¹ Alusiye Aako o miberi fanqw o hatla ngina ya/aw tsar tsar nguwagerahariyaa baraa' ayemo daa' inos ii kemuslai. ² Ngire bay Buung kuyaarir ala sagadiyuse kaninaw. Baraa' idosiye Aako huung firiimak as gidaaba' sagadiyuse ngiwaya/awe neer ganslay baraa' buungos ii ale. ³ Tlawee baraa gixsa. Tiharmagahhee tundunya/abit idor bee/angw wa ale baraa' tla/angw tawer ii ale. ⁴ Tlakway peesa mugagarara tam xoslumo hhayuma tam ya/ataa hee mulaweesara baraa' uruwaro. ⁵ Baraa' doo taqoidataa oee geera ale wayda ideruti dir doowihe. ⁶ Bartakayi hee wayda ii deer disiye waydohung ii meet gawawos ii ale. Nee bar takay a idodiyeka waydohung niki/i amorhung. ⁷ Dir doosi ii metak /ayak nee wahak todaa tindi harimisi asma sagadiyusmo i harin buurtuwo. Malolhimaraa wa amor doowi tare amor doo hatlaa keraa. ⁸ . Gixsar taqoidataa, artunduwailao /ayak umoqo gartindagerahung i huw. ⁹ Nee hhoesak tiqtuser barasi dirii. Idabawak, wawutiimar Mungu natsewur dirhung i ale. ¹⁰ Ala gixsar tunduwa ilaohika bar takayi agadatee tiitee baraa' uruwar i ale nee taoa. ¹¹ Tam tlarangw baraa' gixsar hung oo a hagaat baraa' yaaren unkukuan amorhung ii ale! Ala xuak gaari wawutiimar Mungu natsewur ¹² Tundubabawan umogidaba balo sakwaslemaro Sodoma a tsini gi tloin as ta gixsarhunge. ¹³ Arya rog Korasini, Arya rog Bethsaida! Bartakayi geera gadiyeri urun a tlehharut barawog i ale bar inatleharut baraa' Tiro nee Sidoni geera naqarohhoinee imir ang taqaro iwimit wa baraa' tlabaa guniaduu nee ta/ra, ¹⁴ Ala aa loowatsini qitlo Tiro nee Sidoni balo delor sakwaslemaro dir kungae. ¹⁵ King Kapernaumu aldako rog a gidabahe tingawtaitless ee gawaa' dorii? Aa idosiyeka, tin aweris ee baraa' gai. ¹⁶ Oo kuunga tunda iiari qaas ani tina iiari qaas nee hee qooo kuunga tundasi ani inasi. nee o ani a sii kwada ani a ya/aw ngunasi. ¹⁷ Kwada miberi fanqw nina watli neer qwala tare oo Aako tam netlame tundunilaiwawaa/ neer umowog. ¹⁸ Yesu ngire ba'y hetlangw un aar iwa/e/etin gawaa' dawri wa ale idor mankari. ¹⁹ Araak baali ngaharis ar amato/a nee xerawe kawa kala/anda nee /uuru slee'meero kodaa o tlakusumoo nee ikahh gaar tlakw ar tunduaw ii kahh. ²⁰ Tam gawaa' idosiye maqwala/araa baraa ti kilose gidaba geremaa tunduilawawaa/ ala qwala/ee wa loo asmua umii hung kagoin gawaa' dorii. ²¹ Qomadae inaqwadataa/ wa loo neer baraa' qeeru hhohoo ire oo' Ukirfeemis kuung Babaa Aakko doorii nee yamu asma ugaluu/ mooroowi dir mu'k sagaloa nee qeeru kooma nee kuregehhooatis dir mu'k taintsahhatisika, idor na/a ninakw. Aa loo Babaa asma anasla baraa' ilawoge kawa idosir tlehh. ²² Umo gaaro kinga dir' eni hariis nee Baboee nee ikahh hee garma nguxuu ala a Babaa