¹ Eharuseeda miba nee tsar ngire dinkwari nge a ateet leeslamu ihanis /uuru neetlame slemero kuwa hingemisi nee tiqituse kawa hungu/uumisi. ² Ngina ya/aaw wa awuti iimar Mungu kawa a/aki/iiti nee tiqtuuse kaw hhoemis. ³ Ngire bay, “baraa' aihunge magahuwara laqa tlakway laqa moroo ayma laq pesa taam hee wak inqwar Mungwa tsar wa huu. ⁴ Doo taa I hardate na hootaak ay idir yamuda kay gexera. ⁵ Muk kunga na sii bar tlera do'osiye tlarangw yaahung kukuaak iwa lamabu'ungw tleehhit dirine”. ⁶ Tare tlay tawahi'iimiti bara ayeemo hatla ya/abrtor kawa a//ki/iit nee muu kuwa hhoeemis umuuqo diiro. ⁷ Nee herode wawutumo toda slemeero aa tlehharut ngiwa axaas ir amoqwarar asma muk yaariir ta kaahi Yohani na wasloo/. ⁸ Bahhaale ta kahhi Eliya ninatit nee bahhaale takahi a aarusmo o wak oo aaruusedar qaro nina wasloo? ⁹ Herode ir oo “Yohani una saga tsaat ala hewi kaanga’s ni axamiis a maa? Nee herode ur war Yesu ngur ari ngina lelehhiit” ¹⁰ ya/a buuseeda niwa ki/I muuruda taatleehh sleemero kure alki/it ngire artlay ay dir ta baby Betsaida. ¹¹ Imii guwa axas ngure digidalii nee ngire kwahhas nee kangw wawitiimar ngina axwees nee mu'k tiqituse nguna hhoemiis. ¹² Looa iwa darat ee haruseda mibane tare daqay amoro's ngure bayee “muk sing watlisek as tawa ki/i bara ayemo tsewen dir qatemo dir hungu/uusa ay nee moroo /ayma asma dirti dirian a bara slaa. ¹³ Inos ngire bay kuunga moro/aymar ti hanise tari oo gar ta kooman ikahh a qo har mikaater kooan nee samakir tsar kilos geera ana sla'aan moro/ayma kuwa tsaxwan as mukwi slee'meero? ¹⁴ Asma kilooin afi qomar kumer kooan eaha ruuseeros ngire bay muu iwiitis ak or bumburak nee umoqo burumburitaro muu miberi kooan. ¹⁵ . Adooda kari tlehh sleemero kiri iwiitis. ¹⁶ Mikateedar koan smakida tsar ngire tatahhire gawa doori qaysit in sluufiis ngire qasmis ngire ee haruuseerosi haniis kawa qasmis. ¹⁷ Slee'meero tana /ayin tay aax nee muruu/aymar aa meet kuna burumburu, kikapemo miba nee tsar kire hatsiis parhhemaa naa meetii. ¹⁸ . Qoomar iwa firiirin kilos ale eeharuseeroos i dida idirii nee inos ngire bay muu iwa a axuweesi matakahi ana aa maa? ¹⁹ Kuri bay takahi kuunga Yohani baa timaamis bahhale ta kaahi a Eliya, bahhale aarusmoo wak nina waaslee/ bara aaruuseedar aange? ²⁰ Ngire bay kuunga ma kata ana ma'a? Petro iri oo kuung a Kristo Mungu. ²¹ Gari bay kaangwi lo muu hee bawara. ²² Ngire oo garmo hee gar harrima slahhee e misoo yaariir nguwa slay nee kuwa siaasi a nee bariser nee geera haruuser uren ar saalingw muk Yahudi nee ins=tsahhatuser haraayar musa. Nee kure gaas deelor tame nay wasloo/. ²³ Sleemeero ngire bay umuuqo heewo gar ani eharta waslaa gar kuwa hariim sla aariros ngin may msalabaros ngin gagari ani i daqideeli. ²⁴ Umuuq heewo oo slafingos guba/amisar wa slaa kilos ale ngu qwarees ne hee slafingos qwareesaro gwa ya/an as aning slafingos ku amohhoo. ²⁵ Asma hee yaanu sleemero timngi slay gar guwa gabuiya. Inos birtakilos qwarees. ²⁶ Asma umoqo hee mure nga ar asma ani nee as /aymuee hee adoori Garma hee ngu ilamurut bira harda dir geera kitangw xirfowo. ²⁷ Ala loema ngi oo muu bahhaale oo baraa' tla/anghung wa sihhimiit gwa'ara ngi tsaqiya' aka ay dir wawitiimar dawri ngay ariya. ²⁸ Alaa axweesantihe deelor dakaat iwa waarahh, Petro nee Yohani nee Yakobo, ngina ar tlay iri firor ay gawaa tlooma. ²⁹ Iwa firiirin slaqsoo gitsee/awos ina warqayee' tlabaawos nay/awakukuye, i miiri/iya. ³⁰ Muk tsar nee inos ta axwees, mukwi