa katika sha mwiro. ⁶ Sherekeunyi katika njia, sha ko njicha kodu uichwa usonu kati ijaribu ja kwacha kwacha. ⁷ Ikyo, ko sababu, imani kwa niva nji kindo kinyamarie kija kidekye katika modo uchengereja imani idekye. Ifumia imani kodu upate lishaa sifa, njicha, na nganyi katika irighuwa Yesu Kristo. ⁸ Mlambuona kake, mlamkunde. Mpemuonapo na kake, mpemwani katika idimikika ko iorokwa kitevi kyanu. ⁹ Lwa moadija ngimoji shija shilecha kwanu, wokovu o nafsi shanu. ¹⁰ Wairoto vakeneshigha na iveserea kindokye necha am, kuhusu okovu icho, kuhusu mbora iveva yanu. ¹¹ Veleshigha imanya aina njiki uokovu wenyaree uche. Weleshigha wamanye nji mda mki ngoo ya Kristo icho akeri ndani yavo velekeri vakideda shena navo ya nyemvadia. ¹² Ilerughujwa ko manabii velekeri vekewatumikia shindo ishi ko kitevi kyavo, bali ko kitavi kyanu shioghano o shidedo idia vechende injili kadu ko njia ya ngoo mwele nyaleduwa ifumaruveu, shindo shija ko malaika valetamani ko uja. ¹³ Ko icho pungeni urumu ko njorongo shanu. Jive watulivu katika fikra shedu. Jive na ujasiri ukamilikye katika mbora isho ipe endwa kwanu katika irunghujwa ko Yesu Kristo. ¹⁴ Koja vana vakinatii, mlapungwe vavenyi na nyikunda tamaa mngesivadia kieri mlaodo imanya. ¹⁵ Kake chakundu alevadikira akari mwele, nainyi, kavi, mve mwele iya orikenyi. ¹⁶ Ko kilevi mleandikwa, ''Mve waele, ko iji mwele.'' ¹⁷ Nakoje mpengidikira ''Papa'' Uja nachila ko haki yeina na kasi kila mndu, tumia mda wa kyaro nyenyekea. ¹⁸ Namwichi uvekeri pesapo ana dhahabu - shindo shija senemarika - shija shelefumwa ifuma kuja sode utondo na shija mlekulosha ifuma ko Papa odu. ¹⁹ Mlelavirijwa ko ndakame ya ghanyi ya Kristo, cha iya imondo jilaode idoa. ²⁰ Kristo nyalesamburwa kabla ya kyacho kia iya orikenyi, kake iiyemarija, alerughujwa kwanu. ²¹ Makilunga iidia icho, am Makilunga nyalemrusha ifuma ipo andu epie naada kamnenga uwele nyiucha wanu kirikarika uve o Makilunga. ²² Mleula nafasi sanu iva njicha itii ko loi, ko kileve kya undodu ulaode irimijana, kudo kundenyi vefuma ngoonyi. ²³ Mmonika mkono o kavi chimbea inyamarikye, katika mbeu iya iyapenyamarika, iidia udue o kidedo kya Makilunga kiderijwa. ²⁴ Ko kilevi '' njoosese sose chamara, na utukufu wake wose ua ja ira. ²⁵ Jeche oma na idomoka, Kake kidedo kya mrumi ikaja ndarasi.'' Iyu nyi ujumbe uderijwa ko injili kodu.