nee hee Babaa nguxuu ikaahh ala aa Garma nee kodaa oo qoo Garmaa islai tiwagehhoatisi dirosi ale. ²³ Iharuse ros ngina i warqay ngirebay neer naqo "Katsuq kwada ti ngiaraara kuunga taraandaa. ²⁴ Kuunga tundun babaw umogidaba aruser yarir nee wawita ngina slaiyee ti taaraandaa ngiwaariyaa nee ngaariika nee ngiwaaxasiyeaa ti taaxamisaa nee ngaaxasiika. ²⁵ Tazama malimu koo oo alqador mu'k Wayahudi inasihhit ngure iar ireoo malimu idor ni/is ar slafingw daqislem nguwaal? ²⁶ Yesu ngunabay Gartagoin baraa' haraeyaro? Bar somus gar ikat? ²⁷ Ngina mu/ewats ireoo 'Slaeek Aakko Mungu' woog neer munowago sleeme neer qeeru wog sleeme nee /uuruwog sleeme, neer sagaloarog sleeme nee isslawe wog idor kuung tir slaa. ²⁸ Yesu ire oo Agamu/ewatsaqomes. Idosi tlehhe nee aa hot. ²⁹ Ala malimu ngina ila tlerus tiwagariamu i harafari kilos ale, Yesu nguna bay "Nee inslawumoee aa maa?" ³⁰ Yesu nginamu/ewats iree oo' Heeko geera in /e/etin amor Yerusalemur wa ale amor Yerik ngin kakay. Inahuu tla/angw mu'k mooroo muw hayohim ii ale, moor'oowo' kuna qwatl nee kure diif nee kuregexay dir afqomar qwaarari ale. ³¹ Gitsa/ahhoe kuhanimo koo ina didaa ar warahh dir uruwa daa hee daa ii dirii. Nguwa ar ina bihhi hatlaa deer. ³² Mlawimo sleeme aqo idodaa iwahardah nee nguwaar ina bihhi hatlaa deel. ³³ Ala msamariakoo wa'k iwa baraa hhayumar ii dirii ina didaa hee daa ii dirii ar warahh. Nguwaar kunatliwi/i nee gurtlemu. ³⁴ Nguna harasap nee inkahhaiwos ngire tseeg di/i nee difai ngire gawadai kuus. Ngunatsa/as gawaa' makitooroos nee ngure huuw baraa' doo dahaye kuree amohheemis.' ³⁵ Delor hatlae ngina tatahh dinari tsar nee ngire ha riis dir hee doo too dahaye ngure bay "/Iseek nee gaar tlahhatlahh bir deer arta inos ar/is birnaki/i abuu. ³⁶ Aa gaala dir mukwi tamee o tatsatsahhan ta waa inslawumo hee daa aa huu baraa tla/angw qwatluse aa maa? ³⁷ Malimu inaoo Aa kwadaa' gurtlemu woos ngwalagan diiros ii ale". Yesu ngure ba'y tlaw nee idosir kilaa natlehhee". ³⁸ Ala qoomar tawahhayumiti inadahiyee diir ayakoo nee /ameenir wa'k umowoos marta ngunakwahha dir doowos i ale. ³⁹ Hhoor taba'y Mariamu ngikon todaa a iwiwit dir yaa Yesu keer nee inaoo Aakko ahhaslitke gidaaba hhoor ee ani igameer kiloee dir distakwar i ale? Aso gimay idabaweek i/iis." ⁴⁰ Ala marta tinaditsakwar yarir ii hariis aar moo'oo /ayma tlehhit. Ina amor Yesu keeer nee inoo Aako ahhaslitke didaaba hoor ee ani igameer kiloee dir dislakwar i ale? Aso go,au odabaweel i/iis." ⁴¹ Ala gaar wa'k kilo's kaafhhamit Mariamu natsawad gadaa afhhamit todaa ta hengesika dirose. ⁴² Ala gar slahhaa a wak kilos Mariamu gana tsawat tidaada hhoo, tida ta hingeesika dirose.