a Musa ne Eliya. ³¹ Nina geehhoo iye ar xirif tare axwees gawaa' dando gwa'araros tada boo/eesi bara Yerusalemu wa ale, ³² Ptro nee mukda ti kooma guute ngire ot niwa niwadaarkiitiye xirfuuwos kuri ar nee mukdatsar nee inos na sihhimiit. ³³ Qoomar mukda tsar nee Yesu tiwa paraatliye Petro iri oo dir Yesuu Aako kahhoo aten tawa diri wa iwiwitan isleera tam i tlehhan oo wak a kok kuguu nee Musa koko oo Eliya, ino's laati gar i axweesi tsahhika. ³⁴ Inos iwa adori kaahi tlafi ninahardat nee ngire tuntuk tari da ayuut tawa ar ka hharwes nee tlafo. ³⁵ Afo ina tiit wa baraa tlafoda ika't hewi a garma ee kuda naa tsanar inos iiar i qaasak. ³⁶ Afoda iwa xaslit naxes Yesu a akilos inoin tari xaslit, kangwda taa ar kwaa oo iika dir heewo delodae. ³⁷ Bolo niwa gawa tlooma wa aweer tina doogiye nee xoror yarir. ³⁸ Heeko wak bar xorodae inauu i kaah itsahhatusumo an kuung u firriim na/ayi ee areek asma an na/ayree oo kilos. ³⁹ Ga/aawek neetlame gunaaeer qoomar burngwa eer in uuamin nee in slarahhammut nee slooro in gawa afkos wa ti ii mit neetlaameda gu slahhe ee mis slam ngu gememeraka aqo ar ma/iis. ⁴⁰ Ee haruuseerok an fiririim ngiwa ahinges ala kaa haraslaqaat. ⁴¹ Yesu iri oo kuunga a xwaylar haratlintaor komaka ar a hhituruu't ay daqala ani ne kuunga ta hotatimaan? Yesu heedadaada guri bay na/aywok diri huwang’u. ⁴² Garma qoomar na hiiti netlame nauna dahh yaam pungahhamuur yesu nee tlameda ngire iigehhaat garmada nguri hhooes ngure dir Baabowo's i ki/is. ⁴³ . Muu sleemero tari waa/oo ador Mungu kur ur kawa ar muruuwi sleemero Yesu aa tleehh kuwa waa/oo/amor wa aluwo eeharuseeros ngire i axwees. ⁴⁴ A xweesanti oha hhe'eesak bara iiaahunge garmo hee ku gawa dabaa muk i qaas. ⁴⁵ Ala inoin tida i kahhi kaa tsaahhii kar dir inooine kana luu/ makawa tsahh inooin nina daiyutiye kangwasi ngwa yahasiya. ⁴⁶ Kaangani kari iimu/un a gidaaaar hee ur a heema dir ine. ⁴⁷ Yesu tida taa bara muner in i axwees ngiwatsaahh na/ee niina guri oh ngure dir bihhaarosi qaas. ⁴⁸ Ngire bay hee na/aywi ngwa iaoh ner umoee ani sleeme i ilaoh. Nee kuda ani ilaoh kuda ani iga ya/aan ire ilaoh. Asma kuda lo wa mina dirhunge an kuda ur. ⁴⁹ Yohani iri ilawaats iri oo, Aako hee nee tlaamer hingeemis ner umowok una araan kuri ii gahhaat asma inos nee aten ti koomaa naa ka. ⁵⁰ Yesu iri oo ee muiigahhamiitara asma hee kuunga nu tlampa'amisaka a oo bartuhhung. ⁵¹ Qoomar deelooros ar kuwa gawti huuwi niwa tse wuur inos gise/awos ngire Yerusalemu i xuus. ⁵² Muu ngway geeri ya/aaw tari tlay tay dah yaamaa Samaria, asma diros kawa amohhee esi. ⁵³ Ala mukduu yaamuda gwa ilaohiika asma adooda iwaa Yerusalemu kay. ⁵⁴ Ee hharuuseeros Yakobo nee Yohani adoori kawa ar tana oo. Aako, asla atetan niwa gawa dor wa awed mukwi nguwa qwaares? ⁵⁵ Iri amor in iwarqay ngire ii gahhaat ire oo. ⁵⁶ Tari tlay tan amor aya hatla. ⁵⁷ Qooma tawa he iiti heeko loiiro guna bay, an kuu u eehaar umuuqo dir ta kora. ⁵⁸ Yesu ngure bay, intsaawe ibohhonteri koon nee tsir/o i tsuramakon ala garmaa hee tam dir saqos ngu i dahasi i kahh. ⁵⁹ He hatla guri bay Ee harang heeda ire iri oo Aako aka ya/aam da baabuu ee ngu ala fool. ⁶⁰ Guri bay mawee muk ador tuu tuaa muk in ngui foliitiya kuung tlaw iidiguu waawuti iimar Mungu alki/ii teek. ⁶¹ Heeko hatla sleeme Yesu guri bay, Aako an kuung u ehar ala ya/aam ala hariisang muk dooee nguwa ala kangwi baw. ⁶² Yesu ir oo, “Hee korumoo dosla gwa oh, gari i bui ikahh”. baraa' wawitiimar Munguhe